என் குடும்பத்தினர் அனைவரும் சிவபக்தர்கள்! - ராகுல்காந்தி

Published on 30/11/2017 | Edited on 01/12/2017

என் குடும்பத்தினர் அனைவரும் சிவபக்தர்கள்! - ராகுல்காந்தி

ராகுல்காந்தி மீதான மத சர்ச்சைகள் எழுந்த நிலையில், எங்கள் குடும்பத்தினர் அனைவரும் சிவபக்தர்கள் என ராகுல்காந்தி தெரிவித்துள்ளார்.

குஜராத் மாநிலத்தில் உள்ள சோம்நாத் கோவிலில் தரிசனம் செய்யச் சென்ற காங்கிரஸ் துணைத்தலைவர் ராகுல்காந்தி, அங்கு இந்து அல்லாதவர்களுக்கான பதிவேட்டில் கையெழுத்திட்டார். அதை பா.ஜ.கவினர் விவாதப் பொருளாக்கினர். இந்து அல்லாதவர் என்றால் எதற்காக கோயில்களுக்கு செல்லவேண்டும் என கேள்விகளை எழுப்பினர்.

இந்நிலையில், அதற்கு பதிலளிக்கும் வகையில் பேசிய ராகுல்காந்தி, பதிவேட்டில் கையெழுத்திட்டது உண்மைதான். ஆனால், அது திருத்தம் செய்ததில் பா.ஜ.கவினரின் சதி இருக்கிறது. எங்கள் குடும்பத்தில் இருப்பவர்கள் அனைவரும் சிவபக்தர்கள்தான் என தெரிவித்துள்ளார்.