மதுரையில் பத்து ரயில்கள் ரத்து-தெற்கு ரயில்வே அறிவிப்பு

மதுரையில் பிப்ரவரி 6, 7, 8 ஆகிய தேதிகளில் 10 விரைவு ரயில் ரத்து செய்யப்பட்டுள்ளது.

மதுரை ரயில் நிலையத்தில் பராமரிப்பு பணிகள் நடைபெறுவதன் காரணமாக நாளை முதல் 8 தேதி வரை 10 விரைவு ரயில்கள் முழுமையாக ரத்து செய்யப்படுவதாக தெற்கு ரயில்வே அறிவித்துள்ளது.

அறிவிப்பின்படி, 'பகல் 1205-க்கு புறப்படும் திருச்செந்தூர்-பாலக்காடு விரைவு ரயில்(16732) பிப்ரவரி 6,7,8 ஆகிய தேதிகளில் முழுமையாக ரத்து செய்யப்படுகிறது. காலை 6 மணிக்கு புறப்படும் பாலக்காடு-திருச்செந்தூர் விரைவு ரயில்(16731) பிப். 7,8 ஆகிய தேதிகளில் ரத்து செய்யப்படுகிறது.

காலை 6.50 மணிக்கு புறப்படும் மதுரை-ராமேஸ்வரம் முன்பதிவில்லாத ரயில் (06651) பிப்.6,7,8 தேதிகளில் ரத்து செய்யப்படுகிறது. பகல் 12.30க்கு புறப்படும் மதுரை-ராமேஸ்வரம் முன்பதிவில்லாத ரயில்(06653) பிப்.6,7,8 ஆகிய தேதிகளில் ரத்து செய்யப்படுகிறது. இரவு 6.10க்கு புறப்படும் மதுரை-ராமேஸ்வரம் முன்பதிவில்லாத ரயில்(06655) பிப். 6, 7, 8 ஆகிய தேதிகளில் ரத்து செய்யப்படுகிறது.

காலை 5.40க்கு புறப்படும் ராமேஸ்வரம்-மதுரை முன்பதிவில்லாத ரயில்(06652) பிப்.6, 7, 8 ஆகிய தேதிகளில் முழுமையாக ரத்து செய்யப்படுகிறது. காலை 11 மணிக்கு புறப்படும் ராமேஸ்வரம்-மதுரை முன்பதிவில்லாத ரயில்(06654) பிப்.6, 7, 8 ஆகிய தேதிகளில் ரத்து செய்யப்படுகிறது. மாலை 6 மணிக்கு புறப்படும் ராமேஸ்வரம்-மதுரை முன்பதிவில்லாத ரயில்(06656) பிப். 6, 7, 8 ஆகிய தேதிகளில் ரத்து செய்யப்படுகிறது. காலை 8 மணிக்கு புறப்படும் திண்டுக்கல்-மதுரை முன்பதிவில்லாத ரயில் (06609) பிப். 6, 7, 8 தேதிகளில் ரத்து செய்யப்படுகிறது. மாலை 6:10 க்கு புறப்படும் மதுரை திண்டுக்கல் முன்பதிவில்லாத ரயில் (06610) பிப்.6, 7, 8 ஆகிய தேதிகளில் ரத்து செய்யப்படுகிறது.

குருவாயூர் சென்னை ரயில் உட்பட 3 முக்கிய ரயில்கள் இன்றும் நாளையும் மாற்று பாதையில் இயக்கப்பட உள்ளன. இரவு 11:15க்கு புறப்படும் குருவாயூர் சென்னை எழும்பூரில் பிப். 6, 7 விருதுநகர், மானாமதுரை, காரைக்குடி வழியாக இயக்கப்படுகிறது. குருவாயூர் சென்னை எழும்பூற் பிப்ரவரி 6, 7 மதுரை, சோழவந்தான், திண்டுக்கல், மணப்பாறையில் நிற்காது.

காலை 6:15 க்கு புறப்படும் நாகர்கோவில்-மும்பை ரயில்(16340) நாளை விருதுநகர், மானாமதுரை, காரைக்குடி, திருச்சி வழியாக இயக்கப்படுகிறது. நாகர்கோவில்-மும்பை ரயில் நாளை மதுரை, திண்டுக்கல் ரயில் நிலையங்களில் நிற்காது. இரவு 9 மணிக்கு புறப்படும் ராமேஸ்வரம்-குமரி ரயில் நாளை மானாமதுரை, அருப்புக்கோட்டை, விருதுநகர் வழியாக இயக்கப்படுகிறது.