Skip to main content

கிடப்பில் போடப்பட்ட அரசாணை! - கொதிப்பில் மருத்துவ மாணவர்கள்!

Published on 08/03/2021 | Edited on 08/03/2021

 

What is the reason for the students to continue their struggle for the 70th day after the issuance of the ordinance


சிதம்பரம் அண்ணாமலைப் பல்கலைக்கழகத்தின் கட்டுப்பாட்டில் இருந்த ராஜா முத்தையா அரசு மருத்துவக் கல்லூரி மருத்துவமனையில் மற்ற அரசு மருத்துவக் கல்லூரிகளில் வசூலிக்கப்படும் கல்விக் கட்டணத்தையே வசூலிக்க வேண்டும் என மாணவர்கள் அறவழிப் போராட்டத்தில் ஈடுபட்டனர். மாணவர்கள் கடந்த டிசம்பர் மாதம் முதல் பிப்ரவரி மாதம் 4ஆம் தேதி வரை 58 நாட்கள் தொடர் நூதன மற்றும் அறவழிப் போராட்டத்தில் ஈடுபட்டனர்.

 

இந்த நிலையில், மாணவர்களின் போராட்டத்தின் எதிரொலியாக தமிழக முதல்வர் எடப்பாடி பழனிசாமி, பிப்ரவரி 4-ஆம் தேதி அரசு மருத்துவக் கல்லூரியில் வசூலிக்கப்படும் கல்விக் கட்டணத்தையே இந்த அரசு மருத்துவக் கல்லூரியிலும் வசூலிக்கப்படும் என அரசாணை 45-ஐ வெளியிட்டார்.  இது மாணவர்கள் மத்தியில் மகிழ்ச்சியை ஏற்படுத்தியது. பின்னர் முதல்வர் உள்ளிட்ட அனைவருக்கும் மாணவர்கள் நன்றியைத் தெரிவித்துக் கொண்டனர்.  

 

இந்நிலையில், அந்த அரசாணையை தற்போது பல்கலைக்கழக நிர்வாகம் அமல்படுத்த முடியாது என்றும் பழைய கல்விக் கட்டணத்தையே கட்ட வேண்டும் என்றும் மாணவர்களுக்கு அறிவுறுத்தியுள்ளது. இதனால், வேதனை அடைந்த மாணவர்கள் மீண்டும் பல்கலைக்கழக வளாகத்தில் தொடர்ந்து போராட்டத்தை நடத்தி வருகிறார்கள். 70வது நாள் போராட்டத்தில் அரசாணை 45-ஐ அமல்படுத்த வலியுறுத்தி கோஷங்களை எழுப்பி போராட்டத்தில் ஈடுபட்டனர்.

 

தற்போது, தேர்தல் நேரம் என்பதால், போராட்டங்களுக்கு அனுமதி இல்லாத நேரத்தில் மாணவர்கள் தொடர்ந்து நியாயமான கோரிக்கையை வலியுறுத்திப் போராடி வருகிறார்கள். இதனைத் தமிழக அரசும் பல்கலைக்கழக நிர்வாகமும் தேர்தல் ஆணையமும் கண்டுகொள்ளாமல் இருப்பது மிகவும் வேதனை அளிப்பதாக மாணவர்களின் பெற்றோர்கள் மற்றும் சமூக ஆர்வலர்கள் கூறுகின்றனர். மேலும் அரசாணை வெளியிட வேண்டுமெனப் போராட்டத்தை நடத்தலாம் ஆனால் அரசாணையை அமல்படுத்த வலியுறுத்திப் போராட்டம் நடத்துவது இங்குதான் நடைபெறுகிறது. தமிழக அரசின் அரசாணை போலியானதா என்ற கேள்வியும் எழுவதாக தெரிவித்துள்ளனர்.

 

 

 

சார்ந்த செய்திகள்

Next Story

சிதம்பரம் பாராளுமன்ற தொகுதியில் திருமாவளவன் உள்ளிட்ட 14 பேர் போட்டி!

Published on 28/03/2024 | Edited on 28/03/2024
14 contests including Thirumavalavan in Chidambaram Parliamentary Constituency

தமிழகத்தில் வரும் ஏப்ரல் 19 ஆம் தேதி முதல் கட்டமாக பாராளுமன்றத் தேர்தல் நடைபெறுகிறது. இதனையொட்டி வேட்புமனு தாக்கல் செய்ய கடைசி நாளான புதன்கிழமை சிதம்பரம் தொகுதியில் 27 மனுக்கள் தாக்கல் செய்யப்பட்டது.

அதனைத் தொடர்ந்து அரியலூர் மாவட்ட ஆட்சியர் அலுவலகத்தில் சிதம்பரம் பாராளுமன்ற தொகுதி தேர்தல் நடத்தும் அலுவலரும் அரியலூர் மாவட்ட ஆட்சியருமான ஆணிமேரி ஸ்வர்னா தலைமையில் வேட்பு மனுக்கள் பரிசீலனை வியாழக்கிழமை நடைபெற்றது.

இதில் திமுக கூட்டணி தலைமையில் போட்டியிடும் விடுதலை சிறுத்தைகள் கட்சியின் தலைவர் தொல்.திருமாவளவன், அதிமுக வேட்பாளர் சந்திரகாசன், பாஜக வேட்பாளர் கார்த்தியாயினி, நாம் தமிழர் கட்சி வேட்பாளர் ஜான்சிராணி, பகுஜன் சமாஜ் கட்சி வேட்பாளர் நீலமேகம், நாடாளும் மக்கள் கட்சியின் வேட்பாளர் மனுக்கள் ஏற்றுக் கொள்ளப்பட்டது.

இதில் சுயேச்சையாக போட்டியிட்ட முன்னாள் அதிமுக எம்பி சந்திரகாசி மனு நிராகரிக்கப்பட்டது.  மேலும் மாற்று வேட்பாளர்கள் மற்றும் சுயேச்சை வேட்பாளர்கள் மனுக்கள் நிராகரிக்கப்பட்ட நிலையில் சிதம்பரம் பாராளுமன்ற தொகுதியில் அங்கீகரிக்கப்பட்ட மற்றும் பதிவு செய்யப்பட்ட பிரதான கட்சி வேட்பாளராக 6 பேரும் 8  சுயேச்சை வேட்பாளர்களும் களத்தில் உள்ளனர். இதில் இறுதி வேட்பாளர் பட்டியல் 30-ந்தேதி வெளியிடப்படுகிறது. இன்னும் வேட்பாளர்கள் குறையும் என்று கூறப்படுகிறது.

Next Story

சிதம்பரத்தில் இ.பி.எஸ். பிரச்சாரம்; பொதுக்கூட்ட பணிகள் தீவிரம்!

Published on 26/03/2024 | Edited on 26/03/2024
Edappadi Palaniswami is campaigning in Chidambaram on 31st

சிதம்பரம் பாராளுமன்றத் தொகுதியில் விடுதலைச் சிறுத்தைகள் கட்சியின் தலைவர் தொல். திருமாவளவன் திமுக தலைமையிலான கூட்டணியில் போட்டியிடுகிறார். அதேபோல் பா.ஜ.க. தலைமையிலான கூட்டணியில் பா.ஜ.க. சார்பில் வேலூர் மாநகராட்சி முன்னாள் மேயர் கார்த்தியாயினி போட்டியிடுகிறார்.

அதிமுக தலைமையிலான கூட்டணியில் வேட்பாளர் சந்திரகாசன் போட்டியிடுகிறார். இவருக்கு வாக்கு கேட்டு வரும் 31 ஆம் தேதி சிதம்பரம் புறவழிச் சாலை பகுதியில் அதிமுக பொதுச் செயலாளரும் தமிழக சட்டப்பேரவை எதிர்க்கட்சித் தலைவருமான எடப்பாடி பழனிசாமி பிரச்சாரம் மேற்கொள்கிறார்.

இதனையொட்டி பொதுக்கூட்டம் மேடை அமைப்பதற்காகப் பந்தக்கால் நடும் நிகழ்ச்சி திங்கள்கிழமை நடைபெற்றது. இதில் சிதம்பரம் தொகுதி அதிமுக சட்டமன்ற உறுப்பினர் கே.ஏ. பாண்டியன், புவனகிரி சட்டமன்ற உறுப்பினர் அருள்மொழி தேவன் உள்ளிட்ட கட்சியின் முக்கிய நிர்வாகிகள் கலந்து கொண்டனர்.