Breaking

பள்ளி மாணவர்களுக்குத் தொடர் காய்ச்சல்!

Photographer

Published on 18/09/2021 | Edited on 18/09/2021

அரசுப் பள்ளி மாணவர்களுக்குத் தொடர் காய்ச்சல் இருந்ததால் தென்காசி மாவட்டம் ஆலங்குளம் அருகேயுள்ள மாறாந்தை கிராமத்தில் பரபரப்பு ஏற்பட்டுள்ளது.

தமிழ்நாட்டில் கரோனா பரவல் குறையத் தொடங்கியதையடுத்து, அரசு அறிவிப்பின்படி கடந்த செப்டம்பர் 1ஆம் தேதி முதல் 9 - 12ஆம் வகுப்பு மாணவர்களுக்கான வகுப்புகள் தொடங்கி, பள்ளிகளும் இயங்க ஆரம்பித்துவிட்டன. அரசின் விதிப்படி தனிமனித இடைவெளியைக் கடைப்பிடிக்கவும், ஆசிரியர்கள் மற்றும் மாணவர்கள் முகக்கவசம் அணியும்படியும் அறிவுறுத்தப்பட்டுள்ளது.

தனிமனித இடைவெளியைப் பின்பற்றும் பொருட்டு வகுப்புகளில் குறைந்த அளவு மாணவர்களே அனுமதிக்கப்படுகின்றனர். மாறாந்தை கிராமத்திலிருக்கும் அரசு மேல்நிலைப் பள்ளியில் 9 - 12ஆம் வகுப்பு வரையுள்ள மாணவர்கள் சுமார் 450 பேர் ஷிஃப்ட் முறையில் வகுப்பறையில் அனுமதிக்கப்படுகின்றனர். இந்தச் சூழலில் அந்தப் பள்ளி மாணவர்கள் சிலருக்கு கடந்த சில நாட்களுக்கு முன்பாகவே தொடர் காய்ச்சல் இருந்திருக்கிறது.

விதிப்படி பள்ளிக்கு வரும் மாணவர்களுக்கு வெப்ப பரிசோதனை செய்யும்போது அவர்களுக்குக் காய்ச்சல் இருப்பது தெரியவந்திருக்கிறது. தகவலறிந்த மாறாந்தை கிராமத்தின் ஆராம்ப சுகாதார நிலையத்தைச் சேர்ந்த சுகாதாரத்துறையினர் செப்டம்பர் 15ஆம் தேதி முதல் மாணவர்களுக்கு வெப்பப் பரிசோதனை செய்து கரோனா டெஸ்ட் எடுத்துள்ளனர்.

அதைத் தொடர்ந்து, செப்டம்பர் 16ஆம் தேதி அன்று பரிசோதனை முடிவுகள் வெளியானது. அதில் 30 பேருக்கும், செப்டம்பர் 17ஆம் தேதி அன்று வெளியான பரிசோதனை முடிவுகளின்படி 40 பேருக்கும், மறுநாள் சிலர் எனத் தொடர்ந்து சுமார் 100க்கும் மேற்பட்ட மாணவர்களுக்குக் காய்ச்சல் இருப்பது தெரியவந்திருக்கிறது. இதனிடையே ஆரம்ப சுகாதார நலத் துறையைச் சேர்ந்த குத்தால ராஜ், ஆலங்குளம் மருத்துவ அலுவலர் முஹம்மது தாரிக் உள்ளிட்ட குழுவினர் கடந்த 4 நாட்களாகவே மாணவர்களுக்கு கரோனா டெஸ்ட் எடுத்துள்ளனர். அதன் முடிவு அடுத்த இரண்டு நாட்களில் வரத் தொடங்கியிருக்கிறது.

இதுகுறித்து ஆரம்ப சுகாதார நலத்துறையினரோ, "கடந்த 4 நாட்களாக காய்ச்சல் கண்டறியப்பட்ட மாணவர்களுக்குக் கரோனா டெஸ்ட் எடுக்கப்பட்டு வருகிறது. இதில் செப்டம்பர் 15 மற்றும் 16ஆம் தேதிகளில் டெஸ்டுக்காக ரத்த மாதிரி எடுத்ததில், அனைவருக்கும் நெகட்டிவ் என ரிசல்ட் வந்திருக்கிறது. அதன்பின் எடுக்கப்பட்ட தொடர் டெஸ்ட்களுக்குப் பரிசோதனை முடிவு வர வேண்டியுள்ளது. கரோனா நெகட்டிவ் என ரிசல்ட் வந்தாலும் மாணவர்களுக்கு இருப்பது சாதாரணக் காய்ச்சல் என்றே தெரிகிறது. அதனையறியும் பொருட்டு மலேரியா டெஸ்ட்டுக்கும் போயுள்ளது. அதன் முடிவு விரைவில் வந்துவிடும்" என்கிறார்கள்.

இதனிடையே பள்ளி ஆசிரியர்களில் ஒரு சிலர் விடுப்பில் போயுள்ளதாகவும் சொல்லப்படுகிறது. தகவலறிந்த ஆலங்குளம் தொகுதி எம்.எல்.ஏ.வான மனோஜ் பாண்டியன், பள்ளியை ஆய்வுசெய்து ஆசிரியர்களிடம் விவரங்களைக் கேட்டறிந்தார்.

பள்ளி மாணவர்களுக்கு ஏற்பட்ட இந்த தொடர் காய்ச்சல் சம்பவம் ஆலங்குளம் வட்டாரத்தைப் பரபரப்பாக்கி இருக்கிறது.

விரிவான அலசல் கட்டுரைகள்

சார்ந்த செய்திகள்

பகத்சிங்

Photographer

Published on 18/04/2024 | Edited on 18/04/2024

17th century warrior headstone Kantipudi

சேலம் மாவட்டம், மாதநாயக்கன்பட்டி பெருந்தலைவர் காமராசர் நினைவு அரசு மேல்நிலைப்பள்ளி தொன்மை பாதுகாப்பு மன்றத்தின் தலைவர் தலைமை ஆசிரியர், பொறுப்பு ஆசிரியர்களாக அன்பரசி, விஜயகுமார் ஆகியோர் உள்ளனர். இப்பள்ளி மாணவர்கள் கொடுத்த தகவலின்படி ஆசிரியர்களும், மாணவர்களும் களப்பயணத்தின் போது வீரனின் நடுகல் ஒன்று கண்டறியப்பட்டது.

பொது ஆண்டு 17 ஆம் நூற்றாண்டைச் சேர்ந்த இந்த நடுகல்லில் எழுத்துகள் எதுவும் இல்லை. கல்பூமியின் மேற்பரப்பில் 2 அடி உயரமும் 1.5 அடி அகலம் கொண்டது. இந்த நடுகல்லை சுற்றி கல்திட்டை போன்ற அமைப்பும் உள்ளது . நடுகல்லில் போர் வீரனின் சிற்பம் உள்ளது.
வேட்டைக்கு சென்று இறந்ததற்காக எடுக்கப்பட்ட நடுகல்லாக இருக்கலாம். ஆலிடாசனம் நிலையில் வில்லில் நாணில் அம்பு எய்துவது போன்றும், இடுப்பில் குரு வாளும், காதில் பத்ர குண்டலமும், கழுத்தில் சரப்பளி, சவுடி, முத்தாரம் அணிகலன் அணிந்திருப்பது போன்றும் கையில் தோள்வளை இருப்பது போன்ற உருவமைப்பு உள்ளது.

இப்பகுதி தாருகாவனத்திற்க்கு அருகில் இருப்பதால் இந்த வீரன் வேட்டுவ தலைவனாக இருக்கலாம். இந்த நடுகல் எல்லாம் அவர்களின் நினைவைப் போற்றும் வகையில் வைக்கப்பட்டதாகும். தொன்மை பாதுகாப்பு மன்றத்தின் சார்பாக தொல்லியல் சார்ந்த வரலாற்று தகவல்களையும், அதனை பற்றிய விழிப்புணர்வையும் இன்றை இளைய தலைமுறை மாணவர்களுக்கு கொண்டு சேர்ப்பது தான் தொன்மை பாதுகாப்பு மன்றத்தின் நோக்கமாகும் என்கின்றனர் தொன்மை பாதுகாப்பு மன்ற ஆசிரியர்கள்.

விரிவான அலசல் கட்டுரைகள்

நக்கீரன் செய்திப்பிரிவு

Photographer

Published on 11/04/2024 | Edited on 11/04/2024

School bus incident The reason given by the student

ஹரியானா மாநிலம் மகேந்திரகர் அருகே கனினா என்ற இடத்தில் தனியார் பள்ளிப் பேருந்து விபத்துக்குள்ளானதில் 5 மாணவர்கள் உயிரிழந்தனர். மேலும் பேருந்தில் இருந்த 15 மாணவர்கள் காயமடைந்துள்ளனர். காயமடைந்த மானவர்கள் மருத்துவமணையில் சிகிச்சைக்காக அனுமதிக்கப்பட்டுள்ளனர். இந்த விபத்தில் காயமடைந்த மாணவர்களை ஹரியானா கல்வி அமைச்சர் சீமா த்ரிகா நேரில் சந்தித்து நலம் விசாரித்தார்.

இதனைத் தொடர்ந்து அவர் செய்தியாளரிடம் பேசுகையில், “நான் இப்போதுதான் மாத்ரிகா மருத்துவமனைக்கு வந்தேன். மூன்று குழந்தைகளை மட்டுமே சந்தித்தேன். மூவரும் காயமடைந்துள்ளனர். அவர்களின் உடைகள் முழுவதும் ரத்தம் உள்ளது. மருத்துவர்களின் அறிவுரைப்படி இங்கு உரிய சிகிச்சை அளிக்க முடியும்; சிலருக்கு பலத்த காயங்கள் உள்ளன” எனத் தெரிவித்தார்.

இந்த விபத்தில் காயமடைந்த மாணவர் ஒருவர் கூறுகையில், “பேருந்து ஓட்டுனர் குடிபோதையில் 120 கி.மீ. வேகத்தில் பள்ளிப் பேருந்தை ஓட்டினார். இதனால் கட்டுப்பாட்டை இழந்த பேருந்து கவிழ்ந்து விபத்து ஏற்பட்டது” எனத் தெரிவித்தார். இந்தச் சம்பவம் மக்கள் மத்தியில் பெரும் அதிர்ச்சியையும் பரபரப்பையும் ஏற்படுத்தியுள்ளது.