Skip to main content

பிரதமரின் நிவாரண நிதிக்கு இணையதளம் மூலம் மக்கள் நிதியை அளிக்கலாம் !

Published on 15/03/2019 | Edited on 15/03/2019

இந்தியாவில் இயற்கை பேரிடர் நிகழும் காலத்தில் மத்திய அரசுடன் கைக்கோர்த்து பொதுமக்கள் பிரதமரின் நிவாரண நிதிக்கு (Prime Minister's National Relief Fund) நிதி உதவியை அளிக்கலாம். இதற்காக மத்திய அரசு இணையதளத்தை அறிமுகப்படுத்தியுள்ளது . இதற்கான இணையதள முகவரி : https://www.pmnrf.gov.in/payform.php ஆகும். இந்த இணையதளத்திற்கு சென்று பொதுமக்கள் தங்கள் பெயர் , தந்தை பெயர் , தொலைபேசி எண் , ஈ-மெயில் முகவரி , நிரந்தர முகவரி , போன்றவை குறிப்பிட்ட பின்பு எவ்வளவு நிதி அளிக்க விரும்புகீற்களோ ? அந்த நிதியை குறிப்பிட்டு இணையதள பணபரிவர்த்தனையை (Credit , Debit card, Rupay card, Visa card) பயன்படுத்தி நிதியை பிரதமர் நிவாரண நிதிக்கு அளிக்கலாம். இதற்கான ரசீதி (Receipt) பதிவிறக்கம் (அல்லது) ஒப்புகை (Acknowledgement No)  எண்ணை சேமித்து வைக்கலாம். 
 

pm fund relief


பிரதமரின் நிவாரண நிதிக்கு நிதி அளித்த பின்பு அதற்கான ரசீதி (Receipt )மற்றும் ஒப்புகை எண் (Acknowledgement No) பதிவு செய்யப்பட்ட தொலைபேசி எண்ணுக்கு குறுந்தகவல் வரும். நாம் அனுப்பிய நிதியை பிரதமர் அலுவலகம் உறுதி செய்த பின்பு அதற்கான கடிதம் மற்றும் நிதி செலுத்தியதற்கான ரசீதியை பதிவு செய்த முகவரிக்கு தபால் மூலம் பிரதமர் அலுவலகம் அனுப்பும். இதனை நிதி அளித்தோர் "FILE" செய்து வைத்துக்கொள்ளலாம்.  பிரதமருக்கு நிவாரண நிதியை அளிக்கும் போது "பான் எண்" (PAN CARD) எண்ணை குறிப்பிட்டால் வருமான வரித்துறை சட்டம் 1961 - 80(G) யின் படி பொதுமக்கள் வழங்கப்படும் நிதிக்கு வருமான வரி விலக்கு அளிக்கப்படும் என்பது குறிப்பிடத்தக்கது. அதே போல் நிதி அளித்தற்கான ரசீதியை  தொலைத்துவிட்டால் கவலை வேண்டாம். இணையதளம் மூலம் எப்போது வேண்டுமானாலும் பதிவிறக்கம் செய்து கொள்ளலாம். 

இதற்கான இணையதள முகவரி : 
https://www.pmnrf.gov.in/viewtransactions.php . இந்தியாவில் வாழும் அனைவருக்கும் பாதிக்கப்பட்ட மக்களுக்கு உதவிட வேண்டும் என்ற எண்ணம் இருக்கும். ஆனால் எப்படி பிரதமர் நிவாரண நிதிக்கு நிதியை அளிப்பது என தெரியாது. எனவே இந்த இணையதளத்தை பயன்படுத்தி நம் மக்களுக்கு அரசுடன் கைக்கோர்த்து உதவிடலாம். மேலும் மத்திய மற்றும் மாநில அரசுகள் இது போன்ற இணையதளத்தை விளம்பரங்கள் செய்தால் அனைவருக்கும் மிகுந்த பயனுள்ளதாக இருக்கும். இதனை தொடர்ந்து இந்திய இளைஞர்களின் ஒத்துழைப்பும் இன்றியமையாதது.
 

பி.சந்தோஷ் , சேலம் .

சார்ந்த செய்திகள்

Next Story

‘கிரிக்கெட் ரசிகர்கள் கவனத்திற்கு’ - ஐ.பி.எல். நிர்வாகம் முக்கிய தகவல்! 

Published on 11/03/2024 | Edited on 11/03/2024
Attention Cricket Fans - IPL Administration is key information

உலக அளவில் புகழ்பெற்ற கிரிக்கெட் தொடரான ஐ.பி.எல். டி20 தொடர் கடந்த 2008 ஆம் ஆண்டு முதல் நடைபெற்று வருகிறது. இதன் 17 ஆவது சீசன் இந்த ஆண்டு (2024) மார்ச், ஏப்ரல் மற்றும் மே மாதங்களில் நடைபெற உள்ளது. இந்த ஆண்டுக்கான ஐ.பி.எல். தொடருக்கான முதற்கட்ட அட்டவணை வெளியிடப்பட்டது. அதன்படி மார்ச் 22 ஆம் தேதி ஐ.பி.எல். தொடர் தொடங்கவுள்ளது. ஏப்ரல் 7 ஆம் தேதி வரை 21 போட்டிகள் முதற்கட்டமாக நடைபெறவுள்ளன.

அந்த வகையில், சென்னை சேப்பாக்கம் மைதானத்தில் மார்ச் 22இல் நடைபெறும் ஐ.பி.எல். தொடரின் முதல் போட்டியில் நடப்பு சாம்பியனான சென்னை அணி - பெங்களூரு அணியுடன் மோதுகிறது. 9வது முறையாக ஐ.பி.எல். சீசனின் முதல் போட்டியில் சென்னை சூப்பர் கிங்ஸ் அணி களமிறங்குகிறது. மேலும் நாடாளுமன்ற மக்களவைத் தேர்தல் அட்டவணை வெளியான பிறகு 2 ஆம் கட்ட அட்டவணை வெளியாகும் எனக் கூறப்படுகிறது.

அதே சமயம் கடந்த ஆண்டு நேரடியாக டிக்கெட் வாங்கி கள்ளச் சந்தையில் அதிக விலைக்கு விற்கப்படுவதாக புகார் எழுந்திருந்தது. இந்நிலையில், இந்த புகார்களை தடுக்கும் வகையில் சென்னை சேப்பாக்கம் மைதானத்தில் சென்னை சூப்பர் கிங்ஸ் அணி விளையாட உள்ள போட்டிகளுக்கான டிக்கெட் விற்பனை ஆன்லைனில் மட்டுமே நடைபெறும் என அறிவிக்கப்பட்டுள்ளது. டிக்கெட் விற்பனை குறித்த தேதி பின்னர் அறிவிக்கப்படும் என ஐபிஎல் நிர்வாகம் தரப்பில் இருந்து தகவல் தெரிவிக்கப்பட்டுள்ளது.

Next Story

பாகிஸ்தானில் புதிய பிரதமர் பதவியேற்பு!

Published on 03/03/2024 | Edited on 03/03/2024
New Prime Minister sworn in in Pakistan!

பாகிஸ்தானில் கடந்த பிப்ரவரி 8 ஆம் தேதி நாடாளுமன்றத் தேர்தல் நடைபெற்றது. இந்தத் தேர்தலில் முன்னாள் பிரதமர் நவாஸ் ஷெரீப் தலைமையிலான பாகிஸ்தான் முஸ்லீம் லீக்-என் மற்றும் பாகிஸ்தான் மக்கள் கட்சி உள்ளிட்ட கட்சிகள் போட்டியிட்டன. இதனிடையே, பல்வேறு வழக்குகளில் கைது செய்யப்பட்டிருக்கும் முன்னாள் கிரிக்கெட் வீரரும், தெஹ்ரிக்-இ-இன்சாப் கட்சியின் தலைவருமான இம்ரான்கானுக்கு, 30 ஆண்டுகளுக்கு மேல் சிறைத் தண்டனை விதித்து பாகிஸ்தான் நீதிமன்றம் தீர்ப்பளித்திருந்தது. மேலும், அவரது மனைவி புஷ்ரா பிபிக்கும் இந்த வழக்குகளில் தொடர்பு இருப்பதாகக் கூறி 14 ஆண்டுகள் சிறைத்தண்டனை விதித்து தீர்ப்பளித்திருந்தது. மேலும், இம்ரான்கானின் பாகிஸ்தான் தெக்ரீக்-இ-இன்சாப் கட்சிக்கு தேர்தலில் போட்டியிடத் தடை விதித்திருந்தது. இதனால், அக்கட்சியைச் சேர்ந்த வேட்பாளர்கள் சுயேட்சையாகப் போட்டியிட்டனர்.

மொத்தமுள்ள 265 நாடாளுமன்றத் தொகுதிகளில் பெரும்பான்மைக்கு 133 தொகுதிகளில் வெற்றி பெற்றால் ஆட்சி அமைக்கலாம். இந்தத் தேர்தலில் தெக்ரீக் - இ - இன்சாப் கட்சித் தலைவர் இம்ரான் கான் ஆதரவு சுயேட்சை வேட்பாளர்கள் 93 இடங்களைக் கைப்பற்றி வெற்றி பெற்றனர். அதேபோன்று, முன்னாள் பிரதமர் நவாஸ் ஷெரீபின் பாகிஸ்தான் முஸ்லீம் லீக் நவாஸ் கட்சி 75 இடங்களைக் கைப்பற்றியது. பிலாவல் புட்டோ தலைமையிலான பாகிஸ்தான் மக்கள் கட்சி 54 தொகுதிகளைக் கைப்பற்றியது. இருப்பினும் எந்தக் கட்சிக்கும் பெரும்பான்மை கிடைக்காத நிலையில் கூட்டணி ஆட்சி அமையவே வாய்ப்பு இருப்பதாகக் கூறப்பட்டது.

அதே சமயம் தேர்தல் நடந்து நாட்கள் கடந்த பிறகும் புதிய அரசை அமைப்பதில் தொடர்ந்து இழுபறி நீடித்து வந்தது. இத்தகைய சூழலில் தான் பாகிஸ்தான் முன்னாள் பிரதமர் நவாஸ் ஷெரீபின் பாகிஸ்தான் முஸ்லீம் லீக் நவாஸ் கட்சியும், பிலாவல் புட்டோ தலைமையிலான பாகிஸ்தான் மக்கள் கட்சியும் கூட்டணி ஆட்சி அமைக்க முடிவு செய்தது. அதன்படி நவாஷ் ஷெரீபின் சகோதரரும் முன்னாள் பிரதமருமான ஷெபாஸ் ஷெரீப் பாகிஸ்தான் பிரதமராகப் பதவியேற்பார் என்று அறிவிக்கப்பட்டிருந்தது. இந்நிலையில் நீண்ட இழுபறிக்கு பின்னர் இரண்டாவது முறையாக ஷெபாஸ் ஷெரீப் பாகிஸ்தானின் 33வது பிரதமராக இன்று பதவியேற்றுள்ளார்.