Skip to main content

குப்பைத்தொட்டியில் பெண் குழந்தையை வீசியெறிந்த கல்நெஞ்ச தாய்!!

Published on 23/09/2018 | Edited on 23/09/2018

ஆண்களுக்கு பெண் சளைத்தவளில்லை என்கிற வகையில் ஆண்களோடு எல்லா துறையிலும் பெண்கள் போட்டிப்போட்டுக்கொண்டு பணியாற்றி வளர்ச்சி பெறுகிறார்கள். ஆனாலும், பெண் குழந்தையென்றால் பாரமாக நினைக்கும் மனப்போக்கு இன்னும் மக்களிடம் இருப்பது வேதனையளிப்பதாக இருக்கிறது.

 

A girl who was thrown into a trash


திருவண்ணாமலை நகரம், கொசமடத்தெருவில் கல்யான் ஜிவல்லர்ஸ் எதிரேயுள்ள குப்பைத்தொட்டியில் இருந்து குப்பை சேகரிப்பாளர்கள் இன்று காலை 6 மணிக்கு சென்றபோது, துணியால் சுத்தப்பட்ட பிறந்து சில மணி நேரங்களேயான பச்சிளம் பெண் குழந்தை தொட்டியில் இருப்பதை பார்த்து அதிர்ச்சியாகினர்.

 


அவர்கள் அந்த குழந்தையை எடுத்து பார்த்துவிட்டு உடனடியாக 108 ஆம்புலன்ஸ்க்கு தகவல் தெரிவித்தனர். அவர்கள் உடனடியாக அங்குவந்து அந்த குழந்தையை பெற்றுக்கொண்டு அரசு மருத்துவக்கல்லூரி மருத்துவமனையில் கொண்டு சென்று சேர்த்துள்ளனர்.

 

A girl who was thrown into a trash

 

இந்த தகவல் உடனடியாக சமூக நலத்துறை மற்றும் காவல்துறைக்கும் தெரிவிக்கப்பட்டது. திருவண்ணாமலை நகர காவல்துறையினர் சம்பவயிடத்துக்கு வந்து விசாரணை நடத்தினர். பின்னர் அந்தச்சாலை அதன் அருகில் உள்ள சாலைகளில் உள்ள சிசிடிவி கேமராக்களை ஆய்வு செய்துவருகின்றனர். அதோடு, இந்த குப்பைத்தொட்டி சாலைக்கு அருகில் சில தனியார் கிளினிக்குகள் உள்ளன. அங்கு பிரசவமான குழந்தையாகத்தான் இது இருக்கும். இதுப்பற்றி தனியார் கிளினிக்குகளில் விசாரணை நடத்தவுள்ளோம் என்றார்கள் போலிஸார்.

 


தமிழகத்தில் குழந்தையில்லாமல் பல நூற்றுக்கணக்கான தம்பதிகள் தங்களுக்கு குழந்தை பிறக்கவில்லையே என மனத்துயரத்தோடு வாழ்கிறார்கள். 10 மாதம் சுமந்து பெற்ற தன் உதிரத்தால் பிறந்த பச்சிளம் குழந்தையை ஒரு தாயால் எப்படித்தான் தெருவில் வீச முடிகிறதோ எனத்தெரியவில்லை.

சார்ந்த செய்திகள்

Next Story

பட்டப்பகலில் பெண் படுகொலை; போலீசார் விசாரணை

Published on 28/03/2024 | Edited on 28/03/2024
nn

திருவள்ளூர் மாவட்டம் பொன்னேரியில் வீட்டில் தனியாக இருந்த பெண் ஒருவர் சரமாரியாக வெட்டிக் கொலை செய்யப்பட்ட சம்பவம் பரபரப்பை ஏற்படுத்தி இருக்கிறது.

திருவள்ளூர் மாவட்டம் பொன்னேரி பகுதியைச் சேர்ந்தவர் குமார். ஓய்வு பெற்ற மின்வாரிய ஊழியரான இவர் நேற்று வெளியே சென்றுவிட்டு வீடு திரும்பியுள்ளார். அப்போது வீட்டின் ஹாலில் அவருடைய மனைவி சரஸ்வதி வெட்டுக் காயங்களுடன் ரத்த வெள்ளத்தில் கிடந்தார். இதனைக் கண்டு அதிர்ச்சியடைந்த குமார் கூச்சலிட்டுள்ளார். அக்கம் பக்கத்தில் இருந்தவர்கள் ஓடி வந்து பார்த்து போலீசாருக்கு தகவல் கொடுத்தனர்.

தகவலறிந்து உடனடியாக சம்பவம் நடந்த இடத்திற்கு வந்த போலீசார், ரத்த வெள்ளத்தில் உயிரிழந்து கிடந்த சரஸ்வதியின் உடலைப் பிரேதப் பரிசோதனைக்காக அனுப்பி வைத்தனர். மர்ம நபர்கள் சரஸ்வதியை வெட்டிப் படுகொலை செய்துவிட்டு அவர் கழுத்தில் இருந்த தங்க நகையைப் பறித்துச் சென்றது விசாரணையில் தெரியவந்தது. இருப்பினும் இந்த கொலை, நகைக்காக நடந்ததா அல்லது வேறு ஏதேனும் முன் விரோதப் பிரச்சனை காரணமாக நிகழ்ந்ததா என்பது தொடர்பாக விசாரணை நடத்தி வருகின்றனர். பட்டப்பகலில் பெண் படுகொலை செய்யப்பட்ட சம்பவம் அந்த பகுதியில் பெரும் பரபரப்பை ஏற்படுத்தியுள்ளது

Next Story

நீரோடையில் மிதந்த சடலம்; போலீசார் விசாரணையில் அதிர்ச்சி

Published on 27/03/2024 | Edited on 27/03/2024
A body lying in a stream; Police investigation shocked

தந்தையைக் கொலை செய்தவரைப் பழிக்குப் பழி கொலை செய்து நீரோடையில் வீசிய சம்பவம் நெல்லையில் பரபரப்பை ஏற்படுத்தி இருக்கிறது.

நெல்லை மாவட்டம் தெற்கு ஏறாந்தை கிராமத்தில் வசித்து வருபவர் தேவபாலன். லாரி ஓட்டி வந்த தேவபாலன் திடீரென காணாமல் போன நிலையில், உறவினர்கள் அவரைத் தேடி வந்தனர். இறுதியில் ஊருக்கு ஒதுக்குப்புறமாக உள்ள நீரோடை ஒன்றில் சடலம் ஒன்று மிதப்பதாகத் தகவல் பரவியது. இந்த தகவலையடுத்து சம்பவ இடத்திற்கு வந்த திசையன்விளை போலீசார் ஆய்வு செய்ததில், வெட்டுக் காயங்களுடன் ஒருவர் கொலை செய்யப்பட்டு நீரோடையில் வீசப்பட்டது தெரிய வந்தது.

உடலைக் கைப்பற்றி விசாரணை நடத்தியதில், அது காணாமல் போன தேவபாலன் என்பது தெரியவந்தது. இது குறித்து வழக்குப்பதிவு செய்த காவல்துறையினர் சம்பவம் தொடர்பாக விசாரணை நடத்தி வந்தனர். இந்த நிலையில், தேவபாலன் கொலை வழக்கு தொடர்பாக சாத்தூர் நீதிமன்றத்தில் உத்திரகுமார், சுரேஷ்குமார், சேர்மதுரை உள்ளிட்ட மூன்று பேர் சரணடைந்தனர். மூவரும் சகோதரர்கள். அவர்களிடம் நடத்தப்பட்ட விசாரணையில், பழிக்குப் பழியாக லாரி டிரைவரை கொலை செய்தது தெரியவந்தது.

2017 ஆம் ஆண்டு துரைபாண்டியன் என்பவர் கொலை செய்யப்பட்ட சம்பவத்தில் தேவபாலனுக்கு தொடர்பு இருந்ததாகத் தெரிகிறது. ஆனால் நீதிமன்றத்தில் குற்றம் நிரூபணம் ஆகாததால் அவர் விடுவிக்கப்பட்டிருந்தார். இந்நிலையில், துரைபாண்டியனின் மகன்களான சுரேஷ்குமார், உத்திர குமார், சேர்மதுரை ஆகிய மூன்று பேரும் பல வருடங்கள் கழித்து தேவபாலனை வெட்டிக் கொலை செய்தது விசாரணையில் தெரிய வந்தது.