ரம்ஜானுக்காக வேலூரில் துணிக்கடைகளை திறக்க அனுமதி

தமிழகம் முழுவதும் திங்கட்கிழமை ரமலான் பண்டிகை கொண்டாடப்படும் என அரசு தலைமைக் காஜி தெரிவித்துள்ளார். தமிழகத்தில் இன்று ரமலான் பிறை தென்படாததால் தமிழகத்தில் திங்கள் கிழமைதான் (நாளை ) ரமலான் கொண்டாடப்படும் என தெரிவித்துள்ளார். 

இந்நிலையில் வேலூரில் துணிக்கடைகள் இன்றும், நாளையும் இரவு 9 மணி வரை திறக்கலாம் என வேலூர் மாவட்ட ஆட்சியர் சண்முகசுந்தரம் உத்தரவு பிறப்பித்துள்ளார். திறக்கப்படும் கடைகளில் ஏசி பயன்பாடு முற்றிலும் இருக்கக்கூடாது. சமூக இடைவெளியை பின்பற்ற வேண்டும் என்றும் அந்த உத்தரவில் கூறப்பட்டுள்ளது.