சென்னையில் டி.டி.வி. தினகரன் ஆர்ப்பாட்டம் ரத்து

Published on 09/09/2017 | Edited on 09/09/2017

சென்னையில் டி.டி.வி. தினகரன் ஆர்ப்பாட்டம் ரத்து

நீட் தேர்வை ரத்து செய்யக்கோரியும், அதற்கு காரணமான மத்திய, மாநில அரசுகளை கண்டித்தும், சென்னையில் இன்று (சனிக்கிழமை) டி.டி.வி.தினகரன் தலைமையில் ஆர்ப்பாட்டம் நடைபெறும் என்று அறிவிக்கப்பட்டிருந்தது. மாவட்ட கலெக்டர் அலுவலகம் அருகே காலை 9 மணிக்கு இந்த ஆர்ப்பாட்டம் நடைபெறுவதாக இருந்தது.

ஆனால், சுப்ரீம் கோர்ட்டு தீர்ப்பை தொடர்ந்து, நீட் தேர்வுக்கு எதிரான டி.டி.வி.தினகரனின் ஆர்ப்பாட்டம் ரத்து செய்யப்பட்டுள்ளது. இது தொடர்பாக, டி.டி.வி.தினகரன் நேற்று தனது டுவிட்டரில் தெரிவித்து இருப்பதாவது:

நீட் எதிர்ப்பு போராட்டங்கள் குறித்த சுப்ரீம் கோர்ட்டின் தீர்ப்பு அதிர்ச்சியையும், வருத்தத்தையும் அளிக்கிறது. இருப்பினும், நீதிமன்ற தீர்ப்பை மதித்து கட்சியின் சார்பில் இன்று நடைபெற இருந்த நீட் எதிர்ப்பு ஆர்ப்பாட்டம் ரத்து செய்யப்படுகிறது. இவ்வாறு கூறியுள்ளார்.