ஹைட்ரோ கார்பன் திட்டத்திற்கு எதிராக நாடாளுமன்றக்கூட்டம் முடியும் வரை இரவில் காத்திருப்பு போராட்டம்

திருவாரூர் திருக்காரவாசலில் ஹைட்ரோ கார்பன் திட்டத்திற்கு எதிராக  27 ம் தேதி முதல் காத்திருப்பு போராட்டம் நடத்த முடிவு செய்துள்ளனர் போராட்டக்குழுவினர்.

திருவாரூர் மாவட்டம் திருக்காரவாசலில் இன்று  ஜனவரி 26  குடியரசு தினத்தில் நடைப்பெற்ற உண்ணாவிரதப் போராட்டத்தின் நிறைவில், " திருக்காரவாசல் ஹைட்ரோகார்பன் எரிவாயு  திட்டத்தை உடனே கைவிட மத்திய அரசை வலியுறுத்தி, தமிழக அமைச்சரவை கூடி நிரந்தர தடை விதிக்க வேண்டும்.

திட்டத்தின் நிலைக்குறித்தும், மத்திய அரசை வலியுறுத்தியும் 27. 01. 2019 முதல் மாலை 6 மணி முதல் அதிகாலை 6 மணி வரை பிப்ரவரி 13 நாடாளுமன்றக் கூட்டம் முடியும் வரை திருக்காரவாசலில் தொடர் காத்திருப்பு போராட்டத்தில் ஈடுபடுவது  என தீர்மானிக்கப்பட்டுள்ளதாக போராட்டக்குழுவை சேரந்த பி.ஆர்.பாண்டியன் தெரிவித்துள்ளார்.