மேட்டூர் அணை நீர்மட்டம் 100 அடிக்கு கீழ் இறங்கியது!

.

சேலம் மாவட்டத்தில் உள்ள மேட்டூர் அணையின் நீர்மட்டம் 100 அடிக்கு கீழ் இறங்கியது.

இன்று (01/11/2020) காலை நிலவரப்படி, மேட்டூர் அணைக்கு நீர்வரத்து வினாடிக்கு 8,271 கனஅடியில் இருந்து 7,113 கனஅடியாக குறைந்துள்ளது. மேட்டூர் அணையின் நீர்மட்டம் 99.70 அடியாகவும், நீர் இருப்பு 64.45 டி.எம்.சியாகவும் இருக்கிறது. அணையில் இருந்து டெல்டா பாசனத்துக்கு வினாடிக்கு 12,000 கனஅடி; கிழக்கு மற்றும் மேற்கு கால்வாய்க்கு வினாடிக்கு 900 கனஅடி நீர் திறக்கப்படுகிறது.

இதனிடையே, காவிரி ஆற்றில் தமிழக எல்லையான பிலிகுண்டுலுவுக்கு காவிரி நீர்வரத்து வினாடிக்கு 8,000 கனஅடியில் இருந்து 7,000 கனஅடியாக குறைந்தது.