Skip to main content

10 வருஷமானாலும் பட்டா வாங்க முடியாது எனக் கூறிய தாசில்தார்; அதிரடி காட்டிய லஞ்ச ஒழிப்புத்துறை

Published on 15/02/2023 | Edited on 15/02/2023

 

ranipet arcot tahsildar patta name transfer issue

 

ராணிப்பேட்டை மாவட்டம், ஆற்காடு அடுத்த மாங்காடு கிராமத்தை சேர்ந்தவர் லோகப்பிள்ளை. இவரது வாரிசுதாரர்களுக்கு சொந்தமான 51 சென்ட் இடத்தை அரசு ஆவணத்தில் வருவாய்த் துறையினர் அரசு புறம்போக்கு இடம் என மாற்றி பதிவு செய்து விட்டனர். வருவாய்த்துறை செய்த இந்த தவறை பாதிக்கப்பட்ட வாரிசுதாரர்கள் திருத்த வேண்டும் எனக் கேட்டுள்ளனர். லோகப்பிள்ளையின் வாரிசுதாரரான திருவண்ணாமலை மாவட்டம், போளுர் செய்யானந்தல் கிராமத்தில் வசிக்கும் 43 வயதான சகாதேவன், கடந்த 2016 ஆம் ஆண்டு முதல் அதிகாரிகளுக்கு மனு அளிப்பது, முதலமைச்சர் தனிப்பிரிவுக்கு மனு அனுப்புவது எனச் செயல்பட்டு வந்துள்ளார். அந்த மனுக்கள் மீது விசாரணை நடத்தும் அதிகாரிகள், சக அதிகாரிகளின் தவறை மறைக்க பாதிக்கப்பட்டவரை அலைய விட்டுள்ளனர்.

 

ராணிப்பேட்டை ஆட்சியராக இதற்கு முன்பு இருந்த பாஸ்கர பாண்டியனிடம் மனு தந்து கடந்த 7 ஆண்டுகளாக அலைந்து கொண்டு இருப்பதாக தகவல் கூறியுள்ளனர். இதனைத் தொடர்ந்து கோட்டாட்சியரிடம் விசாரிக்கச் சொல்லியுள்ளார். வருவாய்த்துறை அதிகாரிகள் தவறு செய்துள்ளார்கள் என்பதை அறிந்து பட்டாவில் பெயர் மாற்றம் செய்து தர வேண்டும் என உத்தரவிட்டுள்ளனர். அதனைத் தொடர்ந்து நில அளவையர் மற்றும் வருவாய் ஆய்வாளர் குழு இடத்தினை அளந்து அந்த அறிக்கையை தாசில்தாருக்கு அனுப்பியுள்ளனர். பட்டா மாற்றம் செய்ய இணையதளம் வழியாக மனு செய்துள்ளனர். பெயர் மாற்றம் செய்ய ஆற்காடு தாசில்தார் சுரேஷ் 25 ஆயிரம் ரூபாய் லஞ்சம் கேட்டுள்ளார். இத்தனை ஆண்டுகளாக அலைந்து நான் என் நிலத்திற்கு பட்டா பெயர் மாற்றம் செய்ய உத்தரவு வாங்கியுள்ளேன். இது வருவாய்த்துறை செய்த தவறு. இதற்கு எனக்கு அலைச்சல். நான் பணம் தர முடியாது என்றுள்ளார். “பணம் தரலனா பட்டா பெயர் மாற்றம் செய்ய முடியாது. இன்னும் 10 வருஷம் ஆனாலும் நீ அலைஞ்சிக்கிட்டேதான் இருக்கணும்” என எகத்தாளமாகப் பேசியுள்ளார். 15 ஆயிரம் தந்தால் பட்டா பெயர் மாற்றித் தருகிறேன் என்றுள்ளார். அதனை சகாதேவன் ஒப்புக் கொண்டு வந்துள்ளார்.

 

தாசில்தார் சுரேஷின் பேச்சால் மன உளைச்சலுக்கு ஆளான சகாதேவன், வேலூரில் உள்ள லஞ்ச ஒழிப்புத்துறை  அலுவலகத்துக்கு சென்று புகார் தந்தார். புகாரை பெற்ற போலீசார் ரசாயனம் தடவிய நோட்டை தந்துள்ளனர். அதை நேற்று (14.02.2023) கொண்டு சென்று தாசில்தாரிடம் தந்த போது, அவர் தனது ஜீப் ஓட்டுநர் பார்த்திபனிடம் தரச் சொல்லியுள்ளார். இவரும் பணத்தை தர அதை வாங்கி பார்த்திபன் மற்றும் பணம் வாங்க சொன்ன சுரேஷ் ஆகிய இருவரையும் லஞ்ச ஒழிப்புத்துறை டி.எஸ்.பி கணேசன், இன்ஸ்பெக்டர் விஜயலட்சுமி மற்றும் போலீசார் மடக்கிப் பிடித்து கைது செய்து விசாரணை நடத்தி வருகின்றனர். 

 

 

சார்ந்த செய்திகள்

Next Story

'உங்களுடைய கனவு பலிக்காது; உருட்டல் மிரட்டலுக்கு பயப்படமாட்டோம்' - இபிஎஸ் பேச்சு!

Published on 01/04/2024 | Edited on 01/04/2024
'Your dream will not come true; We will not be afraid of rolling intimidation'-EPS speech

நாடாளுமன்ற மக்களவைத் தேர்தல் ஏழு கட்டங்களாக நடைபெற உள்ளது. அதன்படி முதற்கட்டமாக ஏப்ரல் 19 ஆம் தேதி தமிழகத்தில் வாக்குப்பதிவு நடைபெற இருக்கிறது. இதற்கான வாக்கு எண்ணிக்கை ஜூன் 4 ஆம் தேதி நடைபெறவுள்ளது. ஏற்கனவே அரசியல் கட்சிகள் தேர்தல் பணிகளில் தீவிரம் காட்டி வரும் நிலையில், தேர்தல் தேதி அறிவிக்கப்பட்டதால் தேர்தல் களம் அனல் பறக்க ஆரம்பித்து விட்டது. அதே சமயம் தமிழக அரசியல் கட்சிகள் வேட்பாளர்களை அறிவித்து பிரச்சாரங்களை தொடங்கியுள்ளன.

திமுக, அதிமுக, நாம் தமிழர், பாஜக கட்சிகள் தீவிர பிரச்சாரத்தில் ஈடுபட்டு வருகிறது. இந்நிலையில் ராணிப்பேட்டை மாவட்டம் சோளிங்கரில் நடைபெற்ற பரப்புரை கூட்டத்தில் கலந்துகொண்ட எடப்பாடி பழனிசாமி பேசுகையில், 'முன்பு கலைஞர் முதலமைச்சராக இருந்தார். அதற்கு பிறகு அவருடைய மகன் ஸ்டாலின் முதலமைச்சராக இருக்கிறார். அதன் பிறகு உதயநிதி ஸ்டாலின் வருவதற்கு இன்றைக்கு  அவருக்கு ஒரு அமைச்சர் பதவியை கொடுத்து தமிழகம் முழுக்க சூறாவளி சுற்றுப்பயணம் செய்ய அனுப்பி இருக்கிறார்கள். இது என்ன உங்கள் அப்பா வீட்டு சொத்தா? தமிழ்நாடு.

ஏன் இங்கு இருப்பவர்களில் யாரும் வரக்கூடாதா? மேடையில் இருப்பவர்கள் வரக்கூடாதா? இது ஜனநாயக நாடு மு.க.ஸ்டாலின் அவர்களே. உங்களுடைய கனவு பலிக்காது. ஜனநாயக நாட்டில் யார் வேண்டுமானாலும் பதவிக்கு வரலாம். வாரிசு அரசியல் இங்கு கிடையாது. இந்த தேர்தலோடு வாரிசு அரசியலுக்கு முற்றுப்புள்ளி வைப்பார்கள் மக்கள். போகும் பக்கம் எல்லாம் முதல்வர் மு.க.ஸ்டாலின் அதிமுகவை சாடி பேசுகிறார். என்னைப் பற்றி தரக்குறைவாக பேசுகிறார். அரசியலுக்கு வந்து விட்டால் எல்லா விமர்சனங்களும் தாங்கக்கூடிய சக்தி எங்களுடைய தலைவர்கள் எங்களுக்கு வழங்கிய விட்டு சென்றுள்ளார்கள். இதற்கெல்லாம் நாங்கள் பயப்பட மாட்டோம். எங்கள் தொண்டன் கூட பயப்பட மாட்டான். உங்களுடைய உருட்டல், மிரட்டல், அவதூறு பேச்சுக்கெல்லாம் அடிபணியும் கட்சி அதிமுக அல்ல''என்றார்.

Next Story

நில உட்பிரிவு மாற்ற லஞ்சம்; நில அளவையாளர் கைது

Published on 26/03/2024 | Edited on 26/03/2024
3000 bribe to change land subdivision; Land surveyor arrested

ராணிப்பேட்டை மாவட்டம் வாலாஜா வட்டம் அலுவலகத்தில் நில அளவையாளராக பணியாற்றி வருபவர் 26 வயதான இளைஞர் அரவிந்த். அரப்பாக்கம் பகுதியைச் சேர்ந்த ஜெயராமன் மகன் சுதாகர் (43) வாலாஜா வட்டத்திற்குட்பட்ட செங்காடு கிராமத்தில் வீட்டு மனை வாங்கி கடந்த 9.2.2024 ஆம் தேதி பத்திரப்பதிவு செய்துள்ளார். அந்த வீட்டுமனையை உட்பிரிவு செய்வதற்காக நில அளவையாளர் அரவிந்தை அணுகியுள்ளார். அப்பொழுது அரவிந்த் வீட்டு மனையை உட்பிரிவு செய்து மாற்ற ஐந்தாயிரம் கேட்டதாகத் தெரிகிறது. அதன் பின் 3 ஆயிரம் கொடுப்பதாக ஜெயராமன் ஒத்துக் கொண்டு வந்துள்ளார்.

வீட்டு மனை பத்திரப்பதிவு செய்யும்போதே உட்பிரிவு செய்வதற்கான கட்டணத்தை அரசுக்கு செலுத்தியுள்ளனர். அப்படியிருந்தும் தனக்கு 5 ஆயிரம் லஞ்சம் வேண்டும் எனக் கேட்டுள்ளார். பணம் தந்தால்தான் அளவீடு செய்து பெயர் மாற்றித் தருவேன் என்றுள்ளார். வயது வித்தியாசம் பார்க்காமல் தன்னை அலுவல் ரீதியாக சந்திக்க வரும் பொதுமக்களை ஒருமையில் பேசியதாகவும் கூறப்படுகிறது. சுதாகரையும் அப்படி பேசியதால் கடுப்பாகியுள்ளார்.

இதனால் மார்ச் 25 ஆம் தேதி, லஞ்ச ஒழிப்புத்துறை அலுவலகத்திற்கு நேரடியாக சென்று புகார் தந்துள்ளார். புகாரைப் பதிவு செய்துகொண்டு 3 ஆயிரத்தை லஞ்ச ஒழிப்பு போலீசார் ரசாயனம் தடவிய பணத்தை தந்து அனுப்பியுள்ளனர். அந்த பணத்தை அவரும் கொண்டு சென்று வழங்கியுள்ளார். அதை வாங்கி அவர் தனது பாக்கெட்டில் வைத்ததை உறுதி செய்து கொண்ட லஞ்ச ஒழிப்புத்துறை டிஎஸ்பி கணேசன் தலைமையிலான போலீசார் கையும் களவுமாகப் பிடித்து கைது செய்தனர்.