புதுக்கோட்டை மாவட்டம் கீரனூர் காவல் நிலையம் எல்லையில் உள்ள ஒத்தக்கடை சீனுவயல் கிராமத்தைச் சேர்ந்தவர் பாலகிருஷ்ணன் (54) மோசகுடி அரசு நடுநிலைப்பள்ளி தலைமை ஆசிரியர். அவரது மனைவி லில்லி விசலூர் நடுநிலைப்பள்ளி ஆசிரியை. இருவரும் இன்று பள்ளிக்கு சென்று மாலை வீடு திரும்பிய போது வீட்டு கதவு பூட்டுகள் உடைக்கப்பட்டு வீட்டிற்குள் இருந்த பீரோவில் இருந்த 40 பவுன் நகை மற்றும் ரூ.20 ஆயிரம் பணத்தை மர்ம நபர்கள் திருடிச் சென்றது தெரிய வந்தது.
இந்த சம்பவம் குறித்து கீரனூர் போலிசார் விசாரனை செய்து வருகின்றனர். அதேபோல புதுக்கோட்டை தாவுது மில் சிப்பாட் ஹைவேஸ் சிட்டி பகுதியை சேர்ந்த ஓய்வு சப்-இன்ஸ்பெக்டர் நாராயணன் மகன் கார்த்திகேயன் (29) சொந்த வேலையாக வெளியூர் சென்று மாலை வீடு திரும்பிய போது வீட்டு பூட்டு பீரோ உடைக்கப்பட்டு 30 பவுன் நகை, ரூ.7 ஆயிரம் பணம் மற்றும் வீட்டில் இருந்த ரூ.8 லட்சத்தி 25 ஆயிரம் மதிப்புள்ள பொருட்கள் திருடப்பட்டிருந்தது.
புதுக்கோட்டை மாவட்டத்தில் பட்டப்பகலில் நடந்த இந்த கொள்ளை சம்பவங்கள் மற்றும் அதிகாலையில் கீரமங்கலத்தில் நடந்த முகமூடி கொள்ளை சம்பவங்கள் மாவட்ட மக்களை அச்சத்தில் ஆழ்த்தியுள்ளது. பல இடங்களில் கண்காணிப்பு கேமராக்கள் இருந்தும் திருடர்கள் முகமூடி அணிந்து வருவதால் போலீசாரும் திருடர்களை பிடிக்க முடியாமல் திணறி வருகின்றனர்.
புதுக்கோட்டையில் பட்டப்பகலில் அடுத்தடுத்து நகை பணம் கொள்ளை! பொதுமக்கள் அச்சம்!
சார்ந்த செய்திகள்
Next Story
நூதன முறையில் திருடிய கொள்ளையர்கள்; கள்ளக்குறிச்சியில் துணிகரம்
கள்ளக்குறிச்சியில் வீட்டில் புகுந்த கொள்ளையர்கள் நூதன முறையில் எந்த பகுதியில் நகைகள் உள்ளது என கண்டறிந்து கொள்ளையடித்து சென்ற சம்பவம் பரபரப்பை ஏற்படுத்தி இருக்கிறது.
கள்ளக்குறிச்சி மாவட்டம் சங்கராபுரம் பகுதியில் உள்ள எஸ்.வி.பாளையம் பகுதியில் வசித்து வருபவர் அருள்ஜோதி. அரசு பேருந்து ஓட்டுநராக பணியாற்றி வருகிறார். இந்நிலையில் அவரின் வீட்டிற்குள் புகுந்த மர்ம நபர்களால் 67 சவரன் நகை மற்றும் 23 லட்சம் ரூபாய் கொள்ளை அடிக்கப்பட்டதாக புகார் அளிக்கப்பட்டது.
இது குறித்து போலீசார் அந்த பகுதியில் உள்ள சிசிடிவி காட்சிகளை வைத்து விசாரணை செய்து வந்த நிலையில், வளவனூர் பகுதியைச் சேர்ந்த மாரி என்பவர் அவருடைய கூட்டாளிகளுடன் சேர்ந்து கொண்டு இந்த கொள்ளை சம்பவத்தில் ஈடுபட்டது தெரியவந்தது. உதயா மற்றும் மாரி ஆகிய இருவரை கைது செய்த போலீசார், உருக்கப்பட்ட நிலையில் வைக்கப்பட்டிருந்த கொள்ளை அடிக்கப்பட்ட 25 சவரன் தங்கத்தை கைப்பற்றினர். மேலும் 2 லட்சம் ரூபாயையும் பறிமுதல் செய்தனர்.
இந்த கொள்ளை வழக்கில் தலைமறைவாக உள்ள மேலும் இரண்டு பேரை போலீசார் தேடி வருகின்றனர். மேலும் தங்க நகை எங்கே இருக்கிறது என்பதை அறிந்து கொள்ள மெட்டல் டிடெக்டரை பயன்படுத்தி இவர்கள் கொள்ளையடித்தது போலீஸ் விசாரணையில் தெரியவந்துள்ளது.
Next Story
அடுத்தடுத்து மூன்று கடைகளில் கொள்ளை;போலீசார் விசாரணை
ஈரோட்டில் மூன்று கடைகளில் கொள்ளையடிக்கப்பட்ட சம்பவம் பரபரப்பை ஏற்படுத்தியுள்ளது.
ஈரோடு கொல்லம்பாளையம் பகுதியைச் சேர்ந்தவர் ஜாபர். இவர் அந்த பகுதியில் துரித உணவு கடை வைத்திருந்தார். நேற்று இரவு 12 மணியளவில் வியாபாரம் முடிந்தவுடன் கடையை பூட்டிவிட்டு சென்று விட்டார். இன்று காலை கடையை திறக்க வந்தபோது கடையின் பூட்டு உடைக்கப்பட்டு இருப்பதைக் கண்டு அதிர்ச்சியடைந்தார். உள்ளே சென்று பார்த்தபோது கல்லாப்பெட்டியில் சாவியை திறந்து அதில் இருந்த ரூ.3000 பணம் திருட்டுப் போய் இருப்பது தெரியவந்தது.
அதனருகே உள்ள மற்றொரு குளிர்பான கடையின் பூட்டை உடைத்து உள்ளே சென்ற மர்ம நபர்கள் பணம் இல்லாததால் திரும்பிச் சென்று விட்டனர். குளிர்பானம் கடை அருகே ஊத்துக்குளி பகுதியைச் சேர்ந்த யுவராஜ் என்பவர் காய்கறி கடை நடத்தி வந்தார். நேற்றிரவு வழக்கம்போல் வியாபாரம் முடிந்ததும் கடையை பூட்டிவிட்டு சென்றவர் இன்று காலை வந்து பார்த்த போது கடையின் பூட்டு உடைக்கப்பட்டிருப்பதை கண்டு அதிர்ச்சி அடைந்தார். உள்ளே கல்லாப்பெட்டியில் இருந்த ரூ. 26 ஆயிரம் ரொக்க பணம் திருட்டுப் போய் இருந்தது.
இது குறித்து சூரம்பட்டி போலீசாருக்கு தகவல் தெரிவிக்கப்பட்டது. போலீசார் சம்பவ இடத்துக்கு வந்து விசாரணை மேற்கொண்டனர். மேலும் கைரேகை நிபுணர்களும் வந்து தடயங்களை சேகரித்தனர். அந்த பகுதியில் பொருத்தப்பட்டிருக்கும் சிசிடிவி கேமரா காட்சிகளை போலீசார் ஆய்வு செய்து வருகின்றனர். ஒரே நாள் இரவில் அடுத்தடுத்து மூன்று கடைகளில் மர்ம நபர்கள் கைவரிசை காட்டி இருப்பது அந்த பகுதி மக்கள் மத்தியில் அதிர்ச்சியை ஏற்படுத்தி உள்ளது.