“இந்துக்களிடம் இருந்து முஸ்லிம்கள் ஒழுக்கத்தை கற்றுக்கொள்ள வேண்டும்” - யோகி ஆதித்யநாத்

சாலைகள் தொழுகை செய்வதற்கான இடமில்லை என்றும், இந்துக்களிடம் இருந்து ஒழுக்கத்தை கற்றுக்கொள்ள வேண்டும் என்றும் உத்தரப் பிரதேச முதல்வர் யோகி ஆதித்யநாத் தெரிவித்துள்ளார்.

தனியார் தொலைக்காட்சி ஒன்றுக்கு பேட்டியளித்த யோகி ஆதித்யநாத், “சாலைகள் நடக்க வேண்டியவை,போக்குவரத்துக்கானவை, தொழுகை நடத்துவதற்கு அல்ல. இந்த முடிவை எதிர்த்து பேசுபவர்கள் இந்துக்களிடமிருந்து ஒழுக்கத்தைக் கற்றுக்கொள்ள வேண்டும். அறுபத்தாறு கோடி மக்கள் பிரயாக்ராஜுக்கு வந்தனர். கொள்ளை, சொத்து அழிப்பு, தீ வைப்பு, கடத்தல் எதுவும் இல்லை. எந்தவித குற்றச் சம்பவங்களும், துன்புறுத்தலும் நடக்காமல் மகா கும்பமேளாவை நடத்திய இந்துக்களிடம் இருந்து முஸ்லிம்கள் மத ஒழுக்கத்தை கற்றுக் கொள்ள வேண்டும். 

இதற்கு மத ஒழுக்கம் என்று பெயர். உங்களுக்கு நன்மைகள் வேண்டுமென்றால், நீங்கள் ஒழுக்கத்தையும் பின்பற்ற வேண்டும். வக்ஃபு வாரியங்கள் சுயநல நலன்களின் கூடாரமாகவும், சொத்து அபகரிப்பாகவும் மாறிவிட்டது. வக்ஃபு வாரியங்கள் முஸ்லிம்களின் நலனுக்காக எதுவும் செய்யவில்லை. வக்ஃபு வாரியம் அரசாங்க சொத்தையும் கைப்பற்றுவதற்கான ஒரு ஊடகமாக மாறிவிட்டது. இந்த சீர்திருத்தம் காலத்தின் தேவை. வக்ஃபு வாரியங்களில் முன்மொழியப்பட்ட சட்டம் மூலம் முஸ்லிம்கள் பயனடைவார்கள் என்று நான் நம்புகிறேன். 

மாநில மக்கள் தொகையில் முஸ்லிம்கள் 20% பேர். ஆனால், அரசாங்க நலத்திட்டங்களின் பயனாளிகளில் அவர்களின் பங்கு 35-40%. நாங்கள் எப்போதும் சமாதானப்படுத்துவதில் இருந்து விலகி இருக்கிறோம். இந்திய குடிமகனாக இருக்கும் எந்தவொரு ஏழை நபரும் அரசாங்கத்திடமிருந்து அனைத்து நன்மைகளையும் பெற வேண்டும். உத்தரபிரதேசம் ஏற்றுக்கொண்ட வழிகாட்டுதல்களை உச்ச நீதிமன்றம் உண்மையில் பாராட்டவில்லை” எனத் தெரிவித்தார். 

ரம்ஜான் பண்டிகையையொட்டி, சாலைகளில் தொழுகை நடத்தக் கூடாது என உத்தரப் பிரதேச மாநில அரசு சில தினங்களுக்கு உத்தரவிட்டிருந்தது என்பது குறிப்பிடத்தக்கது.