"உண்மையிலேயே நீங்கள் சாம்பியன்..." வாட்சன் ஓய்வு குறித்து பிரட் லீ நெகிழ்ச்சி!

ஆஸ்திரேலிய மற்றும் சென்னை அணியின் அதிரடி வீரரான வாட்சன் கிரிக்கெட்டில் இருந்து முழுமையாக ஓய்வு பெற்றதையடுத்து, அவருக்கு ஆஸ்திரேலிய அணியின் வேகப்பந்து வீச்சாளர் பிரட் லீ வாழ்த்துத் தெரிவித்துள்ளார்.

பஞ்சாப் அணிக்கு எதிரான சென்னை அணியின் கடைசி லீக் போட்டியில் பெற்ற வெற்றியையடுத்து, சென்னை அணியின் அதிரடி வீரரான வாட்சன் கிரிக்கெட்டிலிருந்து முழுமையாக ஓய்வு பெற இருப்பதாகத் தகவல்கள் வெளியாகின. இதனையடுத்து, தனது ஓய்வு முடிவை இன்று காணொளி வெளியிட்டு வாட்சன் உறுதிப்படுத்தினார். அவருக்குப் பலரும் வாழ்த்துகளைத் தெரிவித்து வருகின்றனர். 

ஆஸ்திரேலிய அணியின் வேகப்பந்து வீச்சாளரான பிரட் லீ வெளியிட்டுள்ள வாழ்த்துப் பதிவில், "நம்பமுடியாத கிரிக்கெட் பயணம். வாழ்த்துகள் வாட்சன். உங்களுடன் இணைந்து விளையாடியது மிகப்பெரிய மகிழ்ச்சி. 39 வயதில் நீங்கள் வெளிப்படுத்திய ஆட்டம் வியக்கத்தக்க வகையில் இருந்தது. என்னுடன் இணைந்து விளையாடிய சகவீரர் மட்டுமல்ல, நீங்கள் உண்மையிலேயே சாம்பியன்" எனப் பதிவிட்டுள்ளார்.