நிர்வாகிகளுடன் ஆலோசிக்கும் விஜய்

தமிழக வெற்றிக் கழகம் எனும் பெயரில் அரசியல் கட்சி ஆரம்பித்திருக்கும் நடிகர் விஜய் கடந்த 27ஆம் தேதி விக்கிரவாண்டி வி.சாலையில் மிகப்பெரிய மாநாட்டை நடத்திக் காட்டினார். மாநாட்டில் கட்சியின் கொள்கைகள் அறிவிக்கப்பட்டதோடு விஜய் தன்னுடைய கொள்கை மற்றும் அரசியல் எதிரிகள் யார் என்பது குறித்துப் பேசி இருந்தார்.

விஜய்யின் அரசியல் வருகை குறித்து பல்வேறு தலைவர்களும் கருத்துக்களைத் தெரிவித்து வருகின்றனர். கோவை, மதுரை, திருச்சி, நெல்லை என மண்டலம் வாரியாக பல்வேறு மாவட்டங்களில் தமிழக வெற்றிக் கழக கட்சியின் தலைவர் விஜய் சுற்றுப்பயணம் மேற்கொள்ள இருப்பதாக தகவல்கள் வெளியாகி உள்ளது. பனையூரில் உள்ள கட்சி தலைமை அலுவலகத்தில் நிர்வாகிகளை திட்டமிட்டுள்ள விஜய், மாநாட்டிற்காக சிறப்பாக பணிகளை ஏற்று முடித்துக் காட்டியவர்களுக்கு கட்சியில் பதவி தரத் திட்டமிட்டுள்ளதாக கூறப்படுகிறது.

இந்நிலையில் சென்னை அடுத்த பனையூரில் தனது கட்சி நிர்வாகிகளுடன் நடிகர் விஜய் இன்று ஆலோசனை நடத்த இருப்பதாக தகவல் வெளியாகியுள்ளது. தமிழகம் முழுவதும் சுற்றுப்பயணம் மேற்கொள்வது குறித்து இந்த ஆலோசனை நடத்தப்பட இருப்பதாக தகவல்கள் வெளியாகியுள்ளது.