Breaking

ஃபைபரில் தஞ்சை பெரியகோவில்!!! ரூ. 10 லட்சத்தில் வடிவமைத்த சினிமா செட் கலைஞர்...

Photographer

Published on 13/10/2018 | Edited on 13/10/2018

தஞ்சை பெரிய கோயிலை கட்டிய ராஜராஜன் பிறந்த நாளின் சதய நட்சத்திரத்தை குறிக்கும் விதமாக சதய விழா கொண்டாடப்பட்டு வருகிறது. கடந்த ஆண்டு வரை, உலக கட்டிடக் கலைக்கே முன்னோடியாக இருந்த பெரிய கோயிலைகட்டிய மாமன்னன் ராஜராஜன் சிலையை கோயிலுக்குள் வைக்க வேண்டும் என்று போராட்டங்களை நடத்தி வந்தாலும் அதைப் பற்றி பொருட்படுத்தாத அரசாங்கம், மற்றும் கோயில் நிர்வாகம் கோரிக்கைகளை நிராகரித்தே வந்தது. அதனால் கோயிலுக்கு வெளியே சாலை ஓரம் அமைக்கப்பட்டுள்ள ராஜராஜன் சிலைக்கு மாலை அணிவித்து செல்வதை வழக்கமாகவே கொண்டுள்ளனர்.

இந்த நிலையில் தான் சுமார் 60 ஆண்டுகளுக்கு முன்பு ராஜராஜசோழன் சிலையுடன் பல சிலைகள் காணாமல் போனதால் அந்த கோயிலுக்கு வரும் பல அரசியல் பிரபலங்களும் ஏதாவது ஒருவகையில் பாதிக்கப்பட்டனர் என்று அரசியல் தலைவர்கள் வருவதை தவிர்த்துவந்தனர். ஆனால் அதே கோயிலுக்குள் 1000 வது விழாவை அரசு விழாவாக நடத்தினார் அப்போதைய முதல்வர் கலைஞர்.

தற்போது சிலை கடத்தல் தடுப்பு பிரிவு ஐ.ஜி. பொன்மாணிக்கவேல் தலைமையிலான குழுவினரிடம்.. ராஜராஜசோழன் சிலை மீட்க வேண்டும் என்ற கோரிக்கை வைத்த போது அந்த கோரிக்கையை புகார் மனுவாக பெற்று வழக்கு பதிவு செய்து சிலை கடத்தல் தடுப்பு பிரிவுக்கு அனுப்பி வைக்கும்படி தஞ்சை எஸ்.பி. செந்தில்குமாரிடம் கேட்டுக் கொண்ட ஐ.ஜி. புகார் பதிவானதும் அந்த புகாரை வைத்துக் கொண்டே குஜராத் சென்று ராஜராஜன் மற்றும் பல சிலைகளை மீட்டு வந்து சிலைகளை கும்பகோணம் நீதிமன்றத்தில் ஒப்படைத்த போது மீட்கப்பட்ட சிலைகளை காப்பகத்தில் வைக்க அதிகாரிகள் கேட்டனர். ஆனால் ஐ.ஜி. பொன்மாணிக்கவேல் மற்றும் எஸ்.பி. செந்தில்குமார் ஆகியோர் பல வருடங்களுக்கு பிறகு மீட்கப்பட்டதால் அந்த சிலைகளை கோயிலில் இருந்த இடத்திலேயே வைக்க வேண்டும். அந்த சிலைகளுக்கு வேண்டிய பாதுகாப்பை காவல் துறை வழங்க தயாராக உள்ளது என்று உறுதிமொழி கொடுத்து சிலைகளை தஞ்சை கோயிலுக்கு கொண்டு வந்து வைத்ததுடன் தொடர் பாதுகாப்பும் அளித்து வருகின்றனர். இதனால் வழக்கத்தை விட சுற்றலா பயணிகள் மட்டுமின்றி வரலாற்று ஆய்வாளர்களின் வருகையும் அதிகரித்துள்ளது. தஞ்சை பகுதி மக்களும் மகிழ்ச்சியில் உள்ளனர். ராஜராஜன் சிலை கோயிலுக்குள் இருக்க வேண்டும் என்று தொடர்ந்து போராடிவர்களும் மகிழ்ச்சியில் உள்ளனர்.

இந்த நிலையில் தான் எதிர்வரும் 19 – 20 தேதிகளில் சதயவிழா நடக்க உள்ளது. அதற்கான பந்தல்கால் நடும் விழா கடந்த சில நாட்களுக்கு முன்பு நடந்தது. இரண்டாம் நாள் காலையில் ஓதுவார்கள் திருமறை வீதிஉலா நடக்கும் அப்போது ஓதுவார்கள் கோயில் வடிவ ரதத்தில் செல்வார்கள். அந்த ரதம் சிதிலமடைந்துவிட்டது.

இதை அறிந்த தஞ்சை வல்லம் பகுதியை சேர்ந்த சினிமா செட் கலைஞர் ராமலிங்கம் ரூ. 10 லட்சம் மதிப்பில் பைபரால் பெரிய கோயில் வடிவ ரதத்தை உருவாக்கி கோயிலுக்கு வழங்கினார். இந்த ரதம் 18 அடி நீளம், 12 அடி அகலம் கொண்டதாக உள்ளது. இந்த ராமலிங்கம் தான் 2010 பெரியகோயிலின் 1000 வது விழா கருத்தரங்க மேடையை அமைத்தவர் என்பது குறிப்பிடத்தக்கது. இந்த ஆண்டு சதயவிழாவில் வழக்கத்தைவிட அதிகமான பக்தர்கள் வந்து கலந்து கொள்வார்கள் என்று எதிர்பார்க்கப்படுகிறது.

விரிவான அலசல் கட்டுரைகள்

சார்ந்த செய்திகள்

நக்கீரன் செய்திப்பிரிவு

Photographer

Published on 22/04/2024 | Edited on 22/04/2024

Govt Bus Driver Conductor incident information released in the investigation

தஞ்சாவூர் மாவட்டம் கும்பகோணம் அருகே பழைய பாலக்கரை பகுதியில் பந்தநல்லூரில் இருந்து கும்பகோணம் நோக்கி அரசு நகரப் பேருந்து ஒன்று வந்து கொண்டிருந்தது. அப்போது 8 பேர் கொண்ட இளைஞர் கும்பல் ஒன்று இந்த பேருந்தை வழிமறித்துள்ளனர். அதனைத் தொடர்ந்து பேருந்தின் ஓட்டுநர் மற்றும் நடத்துநரிடம் வாக்குவாதத்தில் ஈடுட்டனர். மேலும் ஆத்திரமடைந்த இளைஞர்கள் பேருந்துக்குள் சென்று ஓட்டுநரை தகாத வார்த்தைகளால் திட்டி வாக்குவாதத்தில் ஈடுபட்டனர்.

அப்போது ஓட்டுநரை பேருந்துக்கு வெளியே இழுத்து வந்து அவரை சரமாரியாக அடித்து உதைத்துள்ளனர். இதனை தடுக்க முயன்ற நடத்துநர் மீதும் சரமாரியாக தாக்குதல் நடத்தியுள்ளனர். அருகில் இருந்தவர்கள் இதனை தடுக்க முயன்ற போது இந்த இளைஞர்கள் அவர்களையும் தகாத வார்த்தைகளால் திட்டி கொலை மிரட்டல் விடுத்து தாக்கியுள்ளனர். அதே சமயம் அந்த வழியே வந்த தனியார் தொலைக்காட்சி செய்தியாளர்கள் இருவர் இந்த சம்பவத்தை படம் எடுத்தபோது அவர்களையும் தகாத வார்த்தைகளால் பேசி தாக்க முயன்றுள்ளனர்.

இந்த சம்பவத்தில் படுகாயமடைந்த பேருந்து ஓட்டுநர், நடத்துநர் மற்றும் இருவர் என 4 பேரும் மருத்துவமனையில் சிகிச்சைக்காக அனுமதிக்கப்பட்டு அவர்களுக்கு சிகிச்சை அளிக்கப்பட்டு வருகிறது. இந்த கொடூர சம்பவத்தில் ஈடுபட்ட 2 பேரை பொதுமக்கள் பிடித்து போலீசில் ஒப்படைத்தனர். 6 பேர் அங்கிருந்து தப்பி ஓடிவிட்டனர். கைது செய்யப்பட்ட இருவரிடமும் போலீசார் நடத்திய விசாரணையில் இந்த தாக்குதல் சம்பவத்தில் ஈடுபட்ட 8 பேரும் கஞ்சா போதையில் இருந்தனர் என்ற பகீர் தகவல் வெளியாகியுள்ளது. இத்தகைய சூழலில் மேலும் 4 பேரை போலீசார் கைது செய்துள்ளனர். தலைமறைவாக உள்ள இருவரையும் போலீசார் தீவிரமாக தேடி வருகின்றனர்.

விரிவான அலசல் கட்டுரைகள்

நக்கீரன் செய்திப்பிரிவு

Photographer

Published on 12/04/2024 | Edited on 12/04/2024

The cruelty that happened to the woman who went to herd the goats; Villagers frozen in fear

தஞ்சாவூரில் ஆடுகளை மேய்க்கச் சென்ற பெண் கொடூரமாகக் கொலை செய்யப்பட்ட சம்பவம் பரபரப்பை ஏற்படுத்தி இருக்கிறது.

தஞ்சை மாவட்டம் செங்கிப்பட்டி அடுத்துள்ளது மனையேறிப்பட்டி. இந்தக் கிராமத்தைச் சேர்ந்த 48 வயது பெண் ஒருவர், கருமம்குளம் பகுதியில் ஆடுகளை எப்பொழுதும் மேய்ச்சலுக்குக் கொண்டு செல்வது வாடிக்கை. அதன்படி நேற்று மேய்ச்சலுக்கு ஆடுகளை அழைத்துச் சென்ற நிலையில் மாலை வரை அவர் வீடு திரும்பவில்லை. இதனால் காணாமல் போனவரைத் தேடி உறவினர்கள் குளக்கரை பகுதிக்குச் சென்றுள்ளனர். அப்பொழுது அப்பெண்ணின் செருப்பு மற்றும் அவர் உணவு எடுத்து வந்த பாத்திரம், தண்ணீர் பாட்டில் ஆகியவை மட்டும் தரைப்பகுதியில் கிடந்தது.

இதனால் சந்தேகமடைந்தவர்கள் அக்கம் பக்கத்தில் தேடிய பொழுது அப்பெண் ஆடைகள் களையப்பட்ட நிலையில் ரத்த காயத்துடன் சடலமாகக் கிடந்தார். பின்னர், உடனடியாக காவல்துறைக்குத் தகவல் கொடுக்கப்பட்டது. இதனையடுத்து சம்பவ இடத்திற்கு வந்த போலீசார் பெண்ணின் சடலத்தை மீட்டு பிரேதப் பரிசோதனைக்கு அனுப்பி வைத்ததோடு, இந்தச் சம்பவம் தொடர்பாக விசாரணை நடத்தி வருகின்றனர். ஒருவேளை அப்பெண் பாலியல் வன்கொடுமைக்கு ஆளாக்கப்பட்டு கொலை செய்யப்பட்டு இருக்கலாம் என்ற கோணத்தில் போலீசார் விசாரணை மேற்கொண்டு வருகின்றனர். இந்தச் சம்பவம் அங்கு பெரும் பரபரப்பையும், அச்சத்தையும் ஏற்படுத்தி இருக்கிறது.