''சசிகலா ரிலீஸ் அதிமுக வெற்றியை பாதிக்காது'' - ஜி.கே.வாசன் கருத்து! 

சொத்துக்குவிப்பு வழக்கில் நான்காண்டுகள் சிறை தண்டனை விதிக்கப்பட்டு, தண்டனை அனுபவித்த சசிகலா இன்று (27.01.2021) காலை 10.30 மணிக்கு விடுதலையாக உள்ளார் என தகவல்கள் வெளியாகியுள்ளன.

தற்பொழுது பரப்பன அக்ரஹாரா சிறைத்துறை அதிகாரிகள் மற்றும் போலீசார் விக்டோரியா அரசு மருத்துவமனைக்குப் புறப்பட்டனர். சிறைத்துறை கண்காணிப்பாளர் லதா தலைமையிலான போலீசார், சசிகலாவிடம் கையெழுத்து பெற உள்ளனர். அதேபோல் சசிகலாவின் வழக்கறிஞர் ராஜா செந்தூர் பாண்டியனும் மருத்துவமனைக்கு வருகை தந்துள்ளார். சிகிச்சை பெற்றுவரும் சசிகலாவின் உடல்நிலை சீராக உள்ளது. சீராக உணவு உட்கொள்வதாகவும், உதவியுடன் நடப்பதாகவும், செயற்கை சுவாச கருவி உதவியின்றி இயல்பாக சுவாசிப்பதாகவும் மருத்துவமனை நிர்வாகம் தெரிவித்துள்ளது. அதேபோல் விடுதலையாகும் சசிகலாவை காண விக்டோரியா மருத்துவமனையின் வெளியே அவரது ஆதரவாளர்கள், தொண்டர்கள் குவிந்துள்ளனர்.  

இந்நிலையில் ஈரோட்டில் செய்தியாளர்களைச் சந்தித்த த.மா.கா தலைவர் ஜி.கே.வாசன், “சசிகலாவின் விடுதலை அதிமுக வெற்றியைப் பாதிக்காது” என தெரிவித்துள்ளார்.