Skip to main content

காதலன் மீது மோசடி புகார்! பிக்பாஸ் ஜூலி அதிரடி!

Published on 04/12/2021 | Edited on 04/12/2021

 

Fraud complaint against boyfriend! Big Boss Julie Action!

 

ஜல்லிக்கட்டு போராட்டங்களில் கலந்துகொண்டு மத்திய, மாநில அரசுகளுக்கு எதிராக முழக்கமிட்டு பிரபலமானவர் ஜூலி. பிக்பாஸில் அவருக்கு வாய்ப்புக் கிடைத்தது. அதன் மூலம் மேலும் புகழ் வெளிச்சம் அவர் மீது பரவியது. அதனைத் தொடர்ந்து சினிமாவிலும், சின்னத்திரையிலும் நடித்தார். பல்வேறு டி.வி. நிகழ்ச்சிகளிலும் பங்கெடுத்துவருகிறார் ஜூலி. 

 

இந்தச் சூழலில், சென்னை அமைந்தகரை காவல் நிலையத்தில் புகார் மனு ஒன்றைக் கொடுத்துள்ளார் ஜூலி. அந்தப் புகாரில், ‘அமைந்தகரையைச் சேர்ந்த மனிஷ், தனியார் சலூன் கடை ஒன்றில் பணியாற்றிவருகிறார். அவருடன் எனக்குப் பழக்கம் ஏற்பட்டது. அந்தப் பழக்கம் காதலாக மலர்ந்தது. 2017 முதல் இருவரும் நெருக்கமாக வாழ்ந்துவந்தோம்.

 

நான்கு ஆண்டுகால காதல் வாழ்க்கையில், என்னைத் திருமணம் செய்துகொள்வதாக நம்ப வைத்தார். அந்த நம்பிக்கையின் பேரில் இருசக்கர வாகனம், 2 பவுன் தங்கச் சங்கிலி என கிட்டத்தட்ட இரண்டு லட்சத்து 30 ஆயிரம் ரூபாய் வரை மனிஷுக்கு கொடுத்திருக்கிறேன்.

 

இந்தச் சூழலில், கடந்த ஆகஸ்ட் மாதம், பெற்றோர்கள் இந்தக் காதலை ஏற்க மறுப்பதாகச் சொல்லி காதலை முறித்துக்கொண்டார். நாங்கள் காதலித்த காலத்தில் நடந்ததைச் சொல்லி, என்னிடம் பணம் கேட்டு தொடர்ச்சியாக தொல்லைக் கொடுத்துவருகிறார். இதனால் எனக்கு மனஉளைச்சல் ஏற்பட்டுள்ளது. அதனால், என்னை திருமணம் செய்வதாகச் சொல்லி ஏமாற்றியும், பண மோசடியும் செய்த மனிஷ் மீது நடவடிக்கை எடுக்க வேண்டும்’ என்று காதலன் மீது மோசடி புகார் கொடுத்துள்ளார் ஜூலி. 

 

இந்த விவகாரம் சின்னத்திரை வட்டாரங்களில் பரபரப்பை ஏற்படுத்திவருகிறது.

 

 

சார்ந்த செய்திகள்

Next Story

இது தான் பிக்பாஸின் புது ஹவுஸா! (படங்கள்)

Published on 03/10/2023 | Edited on 03/10/2023

 

 

 

கடந்த 2017ஆம் ஆண்டு தொடங்கி ஆண்டுதோறும் நடைபெற்று வரும் பிக் பாஸ் நிகழ்ச்சி, தற்போது 7வது சீசனை தொட்டுள்ளது. ஒவ்வொரு ஆண்டும் ஏதாவது புதுசாக அறிமுகப்படுத்தும் பிக் பாஸ், இந்த முறை இரண்டு வீடுகளாக அமைத்து பார்வையாளர்களை வியப்பில் ஆழ்த்தியுள்ளனர். அந்த வீட்டின் பிரத்தியேக புகைப்படங்கள்...

 

 

Next Story

பிக் பாஸ் சீசன் 7: டஃப் கொடுப்பார்களா இந்த நால்வரும்?

Published on 03/10/2023 | Edited on 03/10/2023

 

big boss 7 update

 

கடந்த 2017ஆம் ஆண்டு தொடங்கி ஆண்டுதோறும் நடைபெற்று வரும் பிக் பாஸ் நிகழ்ச்சி, தற்போது 7வது சீசனை தொட்டுள்ளது. சமீபத்தில் கோலாகலமாகத் தொடங்கிய இந்த நிகழ்ச்சியின் 7வது சீசன், இந்த முறை வித்தியாசமாக 2 வீடுகள் என ரசிகர்களை வியக்க வைத்துள்ளனர். இந்த நிலையில் போட்டியாளர்களாக இவர் வருவார், அவர் வருவார் எனவெல்லாம் யூகிக்கப்பட்டது. இறுதியில் இவரெல்லாம் வந்திருக்கார்களே என நினைக்க வைத்த கூல் சுரேஷ், பவா செல்லத்துரை, யுகேந்திரன், வனிதா மகள் ஜோவிகா, ஆகிய நால்வரைப் பற்றி பார்ப்போம்.  

 

big boss 7 update

 

கூல் சுரேஷ் - சில திரைப்படங்களில் சிறிய வேடத்தில் நடித்துள்ள இவர் பெரும்பாலும் நெகட்டிவ்ஷேட் உள்ள கதாபாத்திரத்தையே ஏற்று நடித்திருக்கிறார். மேலும் சிம்புவின் தீவிர ரசிகரான இவர், வெந்து தணிந்தது காடு படம் வெளியான சமயத்தில் பல பேட்டிகளில் நகைச்சுவையாக பேசி ரசிகர்கள் மத்தியில் பிரபலமானார். மேலும் இவர் கொடுக்கும் கவுண்டர்கள் சமூக வலைத்தளத்தில் வைரலானது. இதையடுத்து அதற்காகவே பல படங்களின் ப்ரோமோஷனில் கலந்து கொண்டார். அப்படி கலந்துகொண்ட ஒரு படத்தின் இசை வெளியீட்டு விழாவில், தொகுப்பாளினிக்கு மாலை அணிவித்து சர்ச்சையில் சிக்கினார். பின்பு பகிரங்கமாக மன்னிப்பு கேட்டார். தொடர்ந்து தனது வேடிக்கையான செயல்கள் மூலம் ரசிகர்களை எண்டர்டெயின் செய்த கூல் சுரேஷ் இதிலும் அதை தொடர்வார் என எதிர்பார்க்கப்படுகிறது. 

 

big boss 7 update

 

பவா செல்லத்துரை - எழுத்தாளராக இலக்கியத் துறையில் பயணிக்கும் இவர், கதை சொல்லியாக மிகவும் பிரபலமானவர். திருவண்ணாமலையை சேர்ந்த இவர், முற்போக்கு பேசும் கதாபாத்திரத்தில் ஜோக்கர் படம் மூலம் நடிகராக அறிமுகமானார். பின்பு பேரன்பு, சைக்கோ என பல்வேறு படங்களில் நடித்துள்ளார். குறிப்பாக ஜெய் பீம் படத்தில் கம்யூனிஸ்ட் கட்சியைச் சார்ந்தவராக அக்கதாபாத்திரத்திக்கு சரியாக பொருந்தியிருப்பர். பிக் பாஸ் வீட்டிற்குள் கையில் ஒரு புத்தகத்தோடு நுழைந்து பலரது கவனத்தை பெற்ற இவர், தொடர்ந்து ரசிகர்களின் கவனத்தை பெறுவார் எனவும் எதிர்பார்க்கப்படுகிறது. 

 

big boss 7 update

 

யுகேந்திரன்  - பாடகர் மலேசியா வாசுதேவனின் மகனான இவர் தந்தையை போல் பல பாடல்களை பாடியுள்ளார். மேலும் அவரை போலவே பல படங்களில் நடித்தும் உள்ளார். அஜித்தின் 'பூவெல்லாம் உன் வாசம்' விஜய்யுடன் யூத், பகவதி, திருப்பாச்சி என ஏராளமான படங்களில் முக்கிய கதாபாத்திரத்தில் நடித்துள்ளார். படத்தில் வருவது போல் நிகழ்ச்சியிலும் முக்கிய போட்டியாளராக இருப்பார் என எதிர்பார்க்கப்படுகிறது.

 

 

big boss 7 update

 

வனிதா மகள் ஜோவிகா - நடிகையாக சினிமாவில் ஒரு ரவுண்டு வந்த வனிதா, பிக் பாஸ் நிகழ்ச்சி மூலம் மீண்டும் ரசிகர்கள் மத்தியில் அதிகமாக பேசப்பட்டார். இவர் கலந்து கொண்ட சீசனில் கடும் போட்டியாளராக இருந்தார். இந்த நிலையில் அவரது மகளான ஜோவிகா, 18 வயதை கடந்துவிட்ட நிலையில் அம்மாவை போல் கடும் போட்டியாளராக இருப்பார் என எதிர்பார்க்கப்படுகிறது.