தமிழகத்தில் மேலும் மூவருக்கு கரோனா!

சீனாவின் வுஹானில் தொடங்கி தற்போது உலகையே அச்சுறுத்தி வரும் கரோனா வைரஸால் உலகம் முழுவதும் இதுவரை 9000க்கும் மேற்பட்டோர் உயிரிழந்துள்ளனர். 170க்கும் மேற்பட்ட நாடுகளில் பரவியுள்ள இந்த வைரஸால் 2 லட்சத்திற்கும் அதிகமானோர் இதுவரை பாதிக்கப்பட்டுள்ளனர். இந்தியாவிலும் இந்த வைரஸால் பாதிக்கப்பட்டோர்களின் எண்ணிக்கை அதிகரித்துக்கொண்டே இருக்கிறது.

 

தமிழகத்தில் ஏற்கனவே மூவருக்கு கரோனா உறுதிசெய்யப்பட்டிருந்த நிலையில் தற்போது மேலும் மூவருக்கு கரோனா பாதிப்பு இருப்பது உறுதிசெய்யப்பட்டுள்ளதாக அமைச்சர் விஜயபாஸ்கர் தெரிவித்துள்ளார். தமிழகத்திற்கு வந்த தாய்லாந்தைச் சேர்ந்த இருவருக்கும், நியூசிலாந்தைச் சேர்ந்த ஒருவருக்கும் இந்த வைரஸ் தொற்று இருப்பது தற்போது கண்டறியப்பட்டுள்ளதாகவும் சமூகப் பரவல் மூலம் தமிழகத்தில் இந்த வைரஸ் பரவவில்லை என்றும் அவர் தெரிவித்துள்ளார். இதன்மூலம் தமிழகத்தில் கரோனா பாதிப்பு 6 ஆக உயர்ந்துள்ளது.