பள்ளியில் மாணவிகளுடன் நடனமாடிய எம்.பி...

மகாராஷ்டிரா மாநில எம்.பி ஒருவர் பள்ளி விழாவில் மேடையில் மாணவிகளுடன் நடனமாடிய நிகழ்வு பரபரப்பை ஏற்படுத்தியுள்ளது. மராட்டிய மாநிலம் பந்தாரா - கொண்டியா மக்களவை தொகுதியின் எம்.பி யான தேசியவாத காங்கிரஸ் கட்சியின் மதுக்கர் குக்டே.  இவர் தனது தொகுதியில் உள்ள பள்ளி ஒன்றின் விழாவில் சிறப்பு விருந்தினராக கலந்து கொண்டார். அப்போது விழாவில் மாணவ-மாணவிகளின் சிறப்பு கலைநிகழ்ச்சிகள் நடைப்பெற்றது. அதில் மாணவிகள் நடனமாடிக் கொண்டிருந்தபோது உற்சாக மிகுதியால்  எம்.பி.யான மதுக்கர் குக்டேவும் மாணவிகளுடன் சேர்ந்து நடனமாடி அசத்தினார். இந்த காட்சிகள் தற்பொழுது இணையத்தில் வெளியாகி பரபரப்பை ஏற்படுத்தியுள்ளது.