Skip to main content

தமிழக பட்ஜெட் 2018-2019 

Published on 15/03/2018 | Edited on 15/03/2018

 

இது தமிழ்நாட்டிற்கு மிகமுக்கியமான ஒருநாள். இன்று தமிழ்நாடு அரசு தனது பட்ஜெட்டை தாக்கல் செய்துள்ளது. வழக்கம்போல நடந்தது இரண்டு விஷயங்கள். ஒன்று, துணை முதல்வர் பன்னீர்செல்வம் அம்மா புகழ் பாடியது. இரண்டு, செயல்தலைவர் தலைமையில் தி.மு.க. வெளிநடப்பு செய்தது. இதில் ஜெயலலிதாவிற்கென தனி பட்ஜெட் வேறு ஒதுக்கப்பட்டுள்ளது.

 

tamilnadu budget
  • கால்நடை பராமரிப்பு துறைக்கு 1,227.69 கோடி
  • மாநில பேரிடர் நிவாரணம் 786 கோடி
  • வறுமை ஒழிப்புக்கு 920 கோடி 
  • 26 மாவட்டங்களில் உள்ள கிராமப்புற புத்தாக்க திட்டத்திற்கு 920 கோடி 
  • தீயணைப்பு, மீட்புப் பணி 347 கோடி 
  • காவல்துறைக்கு 7877 கோடி 
  • பள்ளிக்கல்வி துறைக்கு 27,205.88 கோடி  
  • உயர் கல்வித்துறைக்கு 4,620 கோடி 
  • பழங்குடியினர் நலனுக்கு 333.82 கோடி 
  • அணைகள் புனரமைப்பு திட்டத்திற்கு 166.08 கோடி 
  • அனைவருக்கும் கல்வி இயக்கத்திற்காக 1,750 கோடி 
  • பிற்படுத்தப்பட்டோர் நலத்துறைக்கு 972.86 கோடி 
  • ஆதிதிராவிடர் நலத்துறை 3,207.04 கோடி
  • மானிய விலை ஸ்கூட்டர் திட்டத்திற்கு 250 கோடி 
  • நெடுஞ்சாலைத்துறைக்கு 11,073.66 கோடி 
  • வேளாண்துறைக்கு 8916.25 கோடி 
  • மாற்றுத்திறனாளிகள் நலத்துறைக்கு 545 கோடி 
  • மீன்வளத்துறைக்கு 1,016 கோடி 
  • உணவுப்பொருள் மானியத்திற்கு 6,000 கோடி
  • தகவல் தொழில்நுட்ப துறைக்கு 158.11 கோடி 
  • போக்குவரத்து துறைக்கு 2717.34 கோடி 
  • இளைஞர் நலன், விளையாட்டுத்துறைக்கு 191 கோடி 
  • ஓய்வூதிய திட்டத்திற்கு 25,362 கோடி
  • மானியம் மற்றும் உதவித்தொகைக்கு 75,723 கோடி 
  • பேரிடர் நிவாரணத்திற்கு 786 கோடி 
  • சுகாதாரத்துறைக்கு 11,638.44 கோடி 
  • தமிழ் வளர்ச்சித்துறைக்கு 52.56 கோடி ஒதுக்கப்பட்டுள்ளது.
  • 3 இலட்சம் ஏழை குடும்பத்திற்கு இலவச வீட்டுமனை பட்டா வழங்கப்படும்.
  • 41,977 கோடியாக இருந்த நிதி பற்றாக்குறை, இந்தாண்டு 23,176 கோடியாக குறைந்துள்ளது. 
  • ஜி.எஸ்.டி. மூலம் ஒன்பது சதவீதம் நிதி உயர்ந்துள்ளதாகவும் அறிவிப்பு.

Next Story

“தமிழக வேளாண் பட்ஜெட் உழவர்களுக்கு ஏற்றம் அல்ல” - ராமதாஸ்

Published on 20/02/2024 | Edited on 20/02/2024
Tamilnadu agriculture budget is not good for farmers says Ramadoss

தமிழக அரசு தாக்கல் செய்த வேளாண் நிதிநிலை அறிக்கை உழவர்களுக்கு ஏற்றம் அல்ல என்று பாமக நிறுவனர் ராமதாஸ் தெரிவித்துள்ளார். 

இது தொடர்பாக அவர் வெளியிட்டுள்ள அறிக்கையில், “தமிழ்நாடு சட்டப்பேரவையில் தாக்கல் செய்யப்பட்டுள்ள வேளாண்மை நிதிநிலை அறிக்கையில் தமிழக உழவர்களின் எதிர்பார்ப்புகள் ஒன்று கூட நிறைவேற்றப்படவில்லை. உழவர்களுக்கு ஏற்றம் அளிக்க வேண்டும் என்ற நோக்கத்துடன் தான் வேளாண் நிதிநிலை அறிக்கை அறிமுகம் செய்யப்பட்டது; ஆனால், ஏற்றத்திற்கு மாற்றாக ஏமாற்றத்தை மட்டுமே வேளாண் நிதிநிலை அறிக்கை வழங்கியுள்ளது.

2024&25ஆம் ஆண்டுக்கான வேளாண்மை நிதிநிலை அறிக்கையை தமிழக சட்டப்பேரவையில் வேளாண் அமைச்சர் எம்.ஆர்.கே.பன்னீர்செல்வம் தாக்கல் செய்தார். இந்த ஆண்டிற்கான வேளாண் நிதிநிலை அறிக்கையில் உழவர்கள் முதன்மையாக எதிர்பார்த்தது வேளாண் விளைபொருட்களுக்கு உரிய விலை வழங்கப்பட வேண்டும் என்பதைத் தான். ஆனால், அந்த எதிர்பார்ப்பு இந்த ஆண்டும் நிறைவேறவில்லை.

நெல்லுக்கு குவிண்டாலுக்கு ரூ.3000 வழங்கப்பட வேண்டும் என்பது தான் உழவர்களின் கோரிக்கை. ஆனால், மத்திய அரசு வழங்கும் விலையுடன் சன்னரக நெல்லுக்கு ரூ.100, சாதாரண ரக நெல்லுக்கு  ரூ.75 வீதம் ஊக்கத்தொகை வழங்குவதுதான் தமிழக அரசு அதன் கடமையை முடித்துக் கொள்கிறது. அதனால் நெல்லுக்கு குவிண்டாலுக்கு அதிக அளவாக ரூ.2303 மட்டுமே கிடைக்கிறது. இது போதாது.

கரும்புக்கான கொள்முதல் விலை டன்னுக்கு ரூ.5,000 ஆக உயர்த்தப்பட வேண்டும் என்பது அடுத்த கோரிக்கை. ஆனால், மத்திய அரசு தமிழகத்தில் விளையும் கரும்புகளுக்கான கொள்முதல் விலையாக ரூ.2919 மட்டுமே அறிவித்துள்ளது. தமிழக அரசு நினைத்திருந்தால் குறைந்தது ரூ.1000 ஊக்கத்தொகை சேர்த்து டன்னுக்கு ரூ.4000 பரிந்துரை விலையாக அறிவித்திருக்கலாம். அதை சர்க்கரை ஆலைகளே வழங்கியிருக்கும். அரசுக்கு கூடுதல் செலவு ஏற்பட்டிருக்காது. ஆனால், தமிழக அரசோ, நடைபெற்று முடிந்த பருவத்திற்கு ஊக்கத்தொகையாக டன்னுக்கு ரூ.215 வழங்கப்படும் என அறிவிக்கப்பட்டுள்ளது. அதனால், டன்னுக்கு ரூ.3134 மட்டுமே கிடைக்கும். இதைக் கொண்டு செலவை கூட ஈடுசெய்ய முடியாது.

தமிழ்நாட்டில் பழங்கள், காய்கறிகள் உள்ளிட்ட அனைத்து வேளாண் விளைபொருட்களுக்கும் கொள்முதல் விலை நிர்ணயிக்கப்பட வேண்டும் என்று எதிர்க்கட்சியாக இருந்த போது திமுக வலியுறுத்தி வந்தது. ஆனால், ஆளுங்கட்சியாக வந்தவுடன் அந்த வாக்குறுதியை வசதியாக காற்றில் பறக்கவிட்டு விட்டது.

கொப்பரைத் தேங்காய், நிலக்கடலை ஆகியவற்றுக்கான விலைகள் வீழ்ச்சியடைந்து விட்ட நிலையில், உழவர்களின் நலன் கருதி நியாயவிலைக் கடைகளில் பாமாயிலுக்கு மாற்றாக கடலை எண்ணெய், நல்லெண்ணெய், தேங்காய் எண்ணெய் ஆகியவற்றை வழங்க வேண்டும் என்று வலியுறுத்தி வருகின்றனர். இதை செயல்படுத்துவதற்கு தமிழக அரசுக்கு அதிக செலவு ஆகாது. ஆனாலும், உழவர்கள் நலனில் அக்கறை இல்லாததால் அந்தத் திட்டத்தை நடப்பு நிதிநிலை அறிக்கையில் அரசு அறிவிக்கவில்லை.

குறுவை பருவத்தில் மேட்டூர் அணையிலிருந்து போதிய அளவில் தண்ணீர் திறக்கப்படாததால் சுமார் 2 லட்சம் ஏக்கரில் நெற்பயிர்கள் முழுமையாக கருகி விட்டன; ஒன்றரை லட்சம் ஏக்கரில் பயிரிடப்பட்டிருந்த நெற்பயிர்களின் விளைச்சல் கடுமையாக பாதிக்கப்பட்டது. அதேபோல், சம்பா/தாளடி பருவத்திலும் மேட்டூர் அணையிலிருந்து தண்ணீர் திறந்து விடப்படாததால் பல லட்சம் ஏக்கரில் விளைச்சல் குறைந்தது. இப்பயிர்களுக்கு ஏக்கருக்கு ரூ.40,000 இழப்பீடு வழங்கப்பட வேண்டும் என்ற கோரிக்கை ஏற்கப்படவில்லை.

உழவர்களின் வருவாயைப் பெருக்கவோ, பாசனப் பரப்பை அதிகரிக்கவோ எந்த திட்டமும் இந்த நிதிநிலை அறிக்கையில் அறிவிக்கப்படவில்லை. பண்ருட்டியில் பலா மதிப்புக்கூட்டு மையம் அமைக்கப் படும் என்று 2021&ஆம் ஆண்டு முதல் தொடர்ந்து அறிவிக்கப்பட்டு வருகிறது. ஆனால், அதில் எந்த முன்னேற்றமும் எட்டப்படாத நிலையில், நடப்பாண்டிலும் அதே அறிவிப்பு மீண்டும் வெளியிடப்பட்டுள்ளது.

வேளாண் விளைபொருட்களை விற்பனை செய்வதற்கான உழவர் அங்காடிகள், காலநிலை மாற்றத்தின் தாக்கங்களை குறைப்பதற்கான சிறப்பு வேளாண் கிராமங்கள், புதிய பயிர்வகைகளை பயிரிடச் செய்வதற்கான ஒரு கிராமம், ஒரு பயிர் திட்டம் போன்றவை வரவேற்கத்தக்கவை. ஆனால், உழவர்களின் துயரங்களைப் போக்குவதற்கான பெருந்திட்டங்கள் எதுவும் நிதிநிலை அறிக்கையில் இடம்பெறவில்லை.

வேளாண்மைக்கு தனி நிதிநிலை அறிக்கை தாக்கல் செய்யப்பட வேண்டும் என்று பாட்டாளி மக்கள் கட்சி வலியுறுத்தியதன் நோக்கமே அத்துறைக்கான நிதி ஒதுக்கீடு அதிகரிக்கப்பட வேண்டும் என்பது தான். ஆனால், வேளாண் துறைக்கான நிதி ஒதுக்கீடு அதிகரிக்கப்படவே இல்லை. 2024&25ஆம் ஆண்டில் கூட வேளாண்துறைக்கான நிதி ஒதுக்கீடு ரூ.11,194 கோடியாகவே உள்ளது. நிதி ஒதுக்கீட்டை அதிகரிக்காமல் வேளாண்துறை மானியக் கோரிக்கையை வேளாண் நிதிநிலை அறிக்கையாக தாக்கல் செய்வதால் எந்த பயனும் இல்லை. கடந்த நிதிநிலை அறிக்கையில் அறிவிக்கப்பட்ட திட்டங்களுக்கு  அரசாணைகள் மட்டும் தான் வெளியிடப்பட்டுள்ளனவே தவிர ஒரு திட்டம் கூட செயல்படுத்தப்படவில்லை.

வேளாண் நிதிநிலை அறிக்கை என்பது தமிழகத்திற்கு புதியது. அதனால், முதல் 3 நிதிநிலை அறிக்கைகளில் தடுமாற்றங்கள் இருந்தால் அதை ஏற்றுக் கொள்ளலாம். ஆனால், நான்காவது அறிக்கையும் பயனற்ற ஆவணமாக இருப்பது உழவர்கள் நலனைக் காப்பதில் தமிழக அரசு தோற்று விட்டதையே காட்டுகிறது” எனக் குறிப்பிட்டுள்ளார்.

Next Story

''தொகுதிப் பங்கீடு.. ஆளுநர் உரை...''-காணொளியில் முதல்வர் ஆலோசனை

Published on 04/02/2024 | Edited on 04/02/2024
"Constituent distribution.. Governor's speech..."- Chief Minister's advice on video

இந்த ஆண்டு நடைபெற உள்ள நாடாளுமன்ற மக்களவைத் தேர்தலுக்கான பணிகளை அரசியல் கட்சிகள் தீவிரப்படுத்தி வருகின்றன. அந்த வகையில் இந்தியா கூட்டணியில் இடம்பெற்றுள்ள திமுக, நாடாளுமன்றத் தேர்தலுக்கான பல்வேறு குழுக்களை உருவாக்கி அதற்கான அறிவிப்புகளைக் கொடுத்திருந்தது. அதன்படி கூட்டணிக் கட்சிகளுடன் பேச்சுவார்த்தை நடத்திட நாடாளுமன்ற உறுப்பினர் டி.ஆர். பாலு தலைமையில் அமைக்கப்பட்ட குழுவில் அமைச்சர்கள் கே.என். நேரு, ஐ. பெரியசாமி, எம்.ஆர்.கே. பன்னீர்செல்வம், நாடாளுமன்ற உறுப்பினர்களான திருச்சி சிவா, ஆ. ராசா மற்றும் பொன்முடி ஆகியோர் இடம்பெற்றுள்ளனர்.

நாடாளுமன்ற மக்களவைத் தேர்தல் தொகுதி பங்கீடு குறித்து திமுகவுடன் காங்கிரஸ், இந்திய கம்யூனிஸ்ட் கட்சி, மதிமுக உள்ளிட்ட கட்சிகளுடன் முதற்கட்ட பேச்சுவார்த்தை நடந்திருக்கிறது. இந்நிலையில் தற்பொழுது ஸ்பெயின் நாட்டில் சுற்றுப்பயணத்தில் உள்ள தமிழக முதல்வர் மு.க.ஸ்டாலின் திமுக தேர்தல் ஒருங்கிணைப்புக் குழுவுடன் காணொளி வாயிலாக ஆலோசனை மேற்கொண்டார். இந்த ஆலோசனையில் அமைச்சர் கே.என்.நேரு, எ.வ.வேலு, உதயநிதி ஸ்டாலின் தங்கம் தென்னரசு உள்ளிட்டோர் பங்கேற்றுள்ளனர். அதிகாரிகள் சார்பாக நிதித்துறை செயலாளர் உதயசந்திரன், கூடுதல் தலைமைச் செயலாளர் முருகானந்தம் உள்ளிட்டோரும் பங்கேற்றுள்ளனர்

தமிழ்நாடு பட்ஜெட் கூட்டத்தொடர் 12ம் தேதி நடக்க இருக்கும் நிலையில் பட்ஜெட் தாக்கல் குறித்தும், ஆளுநர் உரை குறித்தும், ஆளுநர் உரையில் இடம்பெற வேண்டிய கூறுகள் குறித்தும் இந்த காணொளி கூட்டத்தில் ஆலோசிக்கப்பட்டதாக கூறப்படுகிறது.

கடந்த முறை நடந்த பட்ஜெட் கூட்டத்தொடரில் தமிழக ஆளுநர் ஆர்.என். ரவி தமிழக அரசு தயாரித்துக் கொடுத்த உரையில் சில திருத்தங்களை மேற்கொண்டு வாசித்தது சலசலப்பை ஏற்படுத்த, பாதி உரையில் இருந்தே வெளியேறினார் என்பது குறிப்பிடத்தக்கது.