7.8 ரிக்டர் அளவில் பயங்கர நிலநடுக்கம்... அமெரிக்காவில் சுனாமி எச்சரிக்கை...

அமெரிக்காவின் அலாஸ்காவில் ஏற்பட்ட பயங்கர நிலநடுக்கத்தைத் தொடர்ந்து அப்பகுதிக்குச் சுனாமி எச்சரிக்கை விடுக்கப்பட்டுள்ளது. 

7.8 ரிக்டர் அளவிலான நிலநடுக்கம் அலாஸ்காவைத் தாக்கியுள்ளதாக அமெரிக்கப் புவியியல் ஆய்வு மையம் தெரிவித்துள்ளது. யு.எஸ்.ஜி.எஸ் வெளியிட்டுள்ள தகவலின்படி, செவ்வாய்க்கிழமை இரவு 11:12 (PST) மணிக்கு நிலநடுக்கம் ஏற்பட்டதாகவும், அலாஸ்காவின் பெர்ரிவில்லுக்கு தென்கிழக்கில் 60 மைல் தூரத்திலும், ஆறு மைல் ஆழத்திலும் இதன் மையம் இருந்ததாகவும் கண்டறியப்பட்டுள்ளது. இந்நிலையில், இந்த நிலநடுக்கத்தைத் தொடர்ந்து தெற்கு அலாஸ்கா, அலாஸ்கா தீபகற்பம் மற்றும் அலுடியன் தீவுகளுக்குச் சுனாமி எச்சரிக்கை விடுக்கப்பட்டுள்ளது.