அஜித் ரசிகர்களுக்கு கத்திகுத்து... வீடியோ எடுக்கபோன ஒளிப்பதிவாளர் விபத்தில் சிக்கினார்

வேலூரில் விஸ்வாசம் படம் ஓடும் தியேட்டரில் அஜித் ரசிகர்களுக்குள் மோதல் ஏற்பட்டது. இதில் இரண்டு இளைஞர்களுக்கு கத்திகுத்து விழுந்தது. அதில் ஒருவர் தீவிர சிகிச்சை பிரிவில் அனுமதிக்கப்பட்டுள்ளார். இதுப்பற்றிய தகவல் தெரிந்ததும் வேலூர் செய்தியாளர்கள் வேலூர் அரசு மருத்துவக்கல்லூரி மருத்துவமனைக்கு சென்றனர்.

அதில் வேலூர் மாவட்ட கலைஞர் டிவி ஒளிப்பதிவாளர் சுதாகரும் ஒருவர். வேலூரில் இருந்து 7 கி.மீ தொலைவில் உள்ள அடுக்கம்பாறையில் உள்ள மருத்துவக்கல்லூரி மருத்துவமனைக்கு இருசக்கர வாகனத்தில் செல்லும்போது, எதிரே வந்த லாரிக்கு வழிவிடுவதற்காக வண்டியை ஓரம் கட்டும்போது மணல் சறுக்கி கீழே விழுந்துள்ளார்.

​

இதில் தலையில் காயம் ஏற்பட்டுள்ளது. உடனடியாக அங்கிருந்தவர்கள் அவரை தூங்கி ஆட்டோ ஒன்றில் ஏற்றி அரசு மருத்துவக்கல்லூரிக்கு அனுப்பிவைத்தனர். மருத்துவமனையில் அனுமதிக்கப்பட்டுள்ள சுதாகருக்கு சிகிச்சை அளிக்கப்பட்டு வருகிறது.