Skip to main content

கள்ளச்சந்தையில் ‘ரெம்டெசிவர்’... குண்டர் சட்டத்தில் இருவர் கைது.!!

Published on 22/05/2021 | Edited on 22/05/2021

 

‘Remdeciver’ in the black market .. Two in the thug law

 

சட்டவிரோதமாக ‘ரெம்டெசிவர்’ மருந்துகளை அதிக விலைக்கு விற்பனை செய்த அண்ணன், தம்பி ஆகிய இருவரை குண்டர் தடுப்புச் சட்டத்தின் கீழ் கைது செய்துள்ளது மாவட்டக் காவல்துறை. நுண்கிருமி பெருந்தொற்று நோயான கரோனாவுக்குப் பயன்படுத்தப்படும் அத்தியாவசியமான மருந்தான ரெம்டெசிவர் மருந்தை அரசு நிர்ணயித்த விலையைவிட, அதிக விலைக்கு கள்ளச்சந்தையில் விற்பவர் மீது நடவடிக்கை பாயும் என அரசு அறிவித்துள்ளது.

 

இவ்வேளையில், கடந்த 13.05.2021 அன்று தூத்துக்குடி மாவட்டம், கோவில்பட்டி மேற்கு காவல் நிலைய எல்லைக்குட்பட்ட கதிரேசன் கோவில் சாலையிலுள்ள மீனாட்சி மருந்துக்கடையில் ரெம்டெசிவர் மருந்தை அதிக விலைக்கு விற்பதாக காவல்துறைக்கு தகவல் கிடைத்தது. அதன்பின்னர் போலீஸார் சோதனையிட்டபோது, அங்கு கணக்கில் காட்டப்படாத 46 ரெம்டெசிவர் மருந்து பாட்டில்கள் இருப்பதாக கண்டுபிடிக்கப்பட்டது. விசாரணையில் மருந்து பாட்டிலுள்ள விலை அழிக்கப்பட்டு கள்ளச்சந்தையில் அதிக விலைக்கு விற்பனை செய்வது தெரியவர, மருந்துக்கடையின் உரிமையாளரான கணேசன், சண்முகம் ஆகியோர் கைது செய்யப்பட்டனர்.

 

‘Remdeciver’ in the black market .. Two in the thug law

 

இதனைத் தொடர்ந்து கோவில்பட்டி மேற்கு காவல் நிலைய இன்ஸ்பெக்டர் சபாபதி, தூத்துக்குடி மாவட்ட எஸ்.பி. ஜெயகுமாருக்கு சமர்ப்பித்த அறிக்கையின் அடிப்படையில், எஸ்.பி. இரு நபர்களையும் குண்டர் தடுப்புச் சட்டத்தில் அடைக்க ஆட்சியருக்குப் பரிந்துரை செய்தார். இதனடிப்படையில் மருந்துக்கடையின் உரிமையாளர்கள் இருவர் மீதும் குண்டர் தடுப்புச் சட்டத்தின் கீழ் வழக்குப் பதிவு செய்யப்பட்டது.

 

 

சார்ந்த செய்திகள்

Next Story

செப்டம்பர் 25இல் மதிமுக ஆர்ப்பாட்டம்

Published on 23/09/2023 | Edited on 23/09/2023

 

MDMK on September 25

 

மதிமுக சார்பில் செப்டம்பர் 25 ஆம் தேதி கோவில்பட்டியில் ஆர்ப்பாட்டம் நடத்தப்படும் என அறிவிக்கப்பட்டுள்ளது.

 

சென்னை எழும்பூர் - திருநெல்வேலி இடையே புதிய வந்தே பாரத் விரைவு ரயில் இயக்கப்பட உள்ளது. இந்திய ரயில்வே சார்பில் இயக்கப்படும் இந்த அதிநவீன ரயிலை பிரதமர் மோடி நாளை (செப்டம்பர் 24) தொடங்கி வைக்கிறார். திருநெல்வேலியில் இருந்து காலை 6 மணிக்குப் புறப்படும் ரயில் சென்னை எழும்பூருக்கு மதியம் 1:50 மணிக்குச் சென்றடையும். 652 கி.மீ தூரத்தை 7 மணி நேரம் 50 நிமிடங்களில் கடக்கிறது. இந்த அதிவிரைவு ரயில் விருதுநகர், மதுரை, திண்டுக்கல், திருச்சி, விழுப்புரம் ஆகிய ரயில் நிலையங்களில் நின்று செல்லும். அதே சமயம் மறு மார்க்கமாகச் சென்னை எழும்பூரில் இருந்து மதியம் 2:50 மணிக்குப் புறப்பட்டு இரவு 10:40 மணிக்குத் திருநெல்வேலிக்குச் சென்றடையும் எனத் தெரிவிக்கப்பட்டுள்ளது.

 

அதே சமயம் இந்த ரயிலுக்கான கட்டண விவரங்களைத் தெற்கு ரயில்வே நேற்று வெளியிட்டு இருந்தது. அதன்படி சென்னையில் இருந்து திருநெல்வேலிக்கு ஏசி சொகுசு வகுப்புக்கு ரூ. 3,025 நிர்ணயம் செய்யப்பட்டுள்ளது. இதில் உணவு, ஜிஎஸ்டி, அதிவிரைவு கட்டணம், முன்பதிவு என அனைத்துக் கட்டணங்களும் அடங்கும். அதேபோன்று சாதாரண ஏசி சேர் கேர் கட்டணம் ரூ. 1,620 ஆகவும் நிர்ணயிக்கப்பட்டுள்ளது. இந்நிலையில், நெல்லை - சென்னை வந்தே பாரத் ரயிலை கோவில்பட்டியில் நிறுத்தக் கோரி மதிமுக சார்பில் செப்டம்பர் 25 ஆம் தேதி கோவில்பட்டி நகரில் ஆர்ப்பாட்டம் நடத்தப்படும் என அறிவிக்கப்பட்டுள்ளது. இந்த ஆர்ப்பாட்டம் மதிமுக முதன்மைச் செயலாளர் துரை வைகோ தலைமையில் நடைபெறும் எனத் தெரிவிக்கப்பட்டுள்ளது. 

 

 

Next Story

அவசரத்துக்கு ஏடிஎம் வந்தா இப்படியா? - அதிர்ச்சியில் உறைந்த ஸ்விகி ஊழியர்

Published on 28/02/2023 | Edited on 28/02/2023

 

 A twenty rupee note instead of 200 rupees came in the ATM

 

தூத்துக்குடி மாவட்டம் கோவில்பட்டியில் உள்ள ஒரு தனியார் ஏடிஎம் மையத்தில் 200 ரூபாய் நோட்டுக்கு பதிலாக 20 ரூபாய் வந்தது அதிர்ச்சியை ஏற்படுத்தி இருக்கிறது.

 

தூத்துக்குடி மாவட்டம் கோவில்பட்டியில் உள்ள 'ஒன் இந்தியா' என்ற தனியார் ஏடிஎம் மையத்தில் ஸ்விகியில் வேலை செய்து வரும் ஐயப்பன் என்பவர் 3,500 பணம் எடுத்துள்ளார். ஆனால் 3,140 ரூபாய் மட்டுமே ஏடிஎம் மிஷினில் இருந்து வெளியே வந்துள்ளது. 200 ரூபாய் நோட்டுகளுக்கு பதிலாக இரண்டு 20 ரூபாய் நோட்டுகள் இருந்ததை கண்டு அதிர்ந்த ஐயப்பன் புகார் அளித்தார். ஏற்பட்ட குளறுபடி குறித்து நடவடிக்கை எடுப்பதாக அந்த தனியார் ஏடிஎம் மையம் சார்பில் தெரிவிக்கப்பட்டுள்ளது.

 

அதன் பிறகு செய்தியாளர்களைச் சந்தித்த ஐயப்பன் ''ஏடிஎம்மில் பைசா எடுக்க முடியல சார். எனக்கு பேங்க் அக்கவுண்ட் கோவில்பட்டி ஃபெடரல் பேங்கில் இருக்கிறது. ஒரு எமர்ஜென்சிக்காக இங்க 3,500 காசு எடுக்க வந்தேன். ஆனால் எனக்கு வெளியில் பைசா வரும் பொழுது 3,140 ரூபாய் மட்டும்தான் வந்தது. அதில் இரண்டு இருபது ரூபாய் நோட்டு, ஒரு நூறு ரூபாய் நோட்டு, ஆறு ஐநூறு ரூபாய் நோட்டு இருந்தது. 20 ரூபாய் நோட்டைப் பார்த்த உடனே அதிர்ச்சி ஆயிட்டேன்'' என்றார்.