Skip to main content

கொண்டாட்டம் நடத்தாமல் - போராட்டம் நடத்திய பெண்கள்

Published on 08/03/2019 | Edited on 08/03/2019

 


சர்வதேச மகளிர் தினமான இன்று உழைக்கும் பெண்கள் அமைப்பு மற்றும் கம்யூனிஸ்ட் கட்சி தொழிற்சங்கமான ஏஐடியுசி சார்பில் பல்வேறு  கோரிக்கைகளை வலியுறுத்தி ஈரோட்டில் ஆர்ப்பாட்டம் நடைபெற்றது. 

 

e

 

இந்த போராட்டத்திற்கு அச்சங்கத்தின் மாநில செயலாளர் சின்னச்சாமி தலைமை தாங்கினார். ஆர்ப்பாட்டத்தில் பேசியவர்கள்  மத்திய, மாநில அரசுகளே, பெண்கள் மீதான பாலியல் உள்ளிட்ட வன்கொடுமைகளை தடுத்து நிறுத்து பணியிடத்தில் பெண்களுக்கான பாதுகாப்பை உறுதிப்படுத்த வேண்டும்.  அனைத்து பிரிவு தொழிலாளர்களுக்கும் ரூ.18,000/-க்கு குறையாத மாதச் சம்பளம் வழங்க வேண்டும். 

 

 உச்ச நீதிமன்றத் தீர்ப்புப்படி, சமவேலைக்கு சமஊதியம் கொடுக்க வேண்டும். குறிப்பிட்ட காலத்திற்கு மட்டும் பணிநியமனம் என்ற கொத்தடிமைச் சட்டத்தை திரும்பப் பெற வேண்டும்.   பெருமுதலாளிகளுக்கும், பன்னாட்டு கம்பெனிகளுக்கும் ஆதரவாக தொழிலாளர் சட்டங்களை சிதைக்க கூடாது.  

 

e

 

மத்திய பா.ஜ.க.  அரசு அறிவித்துள்ள, 18வயது முதல் 40வயது வரையிலான அமைப்புச் சாராத் தொழிலாளர்கள்  மாதந்தோறும்  ரூ.55/- முதல் ரூ200/-வரை  குறைந்தபட்சம் 20 ஆண்டுகள் முதல் அதிகபட்சம் 42 ஆண்டுகள் வரை தவறாமல் பங்குத் தொகை செலுத்தினால் அவர்களுக்கு 60 வயதுக்குப் பின்னர் மாதம் ரூ3000/- ஓய்வூதியம் என்ற ஏமாற்றுத் திட்டத்தை கைவிட்டு விட்டு,  60 வயதான எல்லாருக்கும் உடனடியாக ஓய்வூதியம் கொடுக்க வேண்டும்.

 

தமிழக அரசு, கட்டுமானத் தொழிலாளர்களுக்கு அம்மா உணவகங்களில் இலவசமாக உணவு வழங்கப்படும் என்று அறிவித்து விட்டு, அதற்கான தொகையை கட்டுமானத் தொழிலாளர்கள் நலவாரிய நிதியில் இருந்து வசூலிக்க உத்தரவிட்டுள்ளதை ரத்து செய்திட வேண்டும். என்ற கோரிக்கைகளை வலியுறுத்தி கோஷமிட்டனர். 

 

இந்த ஆட்டத்திற்கு ஏஐடியுசி மாவட்ட செயலாளர்  ஜி.வெங்கடாசலம் மற்றும்  ஏஐடியுசி உழைக்கும் பெண்கள் அமைப்பைச் சேர்ந்த  ராஜம்மாள்.மெகரூன், மேலும் பலர் கலந்து கொன்டனர்.  மகளிர் தினத்தில் வெறுமனமே கொன்டாட்டம் இல்லாமல் கோரிக்கைகளை வைத்து போராட வைத்திருக்கிறது மத்திய, மாநில அரசுகள்.
 

சார்ந்த செய்திகள்

Next Story

கணேசமூர்த்தி உடலுக்கு துரை வைகோ அஞ்சலி!

Published on 28/03/2024 | Edited on 28/03/2024
Durai Vaiko Tribute to GaneshaMurthy 

ம.தி.மு.க.வின் பொருளாளராக இருந்த கணேசமூர்த்தி ஈரோடு பாராளுமன்றத் தொகுதி எம்.பி.யாக பணியாற்றி வந்தார். கடந்த நாடாளுமன்ற தேர்தலில் ஈரோடு தொகுதி ம.தி.மு.க.வுக்கு ஒதுக்கப்பட்டது. அப்போது உதயசூரியன் சின்னத்தில் நிற்க வேண்டிய சூழல் ம.தி.மு.க.வுக்கு ஏற்பட்டதால் கணேசமூர்த்தி உதயசூரியன் சின்னத்தில் நின்று பெருவாரியான வாக்குகள் வித்தியாசத்தில் வெற்றி பெற்றார். அதன் பிறகு கடந்த ஐந்து வருடமாக தனது பாராளுமன்ற உறுப்பினர் பதவியைத் தொடர்ந்து மக்களுக்குப் பணியாற்றி வந்தார்.

கடந்த ஞாயிற்றுக்கிழமை காலை திடீரென ஈரோட்டில் உள்ள தனியார் மருத்துவமனையில் அனுமதிக்கப்பட்டு கணேசமூர்த்தி தீவிர சிகிச்சை பெற்று வந்தார். வீட்டில் தற்கொலை முயற்சியில் ஈடுபட்ட கணேசமூர்த்தி, சல்பாஸ் மாத்திரை எனப்படுகிற உயிர்க்கொல்லி மாத்திரையை அவர் விழுங்கியது தெரியவந்தது. கோவையில் உள்ள தனியார் மருத்துவமனையில் சிகிச்சை பெற்று வந்த கணேசமூர்த்தி இன்று (28.03.2024) அதிகாலை சிகிச்சை பலனின்றி உயிரிழந்தாக மருத்துவமனை தரப்பில் தெரிவிக்கப்பட்டது. இதனையடுத்து அவரது மறைவுக்குப் பல்வேறு அரசியல் தலைவர்கள் இரங்கல் தெரிவித்ததுடன் நேரில் சென்று உடலுக்கு அஞ்சலியும் செலுத்தினர்.

Durai Vaiko Tribute to GaneshaMurthy 

இந்நிலையில் ஈரோடு மாவட்டம் அவல்பூந்துறைக்கு இன்று மாலை நேரில் சென்று மறைந்த நாடாளுமன்ற உறுப்பினர் கணேசமூர்த்தியின் உடலுக்கு மாலை அணிவித்து ம.தி.மு.க. முதன்மைச் செயலாளர் துரை வைகோ இறுதி அஞ்சலி செலுத்தினார். அதே சமயம் ம.தி.மு.க. பொதுச்செயலாளர் வைகோவும் அஞ்சலி செலுத்தினார். அனைத்துக் கட்சி முன்னணி தலைவர்கள் மற்றும் நிர்வாகிகள் கலந்து கொண்ட கூட்டத்தில் துரை வைகோ இரங்கல் உரை ஆற்றினார்.

Durai Vaiko Tribute to GaneshaMurthy 

இந்த இரங்கல் கூட்டத்தில் தி.மு.க. துணைப் பொதுச்செயலாளர் கனிமொழி எம்.பி., அமைச்சர்கள் முத்துசாமி, மு.பெ. சாமிநாதன், கயல்விழி செல்வராஜ், அ.தி.மு.க. தலைமைக் கழகச் செயலாளரும், முன்னாள் அமைச்சருமான தங்கமணி, திராவிடர் விடுதலைக் கழக தலைவர் கொளத்தூர் மணி எனப் பலரும் கலந்து கொண்டனர். 

Next Story

“பேராசான் பிறந்த இடத்திலிருந்து தொடங்குகிறேன்” - கமல்ஹாசன்

Published on 28/03/2024 | Edited on 28/03/2024
kamalhassan mnm campaign begins with erode

நாட்டின் 18ஆவது நாடாளுமன்ற மக்களவைத் தேர்தல் மொத்தமாக ஏழு கட்டங்களாக நடைபெறவுள்ளது. முதற்கட்டமாகத் தமிழ்நாட்டில் ஏப்ரல் 19 ஆம் தேதி வாக்குப்பதிவு நடைபெற இருக்கிறது. இதற்கான வாக்கு எண்ணிக்கை ஜூன் 4 ஆம் தேதி நடைபெறவுள்ளது. ஏற்கெனவே தமிழகத்தில் உள்ள அரசியல் கட்சிகள் தேர்தல் பணியில் தீவிரம் காட்டி வரும் நிலையில், தேர்தல் தேதி அறிவிக்கப்பட்டதால் தேர்தல் களம் அனல் பறக்க ஆரம்பித்துவிட்டது. அந்த வகையில், தி.மு.க, அ.தி.மு.க., காங்கிரஸ், தேமு.தி.க., பா.ம.க., பா.ஜ.க. உட்படப் பல்வேறு கட்சிகள் தேர்தல் கூட்டணி, தொகுதிப் பங்கீடுகள் முடிவடைந்து வேட்பாளர்கள் அறிவித்து பிரச்சாரத்தை தீவிரப்படுத்து வருகின்றனர். 

இந்நிலையில் நடிகரும் மக்கள் நீதி மய்யம் கட்சியின் தலைவருமான கமல்ஹாசன், தி.மு.க-வுடனான கூட்டணியில் இடம்பெற்றுள்ளார். அவருக்கு ஒரு ராஜ்யசபா சீட் ஒதுக்கப்பட்டுள்ளது. இதனைத் தொடர்ந்து, தி.மு.க. தலைமையிலான கூட்டணியை ஆதரித்து கமல்ஹாசன் தேர்தல் பிரச்சாரம் மேற்கொள்ள இருக்கும் விவரங்கள் சமீபத்தில் வெளியாகின. அதில் மார்ச் 29 ஆம் தேதி ஈரோட்டிலும், மார்ச் 30 ஆம் தேதி சேலத்திலும், ஏப்ரல் 2 ஆம் தேதி திருச்சியிலும், 3 ஆம் தேதி சிதம்பரத்திலும், 6 ஆம் தேதி ஸ்ரீபெரும்புதூர் மற்றும் சென்னையிலும், 7 ஆம் தேதி சென்னையிலும், 10 ஆம் தேதி மதுரையிலும், 11 ஆம் தேதி தூத்துக்குடியிலும், 14 ஆம் தேதி திருப்பூரிலும், 15 ஆம் தேதி கோயம்புத்தூரிலும், 16 ஆம் தேதி பொள்ளாச்சியிலும் பிரச்சாரம் மேற்கொள்ள உள்ளார். 

இந்த நிலையில் முதற்கட்டமாக ஈரோட்டில் திமுக தலைமையிலான கூட்டணியின் ஈரோடு பாராளுமன்ற வேட்பாளர் கே.இ.பிரகாஷை ஆதரித்து ஈரோடு மற்றும் குமாரபாளையத்தில் (வெப்படை) நாளை (29.03.2024 - வெள்ளிக்கிழமை) பிரச்சாரம் மேற்கொள்கிறார். இது தொடர்பாக தனது எக்ஸ் பக்கத்தில் பதிவிட்ட கமல், “மானமும் அறிவும் மனிதர்க்கு அழகு என்று கற்பித்த பேராசான் பெரியார் பிறந்த ஈரோட்டிலிருந்து என் பரப்புரையைத் தொடங்குகிறேன். இந்தியா வாழ்க, தமிழ்நாடு ஓங்குக, தமிழ் வெல்க” எனக் குறிப்பிட்டுள்ளார்.