Skip to main content

ஜூன் 18ஆம் தேதி மருத்துவர்கள் கவன ஈர்ப்பு போராட்டம்..!

Published on 17/06/2021 | Edited on 17/06/2021

 

Doctors goona demand various things  on June 18 ..!

 

கரோனா நோய் தொற்றை குறைக்க தொடர்ந்து பணியாற்றி வரும் முன் களப்பணியாளர்களான மருத்துவர்கள் இன்று செய்தியாளர்களை சந்தித்து பேசினார்கள். அதில் அசாம், மத்திய பிரதேஷ், ஆந்திரா, தெலுங்கானா, உத்திரப் பிரதேசம், கர்நாடகா, மகாராஷ்டிரா உள்ளிட்ட மாநிலங்களில் தொடர்ந்து அரசு மற்றும் தனியார் மருத்துவமனைகளில் பணியாற்றக்கூடிய மருத்துவர்களை நோயாளிகளின் உறவினர்கள் தாக்குவது தொடர்கதையாகி வருவதை வன்மையாக கண்டித்துள்ளனர்.

 

எனவே, தமிழகத்தில் கடந்த 2008ஆம் ஆண்டு மருத்துவ துறையினருக்கு எதிரான வன்முறை மற்றும் பொருள் சேதம் ஆகியவற்றை தடுக்க ஆணை எண் 48 இன் படி மருத்துவ துறையினருக்கு பாதுகாப்பை உறுதிப்படுத்த வேண்டும். மருத்துவர்களை தாக்கும் நபர்கள் மீது உரிய நடவடிக்கையை 15 நாட்களுக்குள் முதல் தகவல் அறிக்கை பதிவு செய்து, ஒரு மாத காலத்திற்குள் அவர்களை கைது செய்து பிணையில் வெளியே வரமுடியாத வழக்குகள் பதிவு செய்யப்பட்டு பொருள்சேதம் ஏற்படுத்தப்பட்டு இருந்தால் அதற்கான இழப்பீட்டை வழங்க வேண்டும் என்று தமிழக அரசுக்கு கோரிக்கை விடுத்துள்ளனர்.


தாக்குதல் சம்பவம் என்பது பல மாநிலங்களில் தொடர்ந்து நடைபெறுவதால் மத்திய அரசானது எல்லா மாநிலங்களிலும் தமிழகத்தில் கொண்டு வரப்பட்ட இந்த ஆணை 48ன் படி மற்ற மாநிலங்களிலும் இந்த ஆணையை கொண்டு வர வேண்டும் என்று கோரிக்கை முன்வைத்துள்ளனர். மேலும் கடந்த முதல் அலையில் சுமார் 60-க்கும் மேற்பட்ட மருத்துவர்கள் உயிரிழந்தனர் இந்த இரண்டாவது அலையில் 45க்கும் மேற்பட்ட மருத்துவர்கள் உயிரிழந்துள்ளனர். எனவே அவர்களுக்கான இழப்பீட்டு தொகையை மத்திய அரசு உறுதிப்படுத்த வேண்டும் என்றும் அந்தந்த மாநில அரசுகளும் இழப்பீடுகளை முறையாக வழங்கிட வேண்டும் என்றும் கோரிக்கை முன்வைத்துள்ளனர். மேலும் மருத்துவமனைகளில் பாதுகாப்பு பகுதிகள் என்பதை உருவாக்கிட அரசு முன்வர வேண்டுமென்றும் கேட்டுக் கொண்டுள்ளனர்.

 

ஜூன் 18-ஆம் தேதி தேசிய எதிர்ப்பு தினமாக காப்புறை காப்பியம் என்ற தலைப்பின் கீழ் கவன ஈர்ப்பு போராட்டத்தை நடத்த உள்ளதாக மருத்துவ சங்கம் அறிவித்துள்ளது. அதில் எந்த நோயாளிகளும் பாதிக்கப்படாத வண்ணம் கருப்புப் பட்டை அணிந்து மருத்துவமனை மற்றும் அதன் வளாகங்களில் விழிப்புணர்வு பதாகைகள் வைக்கப்படுதல், பணியாளர்களின் தியாகத்தை கூறும் விழிப்புணர்வை பொதுமக்களுக்கு ஊடகங்கள் மற்றும் சமூக வலைதளங்கள் வழியாக கூறுவது, பொதுமக்கள் மருத்துவர்கள் கலந்துரையாடலை  காணொளி வாயிலாக நடத்துதல் போன்றவை  மூலம் நடத்தப்போவதாக தெரிவித்துள்ளனர்.
 

சார்ந்த செய்திகள்

Next Story

மியாவாக்கி முறையில் மரக்கன்றுகள் நடவு; சிவகாசி மருத்துவர்கள் நல்கிய உடலுழைப்பு!

Published on 11/11/2023 | Edited on 11/11/2023

 

Doctors planting saplings in the Miyawaki method

 

இந்த உலகம் எதனால் யாரால் வாழ்கிறது என்றால், தனக்கென வாழாது பிறருக்கென வாழும் ஒரு சிலரால்தான் என மூதோர் கூறியுள்ளனர். தனக்கென வாழாமல் பிறருக்கென வாழ்தலே பிறப்பின் இன்பம் என்பதை அவ்வப்போது யாரோ செய்யும் சேவைகளின் மூலம் பார்த்திருப்போம். சிவகாசியிலும் அப்படியொரு சேவையில் பல மருத்துவர்கள் தங்களை ஈடுபடுத்திக் கொண்டனர். ஆனால், அது மருத்துவ சேவையல்ல. சேற்றிலும் சகதியிலும் இறங்கி இரண்டரை மணி நேரத்துக்கும் மேலாக உடலுழைப்பை நல்கிய சேவை அது.  

 

சிவகாசி பெரியகுளம் கண்மாயின் வடமேற்கு கரையில், கழிவுநீர் தேக்கக்குட்டை கரையில், மியாவாக்கி முறையில் சுமார் ஆயிரம் மரக்கன்றுகள் நடுவது, சிவகாசி மருத்துவர்கள் அனைவரது பங்களிப்போடு நடந்தது. அவசர சிகிச்சை, அறுவை சிகிச்சை என எப்போதும் பரபரப்பாக இயங்கும் மருத்துவர்கள், ஆர்வத்துடன் மரக்கன்றுகளை  நடவு செய்து வியப்பில் ஆழ்த்தினர்.   

 

Doctors planting saplings in the Miyawaki method

 

இச்சேவையில் டாக்டர்களான சுப்புராஜ், ரகுநாதன், கதிரவன், பாலசுப்பிரமணியன், சோலைக்குமார், ரத்தினம், சண்முகராஜ், ராஜேஷ் தர்க்கர், மணிகண்டன், பரத், சுதா மற்றும் பல பெண் மருத்துவர்கள் முனைப்புடன் ஈடுபட்டனர்.  பொதுவாக, இதுபோன்ற நிகழ்வுகளின்போது போட்டோவுக்கு போஸ் கொடுத்துவிட்டுச் சென்றுவிடுவார்கள். சிவகாசி மருத்துவர்களோ, பெரிய அளவில் பணியாளர்களே இல்லாமல் தாங்களே பணியாளர்களாக மாறி செயல்பட்டனர். நமது சமுதாயத்தில் சமூக சேவையின் அவசியம் பலவழிகளிலும் வலியுறுத்தப்படுகிறது. 

 

மியாவாக்கி: நகரங்களில் காலியாக இருக்கும் பகுதிகளில் அல்லது வீடுகளின் பின்புறங்களில் உள்ளூர் மரங்களையும் அவற்றின் விதைகளையும் கொண்டு குறுங்காடுகளை உருவாக்குவதே மியாவாக்கி முறையாகும். குறைந்த அளவுள்ள இடத்தில் அதிக மரங்களை நடுவதன் மூலம், சூரிய ஒளியைத் தேடி அவை உயரமாக வளரும் என்பதே இதன் அடிப்படை ஆகும்.

 

 

Next Story

அரசு மருத்துவமனையில் அலட்சியம்; உயிருடன் இருப்பவரை இறந்ததாக கூறிய மருத்துவர்கள்

Published on 16/10/2023 | Edited on 16/10/2023

 

Negligence in Erode Government Hospital

 

ஈரோடு மாவட்டம் சிவகிரி தலையநல்லூர் பகுதியை சேர்ந்தவர் ராஜசேகர் வயது 75. டிவி மெக்கானிக் வேலை செய்து வருகிறார். இவரது மனைவி பத்மினி.இவர்களுக்கு இரண்டு மகன் உள்ள நிலையில் மனைவி பத்மினி, மகன் வீட்டில் இருந்து வருகிறார். அவ்வப்போது உடல் நிலை பாதிக்கப்பட்டு வரும் ராஜசேகருக்கு, கடந்த 12 ஆம் தேதி மீண்டும் உடல் நிலை பாதிப்பு ஏற்பட்டு உள்ளது. 

 

இதையடுத்து உறவினர்கள் ராஜசேகரை 108 ஆம்புலன்ஸ் மூலம் சிவகிரி அரசு மருத்துவமனைக்கு அனுப்பி வைத்து உள்ளனர். அங்கு பரிசோதனை செய்த மருத்துவர்கள் உடனடியாக ராஜசேகரை மேல் சிகிச்சைக்காக ஈரோடு அரசு தலைமை மருத்துவமனைக்கு அனுப்பி வைத்தனர். ஈரோடு தலைமை மருத்துவமனையில் ராஜசேகரை பிரிசோதனை செய்த மருத்துவர்கள் முதலில் அவரை ஐ.சி.யூவில் சிகிச்சைக்காக அட்மிட் செய்து சிகிச்சை பார்த்து வந்து உள்ளனர். இந்த நிலையில் நேற்று முன் தினம்(14.10.2023) மருத்துவமனை தரப்பில் இருந்து அரசு மருத்துவமனை வளாகத்தில் உள்ள காவல் நிலையத்திற்கு ராஜசேகர் இறந்து விட்டதாகவும், அவரது உடல் பிணவறையில் இருக்கும் என்றும் கூறி உள்ளனர். மேலும் அதனை உறவினர்களிடம் தெரிவிக்கும் படியும் கூறி உள்ளனர்.

இதனைத் தொடர்ந்து அரசு மருத்துவமனை காவல்துறையினர் சிவகிரி காவல்துறையினருக்கு தகவல் தெரிவித்தனர். பின்பு காவல்துறை மூலம் உறவினர்களுக்கு இது குறித்து தெரிவித்த போது அதிர்ச்சி அடைந்த உறவினர்கள் ராஜசேகரன் உடலைப் பெற அமரர் ஊர்தி எடுத்துக்க கொண்டு நேற்று(15.10.2023) அரசு தலைமை மருத்துவமனையின் பிணஅறைக்கு வந்தனர். அப்போது பிணவறையில் சென்று பார்த்த பொழுது ராஜசேகர் பெயரில் எந்த உடலும் வரவில்லை என்றும் கூறியுள்ளனர். அதன் பின் மருத்துவமனை நிர்வாகித்திடம் கேட்டபோது, ராஜசேகர் உயிருடன் இருப்பதாகவும், அவருக்கு தொடர்ந்து சிகிச்சை அளித்து வருவதாகவும் யாராவது தெரியாமல் கூறி இருப்பார்கள் என்றும் அசால்ட்டாக கூறியுள்ளனர்.

 

இதனால் மேலும் அதிர்ச்சி அடைந்த உறவினர்கள் எப்படி இது போன்று கூறலாம் என்று முதலில் வாக்குவாதம் செய்தனர். பின்னர் ராஜசேகருக்கு அளிக்கப்பட்டு வரும் சிகிச்சையைப் பார்த்து தங்களை ஆசுவாசப்படுத்திக் கொண்டனர். அரசு மருத்துவமனையை நம்பி ஏழை எளிய மக்கள் சிகிச்சைக்காக வரும் நிலையில், இது போன்று ஒரு சில மருத்துவர்கள் செய்கின்ற சம்பவங்கள், பொது மக்களுக்கு பெரும் அச்சத்தை ஏற்படுத்துகின்றன என்கின்றனர் சமூக ஆர்வலர்கள். உயிருடன் சிகிச்சை பெற்று வருபவரை இறந்து விட்டதாக கூறிய சம்பவம் பெரும் பரபரப்பை ஏற்படுத்தியுள்ளது.