Skip to main content

பாஜகவுடன் அதிமுக கூட்டணி வைப்பது உறுதி: தங்கத் தமிழ்ச்செல்வன் பேட்டி

Published on 25/01/2019 | Edited on 26/01/2019
thanga tamilselvan



அமமுக கொள்கைப்பரப்புச் செயலாளர் தங்கத் தமிழ்ச்செல்வன் நக்கீரன் இணையதளத்திற்கு பேட்டி அளித்துள்ளார்.
 

அமமுகவிற்கு குக்கர் சின்னம் ஒதுக்க முடியாது என்று தேர்தல் ஆணையம் கூறியிருக்கிறதே?
 

தேர்தல் வந்தால் அதனை சந்திக்க கட்சியும், சின்னமும் வேண்டும் என்று ஏற்கனவே டெல்லி ஐகோர்ட்டில் ஒரு மனு தாக்கல் செய்தோம். மனுவை விசாரித்து அமமுக, குக்கர் சின்னத்தை வைத்துக்கொள்ள டெல்லி ஐகோர்ட் அனுமதித்தது. ஆர்.கே.நகரில் குக்கர் சின்னத்தில் வெற்றி பெற்றோம். இடைத்தேர்தல், பாராளுமன்றத் தேர்தல் என எப்போது தேர்தல் வந்தாலும் அதனை சந்திக்க குக்கர் சின்னத்தை கேட்டோம். குக்கர் சின்னம் பதிவு செய்யப்படவில்லை என்றார்கள். விரைவில் பதிவு செய்து, மீண்டும் குக்கர் சின்னம் கேட்போம். குக்கர் சின்னத்தை பெறுவோம். 
 

ஏபிபி நியூஸ் - சிவோட்டர் இணைந்து நடத்திய கருத்துகணிப்பில் திமுக கூட்டணி 39 தொகுதிகளில் வெற்றி பெறும் என்று தெரிவிக்கப்பட்டுள்ளதே...
 

கலைஞர், ஜெயலலிதா ஆகியோர் மறைவுக்கு பிறகு தமிழகத்தில் பெரிய தலைவர்கள் இல்லை. அனைத்துக் கட்சிகளும் புதிய கட்சிகள்தான். தேர்தலில் போட்டியிடுவோம். இறுதி எஜமானர்கள் மக்கள்தான். கருத்துக் கணிப்புகளெல்லாம் உண்மையாவதில்லை.

வரும் பாராளுமன்றத் தேர்தலில் அமமுக கூட்டணி வைக்குமா?
 

தேசிய கட்சிகளுடன் கூட்டணி இல்லை என்று ஏற்கனவே எங்கள் துணைப்பொதுச்செயலாளர் சொல்லிவிட்டார். மாநில கட்சிகளுடன் கூட்டணி அமைத்து தேர்தலை சந்திப்போம். 
 

எந்தக் கட்சிகளுடன் கூட்டணி?
 

மாநில கட்சிகள் ஒன்று சேர்ந்து வெற்றி பெற்றால்தான், மாநில கோரிக்கைகள் நிறைவேற வாய்ப்புள்ளது. தேசிய கட்சிகளுடன் இணைந்தால் பல்வேறு மாநில பிரச்சனைகளை முடிவுக்கு கொண்டுவர முடியாது. இதனை சொல்லி சில கட்சிகளுடன் பேச்சுவார்த்தை நடக்கிறது. ஒத்து வந்தால் கூட்டணி. இல்லையென்றால் அமமுக தனித்துப் போட்டியிடும். 
 

பாஜகவுடன் அதிமுக கூட்டணி என்று செய்திகள் வெளியாகிக்கொண்டிருக்கிறதே?
 

அதிமுகவுக்கு வேறு வழியில்லை. பாஜகவுடன்தான் கூட்டணி வைத்தாக வேண்டும். 
 

தம்பிதுரை பாஜகவுக்கு எதிராக பேசி வருகிறாரே?
 

தம்பிதுரை பேச்செல்லாம் எடுபடாது. நூற்றுக்கு நூறு பாஜகவுடன் அதிமுக கூட்டணி வைப்பது உறுதி. அதில் எந்த மாற்றுக்கருத்தும் கிடையாது. இவ்வாறு கூறினார். 
 

 

 

 

சார்ந்த செய்திகள்

Next Story

மத்திய அமைச்சர் அமித் ஷா தமிழகம் வருகை!

Published on 28/03/2024 | Edited on 28/03/2024
Union Minister Amit Shah visits Tamil Nadu

நாட்டின் 18 ஆவது நாடாளுமன்ற மக்களவைத் தேர்தலுக்கான தேதிகள் அறிவிக்கப்பட்டு, மொத்தமாக ஏழு கட்டங்களாகத் தேர்தல் நடத்தப்படவுள்ள நிலையில், முதற்கட்டமாகத் தமிழ்நாட்டில் ஏப்ரல் 19 ஆம் தேதி வாக்குப்பதிவு நடைபெற இருக்கிறது. இதற்கான வாக்கு எண்ணிக்கை ஜூன் 4 ஆம் தேதி நடைபெறவுள்ளது. ஏற்கெனவே தமிழகத்தில் உள்ள அரசியல் கட்சிகள் தேர்தல் பணியில் தீவிரம் காட்டி வரும் நிலையில், தேர்தல் தேதி அறிவிக்கப்பட்டதால் தேர்தல் களம் அனல் பறக்க ஆரம்பித்துவிட்டது.

அதே சமயம் தேர்தலுக்கான வேட்புமனு தாக்கல் நேற்று (27.03.2024) முடிவடைந்தது. அந்த வகையில் 39 மக்களவை தொகுதிகளுக்கு 1749 வேட்பு மனுக்கள் பெறப்பட்டன. அதிகபட்சமாக கரூர் தொகுதியில் 62 வேட்பாளர்கள் வேட்பு மனுவைத் தாக்கல் செய்திருந்தனர். அதனைத் தொடர்ந்து இன்று (28.03.2024) வேட்புமனு பரிசீலனை நடைபெற்றது. அதாவது 39 மக்களவைத் தொகுதிகளில் தாக்கலான வேட்புமனுக்கள் மீதான பரிசீலனை நிறைவடைந்துள்ளது. வேட்புமனுக்களை திருப்பப் பெற மார்ச் 30 ஆம் தேதி கடைசி நாள் ஆகும்.

இந்நிலையில் மக்களவைத் தேர்தல் பரப்புரைக்காக ஏப்ரல் 4 ஆம் தேதி மத்திய உள்துறை அமைச்சர் அமித் ஷா தமிழகம் வருகிறார். அதன்படி ஏப்ரல் 4 ஆம் தேதி மதுரை மற்றும் சிவகங்கை மக்களவைத் தொகுதிகளில் தேர்தல் பரப்புரை மேற்கொள்கிறார். அதனைத் தோடர்ந்து ஏப்ரல் 5 ஆம் தேதி சென்னையில் அமித் ஷா பிரச்சாரம் மேற்கொள்ள உள்ளார். 

Next Story

'100 நாள் வேலை ஊதியம்' - மத்திய அரசு வெளியிட்ட திடீர் அரசாணை

Published on 28/03/2024 | Edited on 28/03/2024
'100 days of work wages'- Sudden decree issued by the central government

100 நாள் வேலை ஊதியத்தை உயர்த்தி மத்திய அரசு அரசாணை வெளியிட்டுள்ளது.

தமிழகம் மற்றும் புதுச்சேரியில் 100 நாள் வேலைவாய்ப்பு திட்டத்தின் ஊதியத்தை 319 ரூபாயாக உயர்த்தி ஒன்றிய அரசு அரசாணை பிறப்பித்துள்ளது.

தற்பொழுது தேர்தல் நடத்தை விதிகள் அமலில் இருப்பதால் தேர்தல் ஆணையத்தின் அனுமதியைப் பெற்று இந்த அரசாணை வெளியிடப்பட்டுள்ளதாக ஒன்றிய அரசு சார்பில் தெரிவிக்கப்பட்டுள்ளது. மாநிலம் வாரியாக 100 நாள் வேலைத் திட்டத்திற்கான ஊதியத்தை ஏற்கனவே அதிகரித்து மத்திய அரசு அறிவித்து வெளியிட்டிருந்த நிலையில் இதற்கான அரசாணை தற்போது வெளியிட்டுள்ளது.

அண்மையில் மகளிர் தினத்தின் போது சமையல் சிலிண்டர் விலை குறைப்பு நடவடிக்கையில் ஒன்றிய அரசு  ஈடுபட்ட நிலையில், தேர்தல் நேரத்தில் பாஜக அரசு வாக்குகளைப் பெற இதுபோன்ற சலுகைகளை அறிவிப்பதாக எதிர்க்கட்சிகள் குற்றம்சாட்டி வந்தன. இந்நிலையில் தற்போது தேர்தல் தேதி அறிவிக்கப்பட்ட பின்னர் 100 நாள் வேலையின் ஊதியத்தை உயர்த்தி மத்திய அரசு வழங்கியுள்ளதையும் எதிர்க்கட்சிகள் விமர்சித்து வருகின்றன.