ராஜஸ்தானில் பேருந்து மீது லாரி மோதியதில் 10 பேர் பலி!

ராஜஸ்தான் மாநிலம் பிகானீர் மாவட்டம் ஸ்ரீ துன்கர்கார் அருகே தேசிய நெடுஞ்சாலை 11- ல் தனியார் சொகுசு பேருந்தும், லாரியும் மோதி கொண்டது. இந்த விபத்தில் சம்பவ இடத்திலேயே 10 பேர் பரிதாபமாக உயிரிழந்தனர். மேலும் 20- க்கும் மேற்பட்டோர் படுகாயமடைந்தனர். தகவலறிந்து சம்பவ இடத்திற்கு விரைந்து வந்த காவல்துறையினர், காயமடைந்தவர்களை மீட்டு அருகில் உள்ள மருத்துவமனையில் அனுமதித்தனர். விபத்து குறித்து வழக்குப்பதிவு செய்த காவல்துறையினர் தீவிர விசாரணை மேற்கொண்டு வருகின்றனர்.