Skip to main content

"சுதந்திர போராட்டத்திற்கு முதுகினை காட்டியவர்களை பெருமைப்படுத்த மாட்டோம்" - சர்ச்சைக்கு விளக்கமளித்த பினராயி விஜயன்!

Published on 11/09/2021 | Edited on 11/09/2021

 

pinarayi vijayan

 

கேரள மாநிலம் கண்ணூர் பல்கலைக்கழகத்தில் பொது நிர்வாகப் படிப்பிற்கான பாடத்திட்டத்தில் ஆர்.எஸ்.எஸ். தலைவர்களான கோல்வால்கர், வீர் சாவர்க்கர் மற்றும் தீனதயாள் உபாத்யாயா ஆகியோரது அரசியல் கருத்துகள் சேர்க்கப்பட்டுள்ளன.

 

இதற்கு கேரள மாணவர் அமைப்புகள் மட்டுமின்றி பல்வேறு தரப்பிலிருந்தும் எதிர்ப்புகள் கிளம்பியுள்ளன. அரசியல், அறிவியல் பாடத்திட்டத்தைக் காவிமயமாக்கும் செயல் என கண்டனங்கள் எழுந்துள்ளன. இதனையடுத்து இந்த சர்ச்சை குறித்து விளக்கமளித்த கண்ணூர் பல்கலைக்கழக துணை வேந்தர், “கண்ணூர் பல்கலைக்கழக அரசியல், அறிவியல் பாடத்திட்டத்தைக் காவிமயமாக்குவதாக கூறப்படும் குற்றச்சாட்டுகள் முற்றிலும் தவறானது. பாடத்திட்டத்தை உருவாக்கியவர்கள் பல்வேறு இயக்கங்களின் அடிப்படை கொள்கைகளைப் பாடத்திட்டத்தில் இணைத்துள்ளனர்" என தெரிவித்தார்.

 

மேலும் இந்த விவகாரம் தொடர்பாக விசாரிக்க கண்ணூர் பல்கலைக்கழகம், இரண்டு பேர் கொண்ட குழுவை அமைத்துள்ளது. இந்தநிலையில், பாடத்திட்ட சர்ச்சை குறித்து விளக்கமளித்துள்ள கேரள முதல்வர் பினராயி விஜயன், சுதந்திர போராட்டத்திற்கு முதுகை காட்டியவர்களைப் பெருமைப்படுத்தும் வழக்கம் தங்களிடம் இல்லை என தெரிவித்துள்ளார்.

 

இதுதொடர்பாக அவர், "இந்த விவகாரம் குறித்து பல்கலைக்கழக துணைவேந்தர் விளக்கமளித்துள்ளார். உயர்கல்வி அமைச்சரும் நடவடிக்கை எடுத்துள்ளார். ஒரு சித்தாந்தத்தையும், சுதந்திர போராட்டத்திற்கு முதுகினை காட்டும் சித்தாந்தத்தைக் கொண்ட தலைவர்களையும் பெருமைப்படுத்தும் அணுகுமுறை எங்களிடம் இல்லை என்பது அனைவருக்கும் தெரியும். பல்கலைக்கழகம் ஒரு சரியான நடவடிக்கையை எடுத்துள்ளது. விவகாரத்தை ஆய்வுசெய்ய இரண்டு உறுப்பினர்கள் கொண்ட நிபுணர் குழுவை நியமித்துள்ளது. இந்தக் குழுவின் அறிக்கையின் அடிப்படையில், தேவையான நடவடிக்கை எடுக்கப்படும் என்று துணைவேந்தர் தெளிவாக தெரிவித்துள்ளார்" என கூறியுள்ளார்.

 

 

சார்ந்த செய்திகள்

Next Story

கெஜ்ரிவாலின் வரிசையில் வீணா விஜயன்; கேரள முதல்வரின் மகள் மீது அமலாக்கத்துறை வழக்கு

Published on 28/03/2024 | Edited on 28/03/2024
Kerala CM Pinarayi Vijayan daughter filed a case against the Enforcement Directorate

கேரள முதல்வர் பிணராய் விஜயன் மகள் வீணா விஜயன் ‘எக்ஸாலாஜிக் சொல்யூஷன் என்ற ஐடி நிறுவனத்தை நடத்திவருகிறார். கொச்சின் மினரல்ஸ் அண்ட் ரூட்டெயில் லிமிட்டெட் கம்பெனி(சி.எம்.ஆர்.எல்) நிறுவனம் மூலம் வீணா விஜயனின் நிறுவனமான எக்ஸாலாஜிக் நிறுவனத்திற்கு ரூ.1.72 கோடி பணம் கொடுக்கப்பட்டதாக கூறப்படுகிறது.

கடந்த 2019 ஆம் ஆண்டு  சி.எம்.ஆர்.எல் நிறுவனத்திலும், அதன் நிர்வாக இயக்குநர் சசிதரன் கர்த்தா வீட்டிலும் வருமான வரித்துறையினர் அதிரடியாக சோதனை நடத்தினர். இந்த சோதனையில் முக்கிய ஆவணங்களை வருமான வரித்துறையினர் கைப்பற்றியுள்ளனர். அதில்தான், சி.எம்.ஆர்.எல் நிறுவணம் வீணா விஜயனின்  ‘எக்ஸாலாஜிக் சொல்யூஷன்’ நிறுவனத்திடம் சாப்ட்வேர் அப்டேட் செய்து தருவதற்காக தவணை தவணையாக ரூ.1.72 கோடி பணம் கொடுக்கப்பட்டுள்ளது. ஆனால், ‘எக்ஸாலாஜிக் சொல்யூஷன்’  நிறுவணம் எந்த விதமான சாப்ட்வேர் அப்டேட்டையும் செய்து கொடுக்கவில்லை என்பது வருமான வரித்துறை கைப்பற்றிய ஆவணத்தில் இருந்து கண்டுப்பிடிக்கப்பட்டது. இந்த நிலையில் சாப்ட்வேர் அப்டேட் செய்து கொடுக்கவில்லை என்றாலும், எதற்காக வீணா விஜயன் நிறுவனத்திற்கு பணம் கொடுக்கப்பட்டது என்று கேள்வி எழுந்ததை தொடர்ந்து விசாரணை முடுக்கி விடப்பட்டது

இதனிடையே இதுகுறித்த ஆவணங்களை வருமான வரித்துறையினர் அமலாக்கத்துறைக்கு கொடுத்த்தாகவும் தகவல் கசிந்தது. இந்த நிலையில் பிணராயி விஜயன் மகள் வீணா விஜயன் மீது பணமோசடி தடுப்பு சட்டத்தின் கீழ் அமலாக்கத்துறை வழக்கு பதிவு செய்துள்ளது. ஆனால் ஆளும் பாஜக எதிர்க்கட்சிகளுக்கு நெருக்கடி கொடுக்கவே அமலாக்கத்துறையை ஏவி கைது நடவடிக்கைகளை மேற்கொள்வதாக குற்றச்சாட்டு எழுந்துள்ளது. ஜார்க்கண்ட் முதல்வர் ஹேமந்த் சோரன், டெல்லி முதல்வர் அரவிந்த் கெஜ்ரிவால், துணை முதல்வர் மணீஷ் சிசோடியா, சந்திரசேகர் ராவின் மகள் கவிதா, திமுக அமைச்சர் செந்தில் பாலாஜி உள்ளிட்டவர்களை அமலாக்கத்துறை கைது செய்துள்ள நிலையில் தற்போது, கேரள முதல்வரின் மகள் மீது அமலாக்கத்துறை வழக்குப்பதிவு செய்துள்ளது கேரளாவில் பெரும் பரபரப்பை ஏற்படுத்தியுள்ளது.

Next Story

ரூ. 7 கோடி மதிப்புள்ள தங்கம் பறிமுதல்; சென்னையில் பரபரப்பு!

Published on 27/03/2024 | Edited on 27/03/2024
Rs. 7 crore worth of gold seized; Sensation in Chennai
மாதிரிப்படம்

சென்னை விமான நிலையத்திற்கு இன்று (27.03.2024) துபாயில் இருந்து எமிரேட்ஸ் ஏர்லைன்ஸ் என்ற விமானம் ஒன்று வந்துள்ளது. இந்த விமானத்தில் வந்தவர்களை சுங்கத்துறை அதிகாரிகள் தீவிரமாக சோதனை செய்தனர். அப்போது கேரள மாநிலம் கோட்டையம் பகுதியைச் சேர்ந்த 37 வயதான பெண் ஒருவர் தனது 14 வயது மகளுடன் வந்துள்ளார்.

இவர்களை சுங்கத்துறை அதிகாரிகள் சோதனை செய்த போது ரூ. 7 கோடி மதிப்புள்ள 11.98 கிலோ தங்கக் கட்டிகள் இருப்பது கண்டுபிடிக்கப்பட்டது. மேலும் தொடர்ந்து அவர்களிடம் நடத்தப்பட்ட விசாரணையில் லண்டனில் இருந்து துபாய் வழியாக வந்த போது கடத்தல் தங்கத்தோடு சிக்கியது தெரியவந்துள்ளது.

இதனையடுத்து 37 வயதான அப்பெண்ணை கைது செய்து சுங்கத்துறை அதிகாரிகள் நீதிமன்ற காவலில் அடைத்தனர். அண்மைக் காலத்தில் பயணி ஒருவரிடம் இருந்து 12 கிலோ கடத்தல் தங்கம் பிடிபட்டது இதுவே முதல்முறை என்ற தகவலும் வெளியாகியுள்ளது. மேலும், ரூ.7 கோடி மதிப்புள்ள 11.98 கிலோ தங்கக் கட்டிகள் சென்னை விமான நிலையத்தில் பறிமுதல் செய்யப்பட்ட சம்பவம் சென்னை விமான நிலைய அதிகாரிகள் மற்றும் விமான பயணிகள் மத்தியில் பெரும் பரபரப்பை ஏற்படுத்தியுள்ளது.