நீட் தேர்வுக்கு விண்ணப்பிக்க அவகாசம் நீட்டிப்பு!

மருத்துவப் படிப்புகளில் சேர்வதற்கான நீட் நுழைவுத் தேர்வுக்கு விண்ணப்ப அவகாசத்தை நீட்டித்து தேசிய தேர்வு முகமை (NATIONAL TESTING AGENCY) அறிவித்துள்ளது.

நீட் நுழைவுத் தேர்வுக்கான (NATIONAL ELIGIBILITY CUM ENTRANCE TEST- NEET) ஆன்லைன் விண்ணப்பப் பதிவு, கடந்த 2- ஆம் தேதி தொடங்கியது. இந்நிலையில் விண்ணப்பிப்பதற்கான அவகாசம் இன்று (31.12.2019) இரவு (11.59) மணிக்கு நிறைவு பெறவிருந்த நிலையில், ஜனவரி 6- ஆம் தேதி வரை அவகாசம் நீட்டிக்கப்பட்டுள்ளது. இது தொடர்பான மேலும் விவரங்களுக்கு  இணையதள முகவரி: www.nta.ac.in, ntaneet.nic.in அணுகலாம் என தெரிவிக்கப்பட்டுள்ளது.

இருப்பினும் ஆன்லைன் விண்ணப்பங்களில் திருத்தம் செய்வதற்கான தேதிகளில் எந்த மாற்றமும் இல்லை என்று தேசிய தேர்வு முகமை தெரிவித்துள்ளது.