Skip to main content

சினிமாவிலும் ஹிந்தி திணிப்பு -சர்ச்சையை ஏற்படுத்திய பாஜக பிரமுகர்

Published on 02/06/2018 | Edited on 02/06/2018

பா.ஜ.க.வின் பொதுச் செயலாளர் கைலாஷ் விஜயவர்த்தியா, தகவல் மற்றும் ஒளிபரப்புத்துறை அமைச்சர் ராஜ்யவர்தன் ராத்தோரை சந்தித்து , 'பாலிவுட்' என்ற வார்த்தையை தடை செய்யும்படி கேட்டுக் கொண்டுள்ளார், ஹிந்தித் திரைப்படத் துறை என்ற பொருத்தமான பெயரைக் குறிப்பிடுமாறு கேட்டுக் கொண்டார்.அப்போது கூறுகையில்,

 

HINDI

 

 

 

"சில நாட்களுக்கு முன்பு, திரைப்படத் தயாரிப்பாளர் சுபாஷ் காய் என்னை பி.ஜெ.பி தலைமையகத்தில் சந்தித்தார். பிபிசி அதுவரை ஹாலிவுட் திரைப்படங்களின் நகல்கள்தான் என்று படம்பிடித்துக் காட்டிய பிறகு, ஹிந்தித் திரைப்படத்துறை பாலிவுட் என்ற வார்த்தையைப் பெற்றது என்று அவர் என்னிடம் கூறினார். எங்கள் திரைப்படத் தொழில் நுட்பத்தை கேலிக்கூத்தாக்கப் பயன்படுத்திய காலத்தை நாங்கள் ஏற்றுக்கொண்டோம் ஆனால் இனி முடியாது.

 

 

 

மேலும் இந்தியாவின் சிறந்த திரைப்படத் தயாரிப்பாளர்களான சத்யஜித்ரே மற்றும் தாதாசாஹேப் பால்கே ஆகியோர் சிறந்த திரைப்படங்களை இயக்கியவர் அப்படி இருக்கும்பொழுது  "நாங்கள் ஆங்கிலத் திரைப்படத் தொழிலை நகலெடுக்கிறோம் என்பதை எப்படி ஒப்புக்கொள்வது?" என்று தன்னிடம் முறையிட்டதாகவும் கூறியுள்ளார்.

 

எனவே பாலிவுட்' என்ற வார்த்தையை அகற்றி இந்தி திரைப்படத்துறை என்று அழைக்க முன்வர வேண்டும் என அறிவுறுத்தியுள்ளார் .ஊடகங்களும் இதற்கு ஆதரவு தரவேண்டும் என கேட்டுக்கொண்டுள்ளார். ஏற்கனவே விஜயவர்த்தியா கடந்த காலங்களில் உணர்ச்சியற்ற மற்றும் சர்ச்சைக்குரிய கருத்துக்களை வெளியிடுவதற்கு 'புகழ் பெற்றவர்'' என்பது குறிப்பிட தக்கது.

சார்ந்த செய்திகள்

Next Story

மத்திய அமைச்சர் அமித் ஷா தமிழகம் வருகை!

Published on 28/03/2024 | Edited on 28/03/2024
Union Minister Amit Shah visits Tamil Nadu

நாட்டின் 18 ஆவது நாடாளுமன்ற மக்களவைத் தேர்தலுக்கான தேதிகள் அறிவிக்கப்பட்டு, மொத்தமாக ஏழு கட்டங்களாகத் தேர்தல் நடத்தப்படவுள்ள நிலையில், முதற்கட்டமாகத் தமிழ்நாட்டில் ஏப்ரல் 19 ஆம் தேதி வாக்குப்பதிவு நடைபெற இருக்கிறது. இதற்கான வாக்கு எண்ணிக்கை ஜூன் 4 ஆம் தேதி நடைபெறவுள்ளது. ஏற்கெனவே தமிழகத்தில் உள்ள அரசியல் கட்சிகள் தேர்தல் பணியில் தீவிரம் காட்டி வரும் நிலையில், தேர்தல் தேதி அறிவிக்கப்பட்டதால் தேர்தல் களம் அனல் பறக்க ஆரம்பித்துவிட்டது.

அதே சமயம் தேர்தலுக்கான வேட்புமனு தாக்கல் நேற்று (27.03.2024) முடிவடைந்தது. அந்த வகையில் 39 மக்களவை தொகுதிகளுக்கு 1749 வேட்பு மனுக்கள் பெறப்பட்டன. அதிகபட்சமாக கரூர் தொகுதியில் 62 வேட்பாளர்கள் வேட்பு மனுவைத் தாக்கல் செய்திருந்தனர். அதனைத் தொடர்ந்து இன்று (28.03.2024) வேட்புமனு பரிசீலனை நடைபெற்றது. அதாவது 39 மக்களவைத் தொகுதிகளில் தாக்கலான வேட்புமனுக்கள் மீதான பரிசீலனை நிறைவடைந்துள்ளது. வேட்புமனுக்களை திருப்பப் பெற மார்ச் 30 ஆம் தேதி கடைசி நாள் ஆகும்.

இந்நிலையில் மக்களவைத் தேர்தல் பரப்புரைக்காக ஏப்ரல் 4 ஆம் தேதி மத்திய உள்துறை அமைச்சர் அமித் ஷா தமிழகம் வருகிறார். அதன்படி ஏப்ரல் 4 ஆம் தேதி மதுரை மற்றும் சிவகங்கை மக்களவைத் தொகுதிகளில் தேர்தல் பரப்புரை மேற்கொள்கிறார். அதனைத் தோடர்ந்து ஏப்ரல் 5 ஆம் தேதி சென்னையில் அமித் ஷா பிரச்சாரம் மேற்கொள்ள உள்ளார். 

Next Story

'100 நாள் வேலை ஊதியம்' - மத்திய அரசு வெளியிட்ட திடீர் அரசாணை

Published on 28/03/2024 | Edited on 28/03/2024
'100 days of work wages'- Sudden decree issued by the central government

100 நாள் வேலை ஊதியத்தை உயர்த்தி மத்திய அரசு அரசாணை வெளியிட்டுள்ளது.

தமிழகம் மற்றும் புதுச்சேரியில் 100 நாள் வேலைவாய்ப்பு திட்டத்தின் ஊதியத்தை 319 ரூபாயாக உயர்த்தி ஒன்றிய அரசு அரசாணை பிறப்பித்துள்ளது.

தற்பொழுது தேர்தல் நடத்தை விதிகள் அமலில் இருப்பதால் தேர்தல் ஆணையத்தின் அனுமதியைப் பெற்று இந்த அரசாணை வெளியிடப்பட்டுள்ளதாக ஒன்றிய அரசு சார்பில் தெரிவிக்கப்பட்டுள்ளது. மாநிலம் வாரியாக 100 நாள் வேலைத் திட்டத்திற்கான ஊதியத்தை ஏற்கனவே அதிகரித்து மத்திய அரசு அறிவித்து வெளியிட்டிருந்த நிலையில் இதற்கான அரசாணை தற்போது வெளியிட்டுள்ளது.

அண்மையில் மகளிர் தினத்தின் போது சமையல் சிலிண்டர் விலை குறைப்பு நடவடிக்கையில் ஒன்றிய அரசு  ஈடுபட்ட நிலையில், தேர்தல் நேரத்தில் பாஜக அரசு வாக்குகளைப் பெற இதுபோன்ற சலுகைகளை அறிவிப்பதாக எதிர்க்கட்சிகள் குற்றம்சாட்டி வந்தன. இந்நிலையில் தற்போது தேர்தல் தேதி அறிவிக்கப்பட்ட பின்னர் 100 நாள் வேலையின் ஊதியத்தை உயர்த்தி மத்திய அரசு வழங்கியுள்ளதையும் எதிர்க்கட்சிகள் விமர்சித்து வருகின்றன.