14 செயற்கைக்கோள்களுடன் விண்ணில் பாய்ந்தது பி.எஸ்.எல்.வி-சி47

இஸ்ரோவின் பி.எஸ்.எல்.வி-சி47 ராக்கெட் 14 செயற்கைகோளுடன் விண்ணில் பாய்ந்தது. இந்தியாவின் கார்டோசாட்-3 செயற்கைகோள் மற்றும் அமெரிக்காவின் 13 சிறிய ரக செயற்கைகோள்களை சுமந்தபடி விண்ணில் செலுத்தப்பட்டுள்ளது பி.எஸ்.எல்.வி- சி47.

1,625 கிலோ எடைகொண்ட கார்டோசாட் செயற்கைகோள் புவி சுற்றுவட்ட பாதையில் 509 கிலோமீட்டர் தொலைவில் நிலைநிறுத்தப்பட்டது.

பூமியை கண்காணிப்பது மட்டுமல்லாதாது. உயர் தரத்திலான புகைப்படங்களை எடுத்து அனுப்பும் திறன் கொண்டது கார்டோசாட்-3 செயற்கைகோள். புவி வட்டப்பாதையில் 5 ஆண்டுகளுக்கு செயல்பாட்டில் இருக்கும் இந்த செயற்கைகோள் வானில் மேகக்கூட்டங்களை ஊடுருவி துல்லியமாக புகைப்படங்களை அனுப்பும் திறன் கொண்டது.