Skip to main content

பணியிட மாறுதல் வழங்கக்கோரி மாற்றுத்திறனாளி நூலகர் காத்திருப்புப் போராட்டம்

Published on 16/03/2018 | Edited on 16/03/2018
libraries

 

 உடல்நிலையைக் கருத்தில் கொண்டு தனது வீட்டிற்கு அருகிலுள்ள நூலகத்திற்கு பணியிட மாறுதல் வழங்க வலியுறுத்தி கால்கள் செயல் இழந்த மாற்றுத்திறனாளி நூலகர் புதுக்கோட்டையில் காத்திருப்புப் போராட்டம் நடத்தினார்.

 

புதுக்கோட்டை மாவட்டம் ஆவுடையார்கோவில் அரசு கிளை நூலகத்தில் மூன்றாம் நிலை நூலகராகப் பணியாற்றி வருபவர் செ.சுடர்வேல். இவர் இரண்டு கால்களும் செயல் இழந்த மாற்றுத்திறனாளி. இவரது குடும்பம் ஆலங்குடியில் உள்ளது. தற்பொழுது ஆலங்குடி கிளை நூலகத்தில் அரசு நிதி மூன்றாம்நிலை பணியிடம் காலியாக உள்ளது. இந்த இடத்திற்கு தன்னை பணியிட மாறுதல்செய்ய வேண்டுமாறு கடந்த 21.02.2018 அன்று மாவட்ட நூலக அலுவலரிடம் மனு அளித்துள்ளார்.

 

மாவட்ட நூலக அவலரோ பணியிட மாறுதல் வழங்காமல் காலம் தாழ்த்தியதாகக் கூறப்படுகிறது. இதனால், சென்னையில் உள்ள துறை இயக்குனரிடம் நூலகர் சங்க மாநில நிர்வாகிகளுடன் சென்று பணியிட மாறுதல் வேண்டி மனு அளித்துள்ளார். இவரின் உடல் நிலையைக் கருத்தில்கொண்டு மாவட்ட நூலக அலுவலரிடம் உடனடியாகப் பணியிட மாறுதல் வழங்குமாறு அறிவுறுத்தியதாகவும் கூறப்படுகிறது. ஆனால், இதுநாள் வரை மேற்படி மாற்றுத்திறனாளி நூலகருக்கு பணியிட மாறுதல் வழங்கப்படவில்லை.

 

இதனால் விரக்தியடடைந் மாற்றுத்திறனாளி நூலகர் வெள்ளிக்கிழமையன்று புதுக்கோட்டை மாவட்ட நூலக அலுவலகம் முன்பு காத்திருப்புப் போராட்டத்தை நடத்தினார். கால்கள் செயல் இழந்த ஒரு மாற்றுத் திறனாளியை இப்படி அலைக்கழிக்கலாமா? தமிழக அரசும் மாவட்ட நிர்வாகமும் இவருக்கு நியாயம் வழங்குமா?

சார்ந்த செய்திகள்

Next Story

மின்சாரம் தாக்கி ஊழியர் பலி; சாலை மறியலில் ஈடுபட்ட குடும்பத்தினர்

Published on 14/06/2023 | Edited on 14/06/2023

 

Employee passed away in Cuddalore electrocution

 

கடலூர் மாவட்டம் விருத்தாசலம் அடுத்த ஊத்தங்கால் கிராமத்தைச் சேர்ந்த ராமசாமி என்பவரது மகன் நாராயணசாமி(40). இவர் ஊத்தாங்கால் மின்சார வாரிய அலுவலகத்தில் ஒயர்மேனாக பணியாற்றி வந்தார். இந்நிலையில் நேற்று முன்தினம் இரவு பெய்த மழையால் பொன்னாலகரத்தில் உள்ள மின்மாற்றியில் பழுது ஏற்பட்டுள்ளது. பழுது நீக்கம் செய்வதற்காக 12.30 மணியளவில் மின்வாரிய ஊழியர்கள் நாராயணசாமியை அழைத்துச் சென்றுள்ளனர். மின்மாற்றியில் வேலை பார்த்துக் கொண்டிருந்தபோது திடீரென மின்சாரம் தாக்கி நாராயணசாமி கீழே விழுந்துள்ளார். இதையடுத்து அங்கிருந்தவர்கள் அவரை மீட்டு விருத்தாசலம் அரசு மருத்துவமனைக்கு கொண்டு சென்றனர்.

 

அவரைப் பரிசோதித்த மருத்துவர்கள் ஏற்கனவே இறந்து விட்டதாகத்  தெரிவித்தனர். இதையடுத்து நாராயணசாமி உறவினர்கள் இறந்தவரின் குடும்பத்திற்கு 50 லட்சம் நஷ்ட ஈடு மற்றும் அவரது மனைவிக்கு அரசு வேலை வழங்க வேண்டும் எனக் கோரிக்கை விடுத்து, விருத்தாசலம் - கடலூர் சாலையில், நேற்று ஊத்தாங்கால் மின்வாரிய அலுவலகம் முன் அமர்ந்து சாலை மறியல் போராட்டத்தில் ஈடுபட்டனர். இதனால் கடலூர் சாலையில் ஒரு மணி நேரம் போக்குவரத்து பாதிக்கப்பட்டது. சம்பவ இடத்திற்கு வந்த ஊ.மங்கலம் போலீசார் போராட்டத்தில் ஈடுபட்டவர்களை சமாதானம் செய்தனர். அதையடுத்து பொதுமக்கள் தற்காலிகமாக சாலை மறியலை கைவிட்டு மின்வாரிய அலுவலகம் முன் தர்ணா போராட்டத்தில் ஈடுபட்டனர்.

 

பின்னர் விருத்தாசலம் வட்டாட்சியர் ஆரோக்கியராஜ் தலைமையில் இன்ஸ்பெக்டர்கள் பிருந்தா, சாகுல் ஹமீது ஆகியோர் பேச்சுவார்த்தை நடத்தி மின்சாரத்துறை அதிகாரிகளுக்கு தகவல் தெரிவித்து தகுந்த நடவடிக்கைகள் எடுப்பதாகத் தெரிவித்தனர். இதனை ஏற்க மறுத்த உறவினர்கள் உரிய நடவடிக்கை எடுக்கும் வரை கலைய மாட்டோம் என மீண்டும் விருத்தாசலம்- கடலூர் சாலையில் மறியலில் ஈடுபட்டனர். அதனைத் தொடர்ந்து கோட்டாட்சியர் லூர்து சாமி சம்பவ இடத்திற்கு நேரில் சென்று இழப்பீடு கிடைக்கவும், உயிரிழந்தவர் குடும்பத்தில் ஒருவருக்கு வேலை வழங்கவும் தகுந்த நடவடிக்கை எடுக்கப்படும் என்று கூறியதையடுத்து போராட்டத்தைக் கைவிட்டுக் கலைந்து சென்றனர்.

 

 

Next Story

நடுநிசி நேரத்தில் கூலித் தொழிலாளிக்கு நேர்ந்த கொடூரம்!

Published on 11/05/2023 | Edited on 11/05/2023

 

  worker was injured in a wild cow attack near Dindigul

 

நடுநிசி நேரத்தில் தனியாக நடந்து சென்ற கூலித் தொழிலாளிக்கு நேர்ந்த கொடூர சம்பவம், கொடைக்கானல் மக்களிடையே பெரும் அதிர்ச்சியை ஏற்படுத்தியுள்ளது.

 

திண்டுக்கல் மாவட்டம் கொடைக்கானலுக்கு அருகே உள்ளது பேத்துப்பாறை கிராமம். இந்த பகுதியைச் சேர்ந்தவர் கண்ணன். கூலித் தொழிலாளியான இவர், அங்குள்ள காபி தோட்டத்தில் வேலை செய்து வருகிறார். இந்நிலையில், கடந்த 10 ஆம் தேதி இரவு நேரத்தில், கண்ணன் வழக்கம்போல் தனது வேலையை முடித்துக்கொண்டு கையில் காபி மூட்டையுடன் நடந்தே வீட்டுக்கு வந்துகொண்டிருந்தார். அப்போது, அந்த இரவு நேரத்தில் தனியாக வந்துகொண்டிருந்த கண்ணனுக்கு, அவருக்கு பின்னால் ஏதோ சத்தம் கேட்டுள்ளது. பதற்றமடைந்த கண்ணன், பொறுமையாக பின்னால் திரும்பி பார்க்கும் நேரத்தில், அங்கு மறைந்திருந்த காட்டு மாடு ஒன்று திடீரென எதிர்பார்க்காத வேளையில், கண்ணனை கொடூரமாகத் தாக்கியுள்ளது.

 

மேலும், இதில் படுகாயமடைந்த கண்ணன் ரத்த வெள்ளத்தில் சரிந்து விழுந்துள்ளார். இதையடுத்து, பலத்த காயங்களுடன் பரிதவித்துக் கொண்டிருந்த கண்ணன், உதவிக்கு யாராவது வருவார்களா? எனக் கத்தி கூச்சலிட்டுள்ளார். அந்த சமயம், புனித அக்யூனாஸ் பள்ளியைச் சேர்ந்த நிர்வாகிகளான பாக்யராஜ், உதயகுமார், ஜோசப் உள்ளிட்ட சிலர் அவ்வழியாகச் சென்றுகொண்டிருந்தனர். அப்போது, கண்ணனின் அலறல் சத்தம் கேட்ட அவர்கள் உடனடியாக சம்பவ இடத்திற்கு வந்துள்ளனர்.

 

அங்கே உயிருக்கு ஆபத்தான நிலையில் இருந்த கண்ணனை பார்த்து அதிர்ச்சியடைந்த பள்ளி நிர்வாகிகள், அவரை உடனடியாக ஆம்புலன்ஸ் மூலம் அருகில் உள்ள மருத்துவமனைக்கு அழைத்துச் சென்றுள்ளனர். இதையடுத்து காட்டு மாடுகளால் தாக்கப்பட்ட கண்ணன், தற்போது மருத்துவமனையில் தீவிர சிகிச்சை பிரிவில் அனுமதிக்கப்பட்டுள்ளார். மேலும், வன விலங்கால் தாக்கப்பட்ட கூலித் தொழிலாளி ஒருவரை உடனடியாக மருத்துவமனைக்கு கொண்டு சென்று காப்பாற்றிய புனித அக்யூனாஸ் பள்ளி நிர்வாகிகளுக்கு பாராட்டுகள் குவிந்து வருகிறது.