18 வயதுக்குட்பட்ட சிறுவர்கள் வாகனம் ஓட்டினால் பெற்றோர்களுக்கு 3 ஆண்டுகள் சிறை.

வேலூர் மாவட்டம், ராணிப்பேட்டை மற்றும் அரக்கோணம் வட்டார போக்குவரத்து மோட்டார் வாகன ஆய்வாளர்களான முருகன், சிவராஜ் ஆகிய இருவரும் தங்களது குழுவோடு, வாகன சோதனையில் ஈடுபட்டனர். கடந்த வாரத்தில் தொடர்ச்சியாக 3 நாட்கள் நடைபெற்ற இந்த வாகன சோதனையில் 38 வாகன ஓட்டிகளிடமிருந்து போக்குவரத்து விதிகளை மீறியதாக 3,84,500 ரூபாய் அபராதமாக வசூலித்துள்ளதாக கூறியுள்ளனர்.

​

இதுப்பற்றி செய்தியாளர்களை சந்தித்து பேசிய ராணிப்பேட்டை வட்டார போக்குவரத்து அலுவலர் பட்டாபிராமன், 18 வயதுக்கு உட்பட்டவர்கள் வாகனம் ஓட்டினால், அவர்களது பெற்றோர்களுக்கு இரண்டாயிரம் ரூபாய் அபராதமும், 3 ஆண்டு சிறை தண்டனை விதிக்கப்படும். அதோடு, பெற்றோரின் வாகன ஓட்டுநர் உரிமம் ரத்து செய்யப்படும். அதனால் பெற்றோர்கள் 18 வயதுக்கு குறைவான தமது பிள்ளைகளிடம் இருசக்கர வாகனத்தை தந்து அனுப்பாதீர்கள் என்றார்.