மார்ச் 2- ஆம் தேதி அலுவல் ஆய்வுக்குழு கூட்டம்!

கடந்த பிப்.14- ஆம் தேதி சட்டப்பேரவையில் அதிமுக ஆட்சி ஆண்டின் கடைசி பட்ஜெட் தாக்கல் செய்யப்பட்டது. துணை முதல்வர் ஓ.பன்னீர்செல்வம் பட்ஜெட்டை தாக்கல் செய்தார். மேலும் பிப்.20- ஆம் தேதி வரை தாக்கல் செய்யப்பட்ட பட்ஜெட் மீதான விவாதம் சட்டப்பேரவையில் நடைபெற்று முடிந்த நிலையில், சட்டப்பேரவை மீண்டும் மார்ச் 9- ஆம் தேதி நடைபெற இருக்கிறது

இந்த நிலையில் சட்டப்பேரவையின் அலுவல் ஆய்வுக்குழு கூட்டம் சபாநாயகர் தனபால் தலைமையில் மார்ச் 2- ஆம் தேதி காலை 09.00 மணிக்கு நடைபெறவுள்ளது. கூட்டத்தொடரை எவ்வளவு நாட்கள் நடத்துவது என்பது கூட்டத்தில் முடிவு செய்யப்படும்.