'தமிழ்நாட்டுக்கு ஒரு பொக்கிஷம் கிடைக்க வேண்டும்'-எஸ்.ஏ.சந்திரசேகர் பேட்டி

நடிகர் விஜய் ஆரம்பித்திருக்கும் தமிழக வெற்றிக் கழகம் கட்சியின் மாநில முதல் மாநாடு விக்கிரவாண்டி வி.சாலையில் வரும் 27ஆம் தேதி நடைபெற உள்ளது. இதற்கான தீவிர ஏற்பாடுகள் நடைபெற்று வருகிறது. நடைபெற இருக்கும் மாநாடு குறித்து அக்கட்சியின் தலைவர் விஜய் இரண்டு முறை தொண்டர்களுக்கு கடிதம் வெளியிட்டுள்ளார். இரண்டாவது கடிதத்தில் பல்வேறு அறிவுரைகளையும் தொண்டர்களுக்கு வழங்கி இருக்கிறார்.

இந்நிலையில் நடிகர் விஜய்யின் தந்தை எஸ்.ஏ.சந்திரசேகர் கொரட்டூரில் செய்தியாளர்களைச் சந்திக்கையில், ''வருகின்ற ஞாயிற்றுக்கிழமை மாநாடு மிகச் சிறப்பாக நடக்க வேண்டும். விஜய்க்கு நல்ல பேர் கிடைக்க வேண்டும். பெரிய நிலைமைக்கு வர வேண்டும். தமிழ்நாட்டுக்கு ஒரு பொக்கிஷம் கிடைக்க வேண்டும் என்பதற்காக வேண்டி வடசென்னை சேர்ந்த மாறன், ரஞ்சித் இவர்களெல்லாம் சேர்ந்து கொரட்டூர் பாபா கோவிலில் அன்னதானம் செய்துள்ளார்கள். விஜய்க்காக அன்னதானம் செய்துள்ளார்கள்'' என்றார்.

அப்பொழுது செய்தியாளர்கள் 'திராவிட கட்சிகளுக்கு மாற்றாக விஜய்...' என கேள்வியை ஆரம்பிக்க அங்கிருந்து எஸ்.ஏ.சந்திரசேகர் பதிலளிக்காமல் நகர்ந்தார்.