கருத்து கணிப்புகளை வைத்து  2 ஆயிரம் கிலோ ஸ்வீட்ஸ் ஆர்டர் கொடுத்த பாஜக வேட்பாளர்

நாளை மறுநாள் நடைபெறும்  மக்களவை வாக்கு எண்ணிக்கையில் தான் வெற்றி பெறுவது உறுதி என்று நம்பிக்கை வைத்திருக்கும் பாஜக வேட்பாளர்,  முன்கூட்டியே 2 ஆயிரம் கிலோ இனிப்புகள் ஆர்டர் செய்துள்ளார்.
   

மும்பை வடக்கு பாராளுமன்ற தொகுதியின் எம்.பி.யாக பதவி வகிப்பவர் கோபால் ஷெட்டி. பாஜகவை சேர்ந்த இவர் இந்த தேர்தலிலும் இதே தொகுதியில் போட்டியிடுகிறார். இந்த தேர்தலிலும் நிச்சயமாக வெற்றி பெறுவோம் என்ற நம்பிக்கையில் 23-ம் தேதி மக்களுக்கு வழங்குவதற்காக 2 ஆயிரம் கிலோ இனிப்பு வகைகளுக்கு இப்போதே ஆர்டர் கொடுத்துள்ளார்.

தேர்தலுக்கு பிந்தைய கருத்து கணிப்புகள் பாஜகவுக்குத்தான் மீண்டும் வெற்றி என்பதுபோல் உள்ளதால் தனது வெற்றி உறுதி என்று இனிப்புகளுக்கு கோபால்  ஷெட்டி ஆர்டர் கொடுத்துள்ளார்.   இதனால் உற்சாகமான இனிப்பக தொழிலாளர்கள்,  மோடியின் முகமூடி அணிந்து இனிப்புகள் தயாரித்து வருகிறார்கள்.