தயாரிப்பாளர் டில்லி பாபு காலமானார்

Photographer

Published on 09/09/2024 | Edited on 09/09/2024

2015ஆம் ஆண்டு பாபி சிம்ஹா, கலையரசன் நடிப்பில் வெளியான ‘உறுமீன்’ படத்தின் மூலம் தயாரிப்பாளராக அறிமுகமானவர் டில்லி பாபு. ஆக்சிஸ் ஃபிலிம் பேக்டரி என்ற தயாரிப்பு நிறுவனம் மூலம் ‘மரகத நாணயம்’, ‘ராட்சசன்’, ‘ஓ மை கடவுளே’ உள்ளிட்ட பல படங்களை டில்லி பாபு தயாரித்துள்ளார்.

இந்த நிலையில் கடந்த மாதங்களாகவே உடல்நலக்குறைவால் பாதிக்கப்பட்ட அவர் அதற்கான சிகிச்சையும் பெற்று வந்தார். இதையடுத்து சிகிச்சை பலனின்றி இன்று அதிகாலை காலமாகியுள்ளார். இறுதி சடங்குகள் இன்று மாலை நடப்பதாக கூறப்படுகிறது. இவரது மரணம் தமிழ் திரையுலகினர் மத்தியில் அதிர்ச்சையும் சோகத்தையும் ஏற்படுத்தியுள்ளது. அவருக்கு தொடர்ச்சியாக தயாரிப்பாளர்கள் எஸ்.ஆர் பிரபு, தனஞ்செயன், இயக்குநர்கள் அஷ்வத் மாரிமுத்து, சரவண், இசையமைப்பாளர் ஜிப்ரான் என பலரும் எக்ஸ் தளம் வாயிலாக இரங்கல் தெரிவித்துள்ளனர்.