'ஹரஹர மகாதேவகி', 'இருட்டு அறையில் முரட்டுக்குத்து' படங்களை தொடர்ந்து சந்தோஷ் பி.ஜெயக்குமார் இயக்கத்தில் உருவாகியுள்ள காமெடி குடும்ப படம் 'கஜினிகாந்த்'. ஆர்யா - சாயிஷா முதல் முறையாக ஜோடி சேர்ந்துள்ள இப்படத்தை ஸ்டூடியோ கிரீன் சார்பில் கே.ஈ.ஞானவேல் ராஜா தயாரித்துள்ளார். இப்படத்தின் படப்பிடிப்புகள் முடிந்து பின்னணி வேலைகள் மும்முரமாக நடைபெற்று வந்தது. சமீபத்தில் தணிக்கை அதிகாரிகள் பார்த்த இப்படத்திற்கு யூ சான்றிதழ் வழங்கினர். இதையடுத்து வரும் ஜூலை 27ஆம் தேதி படத்தை வெளியிட இருப்பதாக படக்குழு அறிவித்திருந்த நிலையில் தற்போது தீடீரென்று சில படங்களின் ரிலீஸ் இதே தேதியில் மாற்றப்பட்டதால் தியேட்டர்களின் எண்ணிக்கை இப்படத்திற்கு குறைந்துள்ளதாலும், மேலும் ஒரு சில காரணங்களுக்காகவும் பட வெளியீட்டு தேதியில் மாற்றம் ஏற்பட்டு தற்போது படத்தை ஆகஸ்ட் 3ம் தேதி 'கஜினிகாந்த்' படத்தை வெளியிடவுள்ளதாக படக்குழுவினர் முடிவு செய்துள்ளனர்.
