Skip to main content

சூப்பர் ஹீரோக்களை உருவாக்கிய நாயகன் காலமானார்...

Published on 13/11/2018 | Edited on 13/11/2018
stan lee


மார்வெல் காமிக்ஸின் இயக்குனரும், பதிப்பாளருமான ஸ்டான் லீ உடல்நல குறைவு காரணமாக இன்று காலை மருத்துவமனையில் காலமானார். 95 வயதான ஸ்டான் லீ கடந்த சில நாட்களாக உடல்நிலை சரியில்லாததால் மருத்துவமனையில் அனுமதிக்கப்பட்டு சிகிச்சை பெற்று வந்தார். இன்று காலை சிகிச்சை பலனின்றி காலமானார். 
 

உலகம் பிரசித்தி பெற்ற பல காமிக் கதாபாத்திரங்களை உருவாக்கி, பதிப்பித்துள்ளார். இவருடைய படைப்புகளில் ஸ்பைடர் மேன், தோர், ஹல்க் போன்ற பல கதாபாத்திரங்களையும், அவெஞ்சர்ஸ், எக்ஸ் மேன் போன்ற அதிரடி கதைகளையும் வெளியுலகுக்கு கொடுத்துள்ளார். இவருடைய மறைவுக்கு ஹாலிவுட் திரையுலகமே வருத்தம் தெரிவித்து வருகிறது. 

 

 

சார்ந்த செய்திகள்

Next Story

வசூலை வாரிக்குவிக்கும் ஸ்பைடர்மேன்... 4 நாட்களில் எவ்வளவு தெரியுமா?

Published on 08/07/2019 | Edited on 08/07/2019

ஸ்பைடர்மேன் ஃபார் ஃப்ரம் ஹோம் , இது ஸ்பைடர்மேன் ஹோம் கம்மிங் படத்தின் தொடர்ச்சியாகும். ஸ்படைர்மேனாக டாம் ஹாலாண்டு நடிப்பில் கடந்தா நான்காம் தேதி இந்தியாவில் ரிலீஸானது.
 

spiderman far from home

 

 

முன்னதாக மார்வெல் தயாரிப்பில் அவெஞ்சர்ஸ் எண்ட் கேம் ஏப்ரல் மாதம் வெளியாகி உலகம் முழுவதும் வசூல் வேட்டை செய்தது. இந்த பிரமாண்ட வெற்றியை தொடர்ந்து ஸ்பைடர் மேன் படத்தை வெளியிட்டுள்ளது மார்வெல். எண்ட் கேம் படத்தில் அயர்ன் மேன் இறந்த பின்பு அவரது இடத்தை யார் பூர்த்தி செய்வார்கள் என்று ரசிகர்களிடம் எதிர்பார்ப்பு இருந்தது.
 

இந்நிலையில் ட்ரைலரில் அயர்ன்மேன் இறந்தபின் நடப்பது போன்ற கதை என்று காட்டப்பட்டது. இதுவே பலருக்கு இந்த படத்தை பார்க்க வேண்டும் என்கிற ஆவலை தூண்டியது. இதன் காரணமாக ஸ்பைடர்மேன் படம் நல்ல வசூலை ஈட்டியுள்ளது.
 

ஸ்பைடர்மேன் பட வரிசையில் இந்தப்படம் தான் இந்தியாவில் முதல் வார இறுதியில் அதிக வசூல் செய்த படம். 2019-ம் ஆண்டு இந்தியாவில் வெளியான ஹாலிவுட் படங்களில் முதல் வார இறுதியில் அதிக வசூல் செய்த படங்களில் 2ஆவது இடம் பிடித்துள்ளது ஸ்பைடர்மேன். முதலிடத்தில் அவெஞ்சர்ஸ் எண்ட் கேம் படம் இருக்கிறது.

 

 

Next Story

அர்னால்டு மகளை திருமணம் செய்த அவென்ஜர்ஸ் பட நாயகன்... வியப்பில் ரசிகர்கள்...

Published on 10/06/2019 | Edited on 10/06/2019

டெர்மினேட்டர், பிரிடேட்டர், கோனான் தி பார்பேரியன் உள்ளிட்ட படங்கள் மூலம் 90ஸ் கிட்ஸின் ஃபேவரைட் ஹாலிவுட் நாயகனாக இருந்தவர் அர்னால்டு. தற்போது டெர்மினேட்டர் படத்தின் அடுத்த பாகத்தில் நடித்து வருகிறார். இந்நிலையில் இவரின் மகள் கேத்தரீனுக்கு நேற்று திருமணம் நடந்து முடிந்துள்ளது.

 

chris pratt ties knot with actor arnolds daughter

 

 

அவெஞ்சர்ஸ் படத்தின் முக்கிய ஹீரோக்களில் ஒருவரும், கார்டியன்ஸ் ஆப் கேலக்சி திரைப்படங்களின் ஹீரோவுமான கிறிஸ் பிராட்டை தான் அவர் திருமணம் செய்துள்ளார். ஏற்கனவே திருமணமாகி விவாகரத்தான பிராட்டுக்கு 6 வயதில் ஒரு மகன் இருக்கும் நிலையில், தற்போது இரண்டாவது திருமணமாக அர்னால்டின் மகளை திருமணம் செய்துள்ளார். நெருங்கிய உறவினர்கள் மற்றும் நண்பர்கள் மட்டும் கலந்துகொண்ட இந்த திருமணம் கலிபோர்னியாவில் சிறப்பாக நடைபெற்றது. இந்த திருமணத்திற்கு அர்னால்டுவின் ரசிகர்கள், மார்வெல் ரசிகர்கள் என அனைவரும் வாழ்த்துக்களை கூறி வருகின்றனர்.