2017ஆம் ஆண்டின் இலக்கியத்திற்கான நோபல் பரிசு அறிவிப்பு!

Published on 05/10/2017 | Edited on 05/10/2017

2017ஆம் ஆண்டின் இலக்கியத்திற்கான நோபல் பரிசு அறிவிப்பு!

நடப்பு ஆண்டின் இலக்கியத்திற்கான நோபல் பரிசு பெறுபவரின் பெயர் இன்று சுவீடனில் அறிவிக்கப்பட்டுள்ளது. இதுவரை மருத்துவம், இயற்பியல், வேதியியல் உள்ளிட்ட துறைகளுக்கான நோபல் பரிசுகள் அறிவிக்கப்பட்டுள்ளன.

ஒவ்வொரு ஆண்டும் பல்வேறு துறைகளில் சிறந்து விளங்குபவர்களுக்கு, துறைசார்ந்த நோபல் பரிசுகளை வழங்கிவருகிறது சுவீடனின் நோபல் அகாடெமி. அதன்படி, இந்த ஆண்டின் இலக்கியத்திற்கான நோபல் பரிசு பிரிட்டிஷ் எழுத்தாளர் கசுவோ இசிகுரோ என்பவருக்கு வழங்கப்பட்டுள்ளது. இவர் பல சிறுகதைகளையும், நாவல்களையும், திரைப்படங்களுக்கான திரைக்கதைகளையும் எழுதி புகழ்பெற்றவர். மேலும், இவர் ஜப்பானின் நாகசாகியை பூர்வீகமாக கொண்டவர். இவர் எழுதிய நாவல்கள் உலகத்தோடு மனிதனை தொடர்புபடுத்தக் கூடிய பிரம்மாண்டமான உணர்ச்சிகளை ஏற்படுத்தக் கூடியவையாக இருந்துள்ளன என்பது குறிப்பிடத்தக்கது.