தமிழ்நாடு காங்கிரஸில் நடப்பது ராகுலுக்கு தெரியும் - குஷ்பு பேட்டி!

Published on 13/10/2017 | Edited on 13/10/2017

தமிழ்நாடு காங்கிரஸில் நடப்பது ராகுலுக்கு தெரியும் -

குஷ்பு பேட்டி!

தமிழ்நாடு காங்கிரஸ் கட்சியில் என்ன நடக்கிறது என்பது ராகுலுக்குத் தெரியும். தேவைப்படும்போது மாற்றத்தை செய்வார் என்று குஷ்பு தெரிவித்தார்.

அகில இந்திய காங்கிரஸ் செய்தித் தொடர்பாளராக நியமிக்கப்பட்டுள்ள குஷ்பு தனது உறுப்பினர் அட்டையை புதுப்பிக்கவில்லை என்றும், அவருக்கு பொதுக்குழு உறுப்பினர் பொறுப்பு கொடுத்தது தவறு என்றும் கராத்தே தியாகராஜன் சர்ச்சையை கிளப்பிய நிலையில் ராகுல் காந்தியை குஷ்பு சந்தித்தார்.

பின்னர் அவர் செய்தியாளர்களிடம் பேசினார். அப்போது அவர் கூறியது...

தமிழ்நாட்டில் நிலவும் அரசியல் சூழ்நிலை குறித்து ராகுலுடன் விவாதித்தேன். கராத்தே தியாகராஜன் தொடர்பான விஷயங்களை பேசி ராகுலின் நேரத்தை வீணடிக்க விரும்பவில்லை. அந்த பிரச்சனை குறித்து குலாம் நபி ஆசாத், முகுல் வாஸ்னிக் ஆகியோருடன் நான் பேசுவேன். தமிழ்நாடு காங்கிரஸ் கட்சியில் என்ன நடக்கிறது என்பது ராகுலுக்கு தெரிந்தே இருக்கிறது. தேவைப்படும்போது மாற்றம் செய்வார் என்றார்.

காங்கிரஸ் தலைவராக ராகுல் தேர்வு செய்யப்படலாம் என்ற நிலையில், அவர் தலைவராக பொறுப்பேற்றால் தமிழ்நாடு காங்கிரஸில் நிறைய மாற்றங்கள் இருக்கும் என்று கட்சி நிர்வாகிகளும் கருத்து தெரிவித்தனர்.