அட்டை தொழிற்சாலையில் பயங்கர தீ விபத்து

                                                    கோப்புப்படம் 

செங்கல்பட்டு மாவட்டம் கேளம்பாக்கம் அருகே அட்டை தயாரிக்கும் நிறுவனத்தில் ஏற்பட்ட அதிபயங்கர தீவிபத்தில் பல கோடி மதிப்பிலான பொருட்கள் இருந்து சேதமாகியுள்ளது. இதனால் இந்த பகுதியில் பரபரப்பு ஏற்பட்டுள்ளது.

செங்கல்பட்டு மாவட்டம் கிளாம்பாக்கம் அடுத்துள்ளது செங்கண்மால் பகுதி. இங்கு தனியாருக்கு சொந்தமான பல்வேறு தொழிற்சாலைகள் மற்றும் குடோன்கள் இருந்து வருகிறது. இந்நிலையில் அங்குள்ள அட்டை தயாரிக்கும் தொழிற்சாலை ஒன்றில் திடீரென தீ விபத்து ஏற்பட்டது. இதில் மளமளவென எரிந்த தீயானது தொழிற்சாலை முழுவதும் பரவியது. உடனடியாக தீயணைப்புத் துறைக்கு தகவல் கொடுக்கப்பட்ட நிலையில் 5 வாகனங்களில் வந்த தீயணைப்புத் துறையினர் தண்ணீரைப் பீய்ச்சி அடித்து தீயை அணைத்து வருகின்றனர்.

அட்டை தயாரிக்கும் இயந்திரங்கள் மற்றும் அட்டைகள் உள்ளிட்டவை முற்றிலுமாக எரிந்து நாசமாகியுள்ளது. கிட்டத்தட்ட ஆறு கோடி ரூபாய் மதிப்பிலான பொருட்கள் எரிந்து நாசமானதாக நிறுவனம் தரப்பில் தெரிவிக்கப்பட்டுள்ளது. இந்த பயங்கர விபத்து காரணமாக அந்த பகுதியில் கரும் புகை சூழ்ந்ததால் அப்பகுதியில் பரபரப்பு ஏற்பட்டது.