பேராவூரணி அரசு தொடக்கப்பள்ளிக்கு புதிய கட்டிடம் கட்டித்தர கோரிக்கை!

Published on 08/01/2018 | Edited on 08/01/2018

பேராவூரணி அரசு தொடக்கப்பள்ளிக்கு புதிய கட்டிடம் கட்டித்தர கோரிக்கை!

சிமெண்ட் கூரை கட்டிடத்தில் இயங்கி வரும் பள்ளிக்கு புதிய கட்டிடம் கட்டித்தரவேண்டும் என பெற்றோர் ஆசிரியர் கழக கலந்தாலோசனை கூட்டத்தில் கோரிக்கை விடுக்கப்பட்டது.

தஞ்சாவூர் மாவட்டம் பேராவூரணி சேதுசாலையில், வட்டாட்சியர் அலுவலகம் எதிரே உள்ள ஊராட்சி ஒன்றிய தொடக்கப்பள்ளி (வடகிழக்கு) பெற்றோர் ஆசிரியர் கழக கலந்தாலோசனை கூட்டம், பெற்றோர் ஆசிரியர் கழகத் தலைவர் எஸ்.கௌதமன் தலைமையில் நடைபெற்றது.

இக்கூட்டத்தில், ஆத்தாளூர் அருள்மிகு வீரகாளியம்மன் திருக்கோயிலுக்கு சொந்தமான இடத்தில் இயங்கி வரும் பள்ளியில், உள்ள பழைய சிமெண்ட் ஆஸ்பெஷ்டாஸ் கூரை இடிந்து விழும் நிலையில் உள்ளதால், அதை இடித்து அகற்றி விட்டு, புதிய சிமெண்ட் கட்டிடம் கட்டித்தர மாவட்ட ஆட்சியர் மற்றும் மாவட்ட கல்வித்துறை அதிகாரிகளுக்கு கோரிக்கை மனு அனுப்புவது, என தீர்மானிக்கப்பட்டது.

- இரா.பகத்சிங்