வீட்டு உபயோக கேஸ் சிலிண்டர் விலை மீண்டும் உயர்வு

வீட்டு உபயோக கேஸ் சிலிண்டரின் விலை ரூ.50 அதிகரித்துள்ளது. 

இந்தியாவில் வணிக பயன்பாடு, வீட்டு உபயோகம் என இரு வகையான சிலிண்டர்கள் விற்பனை செய்யப்பட்டு வருகின்றன. சிலிண்டர்களின் விலையை ஒவ்வொரு மாதமும் எண்ணெய் நிறுவனங்கள் நிர்ணயம் செய்கின்றன. 

இந்த நிலையில், சென்னையில் வீட்டு உபயோக சிலிண்டர் விலை இன்று முதல் 50 ரூபாய் உயர்த்தப்பட்டு ரூ.1,068.50க்கு விற்பனை செய்யப்படுகிறது. அண்மைக்காலமாக வீட்டு மற்றும் வணிக உபயோக சிலிண்டர்களின் விலை தொடர்ச்சியாக அதிகரித்து வருவது பொதுமக்கள் மத்தியில் கலக்கத்தை ஏற்படுத்தியுள்ளது.