மதுரை மாவட்டம், மேலூர் நகராட்சிக்கு உட்பட்ட 27 வார்டுகளில் அமைக்கப்பட்ட 44 வாக்குச்சாவடிகளில் பதிவான வாக்குகள் மேலூரில் உள்ள சுந்தரேஸ்வர வித்யாலயா பள்ளியில் எண்ணப்பட்டு வருகிறது.
இந்நிலையில், மதுரை மாவட்டம், மேலூர் நகராட்சியின் 8வது வார்டில் திமுக வேட்பாளரான முகமது யாசின் (சேர்மன் வேட்பாளர்) 651 வாக்குகள் பெற்று வெற்றி பெற்றுள்ளார். மேலும் அவரை எதிர்த்து போட்டியிட்ட அதிமுக முத்து. கிருஷ்ணகுமார் 125 வாக்குகளும், பாஜக வேட்பாளர் அம்சவேணி 10 வாக்குகளும், அமமுக வேட்பாளர் வழக்கறிஞர் அப்துல்காதர் 10 வாக்குகளும், நாம்தமிழர் வேட்பாளர் முஜிபுர்ரஹ்மான் 14, தேமுதிக வேட்பாளர் சரவணன் 6 வாக்குகளும் பெற்று, திமுக வேட்பாளரை எதிர்த்து போட்டியிட்ட அனைத்து வேட்பாளர்களும் டெபாசிட் இழந்துள்ளனர்.
இந்த 8வது வார்டின் வாக்குப்பதிவு மையமான அல்-அமீன் உயர்நிலைப் பள்ளியில் தான், இஸ்லாமிய பெண்களின் ஹிஜாப் அணிந்து வருவதால் அவர்களை அடையாளம் காண முடியவில்லை என பாஜக முகவர் கிரினந்தன் எதிர்ப்பு தெரிவித்து கோஷமிட்டு பிரச்சனையை கிளப்பினார் என்பது குறிப்பிடத்தக்கது.
- "எல்லாருமே பார்ப்பீங்க" - விவரிக்கும் 'கூச முனுசாமி வீரப்பன்'
- "அதான் அடிச்சு தூக்குனேன்" - கூலாக சொன்ன கூச முனுசாமி வீரப்பன்
