Skip to main content

சமூக விலக்கலை கடைப்பிடிக்காத ஆரம்ப சுகாதார நிலையம்!

Published on 27/03/2020 | Edited on 27/03/2020

கரோனா வைரஸ் பரவலை தடுக்க சமூக விலக்கத்துக்காக ஊரடங்கு உத்தரவை இந்தியரசு அறிவித்துள்ளது. வரும் ஏப்ரல் 15ந்தேதிவரை அறிவிக்கப்பட்டுள்ள இந்த உத்தரவை மதித்து பொதுமக்கள் வீட்டை விட்டு வெளியே வரக்கூடாது, அத்தியாவசிய பொருட்கள் பெற மட்டுமே வெளியே வர வேண்டும் என உத்தரவிட்டுள்ளது.

 

Corona virus issue - Primary health care center not practicing social exclusion

 



அரசு மருத்துவ கல்லூரி மருத்துவமனைகள், அரசு மருத்துவமனைகள், ஆரம்ப சுகாதார நிலையங்கள் செயல்படும் என அறிவிக்கப்பட்டுள்ளது. இங்கு வரும் நோயாளிகளை வரிசையில் வரவைக்க வேண்டும், ஒவ்வொருவருக்கும் இடையே 3 அடி இடைவெளி இருக்க வேண்டும் என உத்தரவிடப்பட்டுள்ளது. இதனை கடுமையாக கடைப்பிடிக்க வைக்க வேண்டும் என மருத்துவர்கள் மற்றும் மருத்துவ ஊழியர்களை வலியுறுத்தியுள்ளது அரசாங்கம்.

ஊரடங்கு உத்தரவு பிறப்பிக்கப்பட்டு இன்று 3வது நாளாகியுள்ள நிலையில் திருவண்ணாமலை மாவட்டத்தின் ஒரு பகுதியை வலம் வந்தபோது, சிறுப்பாக்கம், ராதாபுரம், போந்தை, நாராயணகுப்பம், மேல்மலமஞ்சனூர், குங்கிலிநத்தம், வானாபுரம் போன்ற கிராமங்களில் மக்கள் இந்த சமூக விலக்கலை சரியாக கடைப்பிடிக்கவில்லை என்பதை அறிய முடிந்தது. வேலை எதுவும் இல்லாததால் ஆண்கள் கூட்டமாக உட்கார்ந்து சீட்டு விளையாடுவது, தாயம் விளையாடுவது, வெட்டுப்புலி ஆட்டம் ஆடுவது என கும்பல், கும்பலாக அமர்ந்து விளையாடுவதை காண முடிந்தது. பெண்களும் 4 பேர், 5 பேர் என அமர்ந்து கதை பேசிக்கொண்டு இருந்தனர்.

வானாபுரம் அருகேயுள்ள மெய்யூர் என்கிற இடத்தில் உள்ள அரசு ஆரம்ப சுகாதார நிலையத்தில் சிகிச்சைக்காக கர்ப்பிணி பெண்கள், காய்ச்சல், சளி தொந்தரவுக்காக 40க்கும் அதிகமான நோயாளிகள் வந்துயிருந்தனர். நோயாளிகளுடன் வந்தவர்கள் அங்கங்கு இடைவெளி விட்டு அமர்ந்துயிருக்க நோயாளிகளை ஒரு அறையில் மொத்தமாக அமரவைத்து ஒவ்வொருவராக அழைத்து சிகிச்சை அளித்துக்கொண்டு இருந்தார் அங்கிருந்த மருத்துவர். அதேநேரத்தில் பலர் வரிசையில் அரை அடி கூட இடைவெளி விடாமல் நோயாளிகள் நெருக்கியடித்து நிற்க இது எதையும் கண்டுக்கொள்ளாமல் இருந்தனர் மருத்துவர்களும், மருத்தவமனை செவிலியர்கள் உட்பட ஊழியர்கள்.

காவல்துறை கூட்டு சாலைகள் உள்ள இடத்தில் பாதுகாப்புக்காக இருந்தாலும் பக்கத்து கிராமம் போகிறேன் எனச்சொல்லிவிட்டு செல்வது அதிகமாக உள்ளது. அவர்களாளும் ஓரளவுக்கு மேல் கட்டுப்படுத்த முடியவில்லை என்கின்றனர். தனித்தனியாக போனால் பரவாயில்லை, இந்த இளைஞர்கள் ஒரே வண்டியில் 3பேர், 4 பேர் என செல்கிறான்கள். இவன்களால் நோய் வந்து பரவி விடும்மோ என பயமாக இருக்கிறது என்கிறார்கள் காவல்துறையினர்.


 

சார்ந்த செய்திகள்

Next Story

'பெயரே சொல்லி அழைக்க தானே'- அமைச்சரின் பதிலால் தலைகுனிந்த அலுவலர்

Published on 19/04/2024 | Edited on 19/04/2024
 'Just call me by name' - the minister the minister's reply

உலகின் மிகப்பெரிய ஜனநாயகத் திருவிழாவான இந்திய நாட்டின் 18-ஆவது நாடாளுமன்ற தேர்தல் நாடு முழுவதும் களைகட்டி வருகிறது. அதன்படி முதற்கட்டமாக இன்று தொடங்கி ஜூன் 1 ஆம் தேதி வரை 7 கட்டமாக வாக்குப்பதிவு நடைபெற உள்ளது. முதற்கட்டமாக 21 மாநிலங்கள் மற்றும் யூனியன் பிரதேசங்களில் உள்ள 102 இடங்களுக்கு இன்று வாக்குப்பதிவு நடைபெற்றது.

தமிழகத்தில் உள்ள 39 நாடாளுமன்ற தொகுதிக்கும், புதுச்சேரியில் உள்ள ஒரு நாடாளுமன்ற தொகுதிக்கும் இன்று வாக்குப்பதிவு நடைபெற்றது. பதற்றமான வாக்குச்சாவடிகளில்  பல அடுக்கு பாதுகாப்பு ஏற்பாடுகள் செய்யப்பட்டது. சரியாக காலை 7 மணிக்கு தொடங்கிய வாக்குப்பதிவு மாலை 6 மணி வரை நடைபெற்று முடிந்துள்ளது. மாலை 6:00 மணிக்குள் வாக்குச்சாவடிகளுக்கு வாக்களிக்க வந்தவர்களுக்கு டோக்கன் வழங்கி வாக்களிக்க ஏற்பாடு செய்யப்பட்டுள்ளது. மேலும் அரசியல் கட்சியினர் முன்னிலையில் வாக்கு இயந்திரங்கள் சீல் வைக்கும் பணி நடைபெற்று வருகிறது.

முன்னதாக திருவண்ணாமலை சட்டமன்ற தொகுதிக்கு உட்பட்ட சே.கூடலூர் கிராமத்தில் அமைந்துள்ள வாக்குச்சாவடியில் பொதுப்பணித்துறை அமைச்சர் எ.வ.வேலு தனது குடும்பத்தினருடன் சென்று வாக்களித்தார். அப்போது அவரது பெயரை வாக்குச்சாவடியில் அமர்ந்திருந்த அலுவலர் ஜெயராணி, ஓட்டு போடுபவர் யார் என்பதை அங்குள்ள பூத் ஏஜன்ட்கள் தெரிந்துக்கொண்டு தங்களிடம் உள்ள பட்டியலில் குறித்துக் கொள்வதற்காக பெயரை குறிப்பிடுவார். அதன்படி வாக்களிக்க வந்த அமைச்சர் வேலுவின் பெயரை சத்தமாக கூறினார். உள்ளே அமர்ந்திருந்த வாக்குசாவடி முகவர்கள் அனைவரும் குறித்துக் கொண்டனர். அமைச்சர் வேலுவும் ஸ்லீப்பில் கையெழுத்து போட்டுவிட்டு, விரலில் மை வைத்துக் கொண்டு நேரடியாக சென்று வாக்குப்பதிவு இயந்திரத்தில் தனது வாக்கினை செலுத்தினார்.

அப்போது அங்கிருந்த மற்றொரு அலுவலர், அந்த பெண் அதிகாரியிடம் அமைச்சரை பெயர் சொல்லி அழைத்ததை அவர் தவறாக எடுத்துக்கொள்வார், அவரிடம் சாரி கேளுங்க என திரும்ப திரும்ப வலியுறுத்தினார். பயந்துபோன அந்த பெண் அலுவலரும் ஓட்டு போட்டுவிட்டு வந்த அமைச்சரிடம் சென்று,  சாரி சார் என்றார். அமைச்சர் எதுவும் புரியாமல், ஏன் என கேட்டபோது, உங்கள் பெயரைச் சொல்லி குறிப்பிட்டதும், நீங்கள் தேர்தல் அலுவலர் உங்களது பணியை நீங்கள் செய்கிறீர்கள், பெயர் என்பது அழைப்பதற்காக தானே இதில் என்ன இருக்கிறது? இதற்கு எதற்கு நீங்கள் சாரி கேட்கிறீர்கள் அதெல்லாம் தேவையில்லையம்மா என கூறிவிட்டு சென்றார்.

சாரி கேட்கச் சொன்ன அந்த வருவாய்த்துறை அலுவலர் தலை குனிந்தபடி அங்கிருந்து நகர்ந்துவிட்டார். அந்த பெண் அலுவலர் பெருமிதமாக அமர்ந்து பணியை செய்யத் தொடங்கினார். 

Next Story

விறு விறு வாக்குப்பதிவு; இளையோர்கள் ஆர்வமாக வருகை!

Published on 19/04/2024 | Edited on 19/04/2024
Youth showing interest in voting in Tiruvannamalai

திருவண்ணாமலை நாடாளுமன்ற தொகுதியில் ஆண் வாக்காளர்கள் 754533 பேரும் பெண் வாக்காளர்கள் 778445 பேரும், மூன்றாம் பாலினத்தவர் 121 பேர் என 1553099 நபர்கள் வாக்களிக்க ஏற்பாடுகள் செய்யப்பட்டுள்ளன. இத்தொகுதியில் மொத்தம் 1722 வாக்குசாவடிகள் அமைக்கப்பட்டுள்ளன. தொகுதியில் இன்று காலை சரியாக 7 மணிக்கு வாக்குபதிவு தொடங்கியது. வேட்பாளர்கள் தங்களுக்காக வாக்குபதிவு மையத்துக்கு சென்று தங்களது வாக்குபதிவினை செலுத்தினர்.

திருவண்ணாமலை தொகுதி திமுக வேட்பாளர் அண்ணாதுரை அவரது தேவனாம்பட்டு கிராமத்தில் தனது குடும்பத்தோடு சென்று முதல் வாக்கினை செலுத்தினார். அதிமுக வேட்பாளர் கலியபெருமாள் தென்மாத்தூர் கிராமத்திலும் வாக்கு செலுத்தினர். பாஜக வேட்பாளர் அஸ்வத்தாமனுக்கு அவர் போட்டியிடும் தொகுதியில் ஓட்டு இல்லாததால் கள்ளக்குறிச்சி மாவட்டத்திலுள்ள அவரது சொந்த ஊருக்கு சென்று வாக்களித்தாக கூறப்படுகிறது.

ஜனநாயக கடமையாற்ற காலையிலேயே இளையோர்கள் ஆர்வத்துடன் வந்து வாக்களித்துவருகின்றனர்.