திண்டிவனம் ராமமூர்த்தி காலமானார்!

தமிழ்நாடு காங்கிரஸ் கமிட்டியின் முன்னாள் தலைவர் திண்டிவனம் ராமமூர்த்தி உடல்நலக்குறைவால் இன்று (08/08/2021) காலமானார். அவருக்கு வயது 87. சென்னை கிழக்கு கடற்கரை சாலையில் உள்ள அவரது வீட்டில் திண்டிவனம் ராமமூர்த்தியின் உடல் பொதுமக்களின் அஞ்சலிக்காக வைக்கப்பட்டுள்ளது. அவரது மறைவுக்கு காங்கிரஸ் கட்சியின் மூத்த தலைவர்கள், கட்சியின் சட்டமன்ற உறுப்பினர்கள், நாடாளுமன்ற உறுப்பினர்கள் மற்றும் பல்வேறு அரசியல் கட்சிகளின் தலைவர்களும் ஆழ்ந்த இரங்கலைத் தெரிவித்துள்ளனர். 

மாநிலங்களவை உறுப்பினர், சட்டமன்ற உறுப்பினர், சட்டமேலவை எதிர்க்கட்சித் தலைவராக இருந்தவர் திண்டிவனம் ராமமூர்த்தி. சரத்பவாரின் தேசியவாத காங்கிரஸ் கட்சியின் தமிழ் மாநில தலைவராகவும் திண்டிவனம் ராமமூர்த்தி இருந்தார்.