Skip to main content

"அவ்வளவு தானா சஸ்பென்ட் நடவடிக்கை..? ஒரே மாதத்தில் பணிக்கு திரும்பிய ஆய்வாளர்...!"

Published on 23/12/2018 | Edited on 24/12/2018

 

c

 

  சென்னை தேனாம்பேட்டையில் போக்குவரத்து காவல் ஆய்வாளராக பணியாற்றிய ரவிச்சந்திரன், சக காவலரை கீழே தள்ளிவிட்ட சம்பவத்தில் சஸ்பென்ட் செய்யப்பட்டிருந்தார். இந்நிலையில், 30 நாட்களுக்குள்ளேயே அவர் மீண்டும் பணியில் சேர்க்கப்பட்டுள்ளார். அவருக்கு அம்பத்தூர் போக்குவரத்து காவல் ஆய்வாளர் பணியிடம் ஒதுக்கப்பட்டுள்ளது.

 

c

   

அந்த கொடூரமான சம்பவத்தை யாரும் மறந்திருக்க மாட்டார்கள். "நவ.21-ந்தேதி பணியில் இருந்த போக்குவரத்து ஆய்வாளர் தருமன், தனது தாயாரின் நினைவேந்தல் நிகழ்ச்சிக்கு மேலதிகாரியான ஆய்வாளர் ரவிச்சந்திரன் விடுப்பு தர மறுக்கிறார் என மது போதையில் மைக்கில் பேச, அது சிட்டி முழுக்க எதிரொலித்தது."  இதையடுத்து டி.சி, ஜே.சி உள்ளிட்ட மேலதிகாரிகள் ரவிச்சந்திரனிடம் கடுமை காட்டியதோடு, தருமனுக்கு விடுப்பு கொடுத்ததோடு, கட்டுப்பாட்டு அறையில் ஆஜராகுமாறும் உத்தரவு பிறப்பிக்கப்பட்டது. தம்மை மாட்டிவிட்ட தருமனை பழி வாங்க, அவர் போதையில் இருந்தார் என்பதை உறுதிப்படுத்த வேண்டும். அதற்காக காத்திருந்த ரவிச்சந்திரன், வீடு நோக்கி இருசக்கர வாகனத்தில் சென்று கொண்டிருந்த தருமனை மடக்கிப் பிடிக்க, அவர் கீழே நிலைதடுமாறி விழுந்தார். இந்த சம்பவம் அங்கிருந்த சிசிடிவியில் பதிவானது. இந்த காட்சிகள் சமூக வலைத் தளங்களில் வைரலானது.

 

இந்த சம்பவத்தில் அதிருஷ்டவசமாக உயிர் தப்பிய தருமன், தற்போது வரை மருத்துவ விடுப்பில் உள்ளார். சஸ்பென்ட் நடவடிக்கையில் இருந்த ரவிச்சந்திரனுக்கு, இப்போது அம்பத்தூரில் ஆய்வாளர் (போக்குவரத்து) பணி ஒதுக்கப்பட்டுள்ளது. அப்படி எனில் விசாரணை நடத்தியது எல்லாம் கண் துடைப்பா? தப்பு செய்தால் இடமாற்றம் மட்டும் தான் தண்டனையா? என்று கீழ் மட்டத்தில் உள்ள காவல் ஆளினர்கள் கேள்வி எழுப்புகின்றனர்.

 

சார்ந்த செய்திகள்

Next Story

ரூ. 7 கோடி மதிப்புள்ள தங்கம் பறிமுதல்; சென்னையில் பரபரப்பு!

Published on 27/03/2024 | Edited on 27/03/2024
Rs. 7 crore worth of gold seized; Sensation in Chennai
மாதிரிப்படம்

சென்னை விமான நிலையத்திற்கு இன்று (27.03.2024) துபாயில் இருந்து எமிரேட்ஸ் ஏர்லைன்ஸ் என்ற விமானம் ஒன்று வந்துள்ளது. இந்த விமானத்தில் வந்தவர்களை சுங்கத்துறை அதிகாரிகள் தீவிரமாக சோதனை செய்தனர். அப்போது கேரள மாநிலம் கோட்டையம் பகுதியைச் சேர்ந்த 37 வயதான பெண் ஒருவர் தனது 14 வயது மகளுடன் வந்துள்ளார்.

இவர்களை சுங்கத்துறை அதிகாரிகள் சோதனை செய்த போது ரூ. 7 கோடி மதிப்புள்ள 11.98 கிலோ தங்கக் கட்டிகள் இருப்பது கண்டுபிடிக்கப்பட்டது. மேலும் தொடர்ந்து அவர்களிடம் நடத்தப்பட்ட விசாரணையில் லண்டனில் இருந்து துபாய் வழியாக வந்த போது கடத்தல் தங்கத்தோடு சிக்கியது தெரியவந்துள்ளது.

இதனையடுத்து 37 வயதான அப்பெண்ணை கைது செய்து சுங்கத்துறை அதிகாரிகள் நீதிமன்ற காவலில் அடைத்தனர். அண்மைக் காலத்தில் பயணி ஒருவரிடம் இருந்து 12 கிலோ கடத்தல் தங்கம் பிடிபட்டது இதுவே முதல்முறை என்ற தகவலும் வெளியாகியுள்ளது. மேலும், ரூ.7 கோடி மதிப்புள்ள 11.98 கிலோ தங்கக் கட்டிகள் சென்னை விமான நிலையத்தில் பறிமுதல் செய்யப்பட்ட சம்பவம் சென்னை விமான நிலைய அதிகாரிகள் மற்றும் விமான பயணிகள் மத்தியில் பெரும் பரபரப்பை ஏற்படுத்தியுள்ளது. 

Next Story

'எனக்கு என்ன ஆசையா இப்படி நடக்க வேண்டும் என்று...' - விமர்சனத்திற்குப் பதிலளித்த தமிழச்சி தங்கபாண்டியன்

Published on 27/03/2024 | Edited on 27/03/2024
Tamilachi Thangapandian responded to the criticism

நாட்டின் 18 ஆவது நாடாளுமன்ற மக்களவைத் தேர்தலுக்கான தேதிகள் அறிவிக்கப்பட்டு, மொத்தமாக ஏழு கட்டங்களாகத் தேர்தல் நடத்தப்படவுள்ள நிலையில், முதற்கட்டமாகத் தமிழ்நாட்டில் ஏப்ரல் 19 ஆம் தேதி வாக்குப்பதிவு நடைபெற இருக்கிறது. இதற்கான வாக்கு எண்ணிக்கை ஜூன் 4 ஆம் தேதி நடைபெறவுள்ளது. ஏற்கெனவே தமிழகத்தில் உள்ள அரசியல் கட்சிகள் தேர்தல் பணியில் தீவிரம் காட்டி வரும் நிலையில், தேர்தல் தேதி அறிவிக்கப்பட்டதால் தேர்தல் களம் அனல் பறக்க ஆரம்பித்துவிட்டது.

தென் சென்னை நாடாளுமன்றத் தொகுதியில் திமுக சார்பில் தமிழச்சி தங்கபாண்டியனும், பாஜக சார்பில் தமிழிசை சௌந்தரராஜனும்,  நாம் தமிழர் கட்சி சார்பில் தமிழ்ச்செல்வி என்ற பேராசிரியரும், அதிமுக சார்பில் ஜெயவர்தனும் களத்தில் உள்ளனர். இந்த நிலையில், அண்மையாகவே கையில் ஸ்டிக் உடன் காலில் பேண்டேஜ் அணிந்தபடி தமிழச்சி தங்கபாண்டியன் தேர்தல் பரப்புரையில் கலந்து கொண்ட நிலையில், செய்தியாளர்கள் இது குறித்து அவரிடம் கேள்வி எழுப்பினர்.

சமூக வலைத்தளங்களில் நீங்கள் கையில் வாக்கிங் ஸ்டிக் உடன் வருவது குறித்து விமர்சனங்கள் வைக்கிறார்கள். இதற்கு உங்கள் கருத்து என்ன எனக் கேள்வி எழுப்பினர். அதற்குப் பதிலளித்த அவர், ''என்ன விமர்சனம் வைக்கிறார்கள். ஸ்டிக்குடன் நடக்க வேண்டும் என எனக்கு என்ன ஆசையா? உண்மையிலேயே எனக்கு புரியவில்லை. ஸ்டிக்கோடு நடப்பதற்கு யாராவது ஆசைப்படுவாங்களா? இது மிக மிக முக்கியமான தருணம். இந்த நேரத்தில் நான் நடக்கக்கூடாது ஓட வேண்டும். அப்படிப்பட்ட நேரத்தில் யாராவது ஸ்டிக்குடன் நடக்க வேண்டும் என அவசியம் இருக்கா? எனக்கு மம்தா பானர்ஜி மீதும் அவருடைய கொள்கை மீதும் மிகப்பெரிய மரியாதை உண்டு. இந்த மாதிரியான விமர்சனங்கள் வைப்பவர்களுக்கு நீங்கள் தான் பதில் சொல்ல வேண்டும்'' என்றார்.