தீபாவளி போனஸ் -  முதல்வர் அறிவிப்பு

புதுச்சேரி அரசுத்துறைகளில் பணிபுரியும் அரசிதழ் பதிவுபெறாத B-பிரிவு அலுவலர்கள் மற்றும் அனைத்து C-பிரிவு ஊழியர்களுக்கு இந்த நிதியாண்டுக்கான போனஸ் வழங்குவதற்கான ஒப்புதலை அரசு வழங்கியுள்ளது. 
 

அதற்கான அரசாணை நிதித்துறையின் மூலம் வெளியிடப்பட்டு, அரசு ஊழியர்களுக்கு போனஸ் உடனடியாக வழங்கப்படும்.
 

அதன்படி அரசுத்துறைகளில் பணிபுரியும் B-பிரிவு அலுவலர்கள் மற்றும் அனைத்து C-பிரிவு ஊழியர்களுக்கு போனஸ் தொகையாக அதிகபட்சமாக ரூ.6,908/- வழங்கப்படும். மூன்று ஆண்டுகளுக்கு மேல் பணிபுரியும் தினக்கூலி ஊழியர்களுக்கு போனஸ் தொகை அதிகபட்சமாக ரூ. 1,184/- வழங்கப்படும்.
 

இதற்காக புதுச்சேரி அரசுக்கு ரூபாய் 18 கோடி கூடுதலாகச் செலவாகும் என்றும்,  உற்பத்தி சார்ந்த அரசு நிறுவனங்களுக்கு வழங்கப்படவேண்டிய போனஸ் தொகை குறித்த அறிவிப்பு மத்திய அரசிடமிருந்து பெறப்பட்டவுடன் அறிவிக்கப்படும் எனவும்  முதல்வர் நாராயணசாமி அலுவலக  செய்தி அறிக்கை குறிப்பிட்டுள்ளது.